Маме патрэбны другі шансУзор

Практыка

У нас, мам, так шмат маленькіх, нязначных, незаўважных абавязкаў, якія на працягу ўсяго дня цягнуць нас у розныя бакі, што мы з усіх сіл стараемся знайсці баланс паміж тым, што нам трэба зрабіць, што мы хочам зрабіць і што вымушаны зрабіць. Нам трэба праверыць падгузнік, адказаць на тэлефонны званок, рашыць матэматычную задачу, выцерці пралітае, аплаціць рахунак за электрычнасць і ўсё гэта адначасова. Мы выбіраем адно, затым іншае, увесь час прасоўваючыся наперад і спадзяючыся, што мы дзейнічаем мудра. Хвіліна за хвілінай, дзень за днём. Невялікі крок, большы крок, невялікі крок.

Я гаварыла ў мінулых раздзелах аб праблемах, з якімі вы сутыкаецеся, і аб планах, якія вы складаеце, каб дасягнуць мэты, але калі прыходзіць час, каб увасабляць гэтыя планы, гэта адбываецца паступова.

Вы не выйграеце вайну адным гіганцкім выбухам. Вы ўступаеце ў невялікую бітву, выйграваеце яе або прайграваеце, працягваеце дзейнічаць, рыхтуецеся да наступнай, набіраецеся вопыту, і спрабуеце зноў да той пары, калі, азіраючыся назад, вы убачыце больш перамог, чым паражэнняў, і ўсвядоміце, наколькі далёка вы прасунуліся.

Вось формула з пяці крокаў, каб пачаць ператвараць гэтыя раздражняльныя сітуацыі ў нешта такое, што створыць успаміны, напоўненыя радасцю.

1) Зрабіце глыбокі ўдых
2) Памаліцеся і праслаўце Бога
3) Складзіце план дзеянняў
4) Зрабіце крок веры
5) Паўтарыце пры неабходнасці