Маме патрэбны другі шансУзор

Набор інструментаў

Мне падабаецца браць канцэпцыю набору інструментаў і прымяняць яе для таго, каб змяняць цяжкія моманты нашага жыцця. Я магу сабраць для сябе арсенал інструментаў, якія я магу выкарыстоўваць тады, калі яны мне спатрэбяцца.

1) Сіла (Іс. 40:28-31)
2) Мужнасць (Пс. 30:25)
3) Пастаянства (Рым. 5:1-5)
4) Выратаванне (1 Ян. 5:11-13)
5) Ісціна (Пс. 85:11)

Гэтыя пяць пунктаў - пачатак. Але ёсць яшчэ шмат чаго, што вы можаце дадаць у свой набор інструментаў. Паглядзіце на сваю сітуацыю і падумайце, што вам патрэбна. Цярплівасць? Спакой? Міласэрнасць? У вашым распараджэнні - незлічоная колькасць інструментаў.

Калі вы думаеце пра інструмент, які вам патрэбны, знайдзіце Біблейны верш на гэту тэму і складзіце сабе спіс. Захоўвайце яго ў зручным для вас месцы. Мне падабаецца карыстацца спісам на тэлефоне, але спіс, напісаны ручкай на паперы, працуе нічым не горш. Звяртайцеся да гэтага спісу кожны раз, калі вы адчуеце патрэбу ў гэтым інструменце. Проста дзіўна, як ён дапамагае паглядзець на сітуацыю з гумарам і палёгкай, што так неабходна нам у цяжкія дні.

Затым дадайце гумар. Гэта нармальна, калі вы смеяцеся, калі цытуеце Святое Пісанне. Неабавязкова заўсёды быць сур'ёзным і стрыманым. Бог стварыў смех, і Яму падабаецца, калі мы атрымліваем асалоду. Калі вы не знаходзіце нічога смешнага, тады знайдзіце нешта, што прыносіць вам задавальненне. Усклікніце Яму аб гэтым з радасным настроем. Успрымайце гумар як соль да стравы. Яе патрэбна вельмі мала, але яна робіць усё астатняе нашмат лепшым па смаку.

Гэта выглядае наступным чынам: крытычны момант... спыніцеся і ўдыхніце... падумайце пра Біблейныя вершы, якія дапамогуць вам знайсці тое, што вам патрэбна (сілу, цярплівасць і г. д.)... маліцеся... расслабцеся... смейцеся... пачніце спачатку (пра гэта ўсё ідзе гаворка ў дадзенай кнізе)... вяртайцеся да свайго дня.

Я ведаю, што гэта толькі гучыць лёгка, а насамрэч гэта не так. Асабліва напачатку. Вы змагаецеся са сваімі звычкамі і прыродай і змяняеце свае звыклыя рэакцыі. Але я абяцаю, што з часам (і даволі хутка!) гэта стане новай звычкай і вы станеце новым чалавекам.

Вам спадабаўся гэты план? Калі так, то можаце паўдзельнічаць у розыгрышы поўнай кнігі here