Перапоўнена маімі дабраславеннямі (Частка 1)Узор

Я памятаю, як аднойчы, калі мае дзеці былі маленькімі, мой муж прыйшоў дадому з працы і пабачыў, што мы ўсе сядзім на падлозе і плачам. Нават я! З мяне хопіць. Я была стомленай, спустошанай. Я шукала месца, куды маці сыходзяць у адстаўку.

"Я больш так не магу", - з цяжкасцю прамаўляю я свайму мужу скрозь усхліпы. "Гэта ўжо занадта! Яны мяне не слухаюць. У хаце ніколі няма парадку. У мяне нават няма часу рабіць самае неабходнае для таго, каб нашая сям'я жыла больш-менш прыстойна.

Пасля таго, як мой муж супакоіў усіх нас, ён пазней распавёў мне пра канцэпцыю, якую я з тых часоў выкарыстоўваю зноў і зноў. Мой пяшчотны муж сказаў: "Робін, у бліжэйшы час лягчэй не стане. Табе давядзецца прыняць гэта і рабіць усё, што ў тваіх сілах. "Ого! Мне трэба было мяняць сваё стаўленне.

Хоць і з вялікім бурчаннем і барацьбой я пачала дазваляць гэтым словам пранікаць глыбока ў маё сэрца. Я пачала па-іншаму глядзець на рэчы. Я прыняла рашэнне змірыцца з тым, што мае дні будуць сумнымі, аднастайнымі і небагатымі на добрыя здарэнні - калі я сама не зраблю іх больш вясёлымі. Мне трэба было вучыцца атрымліваць асалоду, а не ўцякаць. Я заўсёды буду адчуваць стрэс і прыгнечанасць — калі толькі я не навучуся саступаць і прымаць той факт, што з усім, што даў мне Бог, Ён таксама дасць мне спосаб справіцца з любоўю і цярпеннем.

Калі я навучылася адмаўляцца ад сваіх прадузятых уяўленняў аб тым, якім павінна быць жыццё, і аддаваць сябе сваім дзецям, маё жыццё стала прасцей. Добра. На самай справе гэта было не так. Але я ўступала у новую вобласць асабістага росту і сталасці, якая прыносіла карысць мне і маёй сям'і.

Ойча, калі ласка, дай мне мужнасці ўсвядоміць тое, што мой дзень будзе такім, якім я яго ствараю на падставе свайго стаўлення. Я запрашаю Цябе ў мае абставіны. Дапамажы мне глядзець на ўсё Тваімі вачыма, ведаючы, што ўсё, што я раблю і кажу сёння, мае значэнне для вечнасці і не з'яўляецца марным высілкам. Я малюся за тое, каб Твая сіла стала маёй и вырашаю знаходзіць радасць, Тваю радасць, нават у самых звычайных справах. Я аддаю свой дзень у Твае рукі і згаджаюся, што сёння добры дзень, каб добра правесці яго!