Перапоўнена маімі дабраславеннямі (Частка 3)Узор

Сапраўды, падумай пра гэта. Ніхто з нас не ведае, што прынясе заўтра. Мы будуем планы і нам падабаецца ведаць, што нас чакае, каб быць гатовымі. І калі мы не ведаем, могуць хутка праявіцца страхі.

Некаторыя страхі, з каторымі я сутыкаюся і сутыкалася ў мінулым, датычацца жыцця маіх дзяцей. Жыцця майго мужа. У часы, калі яшчэ не было мабільных тэлефонаў, я планавала пахаванне свайго мужа, калі ён затрымліваўся з працы! Страх - вельмі распаўсюджаная з'ява сярод нас, жанчын.

Я дагэтуль змагаюся са страхам, што нета можа здарыцца з маёй сям'ёй. Што маё здароўе пагоршыцца. Тады то са мной будзе? Як я буду спраўляцца? Я здолею выжыць?

Такім чынам, у чым жа схаваны сакрэт гэтай жанчыны з 31 раздзела кнігі Прыпавесцяў? Як яна можа ўсміхацца невядомасці?

Я думаю, што яна мае такі суцэльны, непадзельны давер да Бога, веру ў Ягоную вернасць, у тое, што Ён трымае ўсё пад Сваім кантролем, і гэта дае ёй сапраўдны спакой і мір у сэрцы. Яна ведае крыніцу гэтых страхаў і гэта не Бог. Таму яна ўсміхаецца. Яна радуецца таму, што адбудзецца ў будучым, ведаючы, што яно знаходзіцца ў Божых руках, і што Богу можна давяраць.

Я ўсё яшчэ хачу патрапіць туды. У гэтае мірнае месца, дзе я магу адпачываць, давяраць і проста ўсміхацца. І ў большасці выпадкаў я бачу, што становіцца лягчэй. Часам мне ўсё даводзіцца прымушаць сябе ўсміхацца, давяраючы праўдзівасці Божага Слова. Майму розуму цяжка цалкам напоўніць гэтым маё сэрца.

Адна з маіх настаўніц, якая перажыла жудасныя зверствы халакоста, Коры тэн Бом, сказала: "Ніколі не бойцеся даверыць невядомую будучыню вядомаму Богу" І "Хваляванне не пазбаўляе заўтрашні дзень ад смутку, яно пазбаўляе сённяшні дзень ягонай сілы." Яна ведала, аб чым гаварыла.

А што наконт цябе? Якія страхі адбіраюць твае сілы і перашкаджаюць усміхацца будучыні? Прызнай іх зараз. Ён трымае цябе і тваіх дзяцей. Вер гэтаму

О, Ойча. Я хачу пазнаць Цябе, давяраць Табе, аддаваць заўтрашні дзень у Твае любячыя усёмагутныя рукі, але я ведаю, што мае страхі звязваюць мяне і перашкаджаюць мне цалкам давяраць Табе. Я прашу у Цябе смеласці пастаянна рабіць выбар быць цалкам Тваёй, ведаючы, што Ты трымаеш маю будучыню і маю сям'ю ў Сваіх мудрых руках. Няхай радасць ад усведамлення таго, Хто Ты ёсць, падымаецца ў маім духу зараз, выклікаючы ўсмешку на маім твары. Дзякуй Табе за тое, што Ты любіш мяне, асабліва, калі я баюся.