ПрагненнеУзор

Прагненне як Стымул для Большага

Розныя людзі адчуваюць голад у розныя часіны дня. Некаторыя спажываюць ежу тры разы на дзень. Некаторыя перакусываюць паміж асноўнымі прыёмамі ежы. Адчуванне голаду з’яўляецца часткай звычайных рытмаў чалавечага жыцця. Усім нам неабходна ежа. І праўда ў тым, што наш фізічны голад адлюстроўвае больш глыбокую духоўную рэальнасць: мы створаны для таго, каб адчуваць голад да Бога.

Хрысціянства грунтуецца на адносінах з Богам праз Ісуса, таму зразумела, што мы павінны бесперапынна і пастаянна ўзрастаць у нашым жаданні ведаць Яго лепш і знаходзіцца ў Яго прысутнасці. Ісус назваў блажэннымi тых, хто жадае справядлівасці і прагне яе, бо яны будуць насычаны. Можа, ты добра адчуваеш свае духоўныя прыступы голаду. Можа, ёсць аспекты твайго жыцця, якія патрабуюць запаўнення Божай праведнасцю.

Прыйшоўшы ў свет, Ісус нагадаў людзям пра першасную мэту Бога - сапраўднае сяброўства з Ім. Ад пачатку Бог хацеў, каб iмкненне людзей да Яго і Яго Царства пераўзыходзіла ўсё іншае. Ісус паказаў гэтую праўду словами, што Яго хлеб - гэта рабіць волю Яго Айца, і што кожны, хто прагне,можа прыйсці да Яго і піць вольна з рэк жывой вады.

Прагненне Бога - гэта жаданне мець цудоўны вопыт ведання Яго - з’яўляецца агульным фактарам, аб’ядноўваючым людзей Бога на працягу гісторыі. Веданне Яго накіроўвае нас да Яго прызначэнняў для нашых жыццяў. Веданне Яго азначае, што мы становімся часткай Яго Царства, якое пашыраецца з Божай сілай па ўсёй зямлі.

Першыя паслядоўнікі Ісуса зразумелі, што жыццё на Зямлі не мае вялікай каштоўнасці, калі яны не цалкам аддаюцьсябе служэнню Богу. Павел піша, што любоў Хрыста заклікае нас жыць не для сябе, а для Таго, хто памёр за нас. Жыццё без прагнення да Бога круціцца вакол сябе і знікаючых рэальнасцей гэтага свету. Такое жыццё не можа быць часткай цудоўнага супольніцтва з Богам, якое надае нам сілу для ўсталявання Яго Царства на зямлі.

Калі наша імкненне да Бога ўзрастае, мы разумеем, што пазнанне Яго не мае канца. Знайдзі час, каб ацаніць, наколькі моцна ты жадаеш Бога. Няхай Бог узмоцніць тваё жаданне ведаць Яго, абвяшчаць Яго і ўваходзіць у Яго планы і мэты для твайго жыцця. Няхай Ён паглыбіць тваю свядомасць у тым, што нічога з прапанаванага светам не можа насыціць тваю душу. І няхай ты адважышся жыць толькі для Ісуса.