Шлюб паводле Божай задумыУзор

ПяцьАспектаўШлюбу

Каб лепш асэнсаваць Божую задуму ў стварэнні дзівоснага, пажыццёвага партнёрства паміж мужам і жонкай, варта разгледзець наступныя пяць аспектаў шлюбу.

Першы аспект шлюбу — гэта Партнёрства, як мы ўжо чыталі на працягу апошніх дзён. У Адама ў Эдэмскім садзе ўжо ўсё было цудоўна яшчэ да прыходу Евы. Тым не менш, быць аднаму для яго было нядобра. Ён, магчыма, не ўсведамляў гэтага, але яму патрэбны быў памочнік і кампаньён, роўны яму, але з іншымі якасцямі.

Другі аспект шлюбу — Працяг роду. Бог дабраславіў Адама і Еву, кажучы ім нараджаць дзяцей, якія будуць працягваць іх род і заселяць зямлю. Хоць не ўсе пары маюць дзяцей па розных прычынах, шлюб і сям'я —гэта iдэальнае па Божай задуме месца для нараджэння новага чалавека.

Трэці аспект шлюбу — Абвяшчэнне. Шлюб з’яўляецца жывым увасабленнем адносін Хрыста і Царквы. Пастаянства, адзінства і блізкасць — найважнейшыя элементы шлюбу, паколькі мы закліканы паказваць свету любоў і вернасць Ісуса праз свае сямейныя адносіны.

Чацвёртая тэма шлюбу — Чысціня. Бог задумаў сэкс як цудоўны дар, які можа быць спазнаны толькі ў бяспецы і святасці шлюбу. Шлюб — гэта шлях, які Бог даў нам, каб абараніць сябе ад нячыстасці і сэксуальнай распусты.

Пяты аспект шлюбу — гэта Асалода (што непасрэдна звязана з Чысцінёй). Адным з найвялікшых дабраславенняў шлюбу з'яўляецца прывілей атрымліваць асалоду ад фізічнай блізкасці ў бяспечнай і стабільнай абстаноўцы. Няма большай адкрытасці і блізкасці, чым у момант інтымных адносін з партнёрам, і шлюб забяспечвае гэта у атмасферы даверу і любові. Таму здрада раніць так глыбока: гэта здрада чалавеку, з якім ты быў найбольш блізкі.

Шлюб — гэта надзвычайны дар, бо ён паходзіць ад нашага Стваральніка, а Ён напоўнены дабрынёй. Нам варта знайсці спосабы ўшанавання шлюбу — праз нашы словы, наша імкненне да яго, наша жыццё ў ім і нашу падтрымку іншых. Мы павінны рабіць гэта, таму што шлюб створаны Богам і сведчыць пра Яго. Гэта адзіны шлях да пажыццёвай адданасці адной асобе з вернасцю і любоўю — вобраз любові Хрыста да Яго Царквы. Слава Богу за вялікі дар, які Ён нам даў.