Твая Лепшая Iнвестыцыя!Узор

Гарантаваныя Прыбыткі!

У наш час такая заява выклікае некаторыя пытанні і недавер. Тым не менш, існуе ўніверсальны закон, які датычыцца амаль усіх аспектаў жыцця: закон сеяння і жніва, ці, прасцей кажучы, «што пасееш, тое і пажнеш».

Нельга сабраць ураджай, не пасеяўшы спачатку зерне. Нельга атрымаць прыбытак, не зрабіўшы спачатку інвестыцый. Каб атрымаць выгаду ад прадукту ці паслугі, трэба іх спачатку набыць. Фізічнае здароўе не захаваць без збалансаванай дыеты і актыўнага ладу жыцця. Вынік у кожным з гэтых прыкладаў адпавядае якасці або колькасці таго, што было ўкладзена ў пачатку.

Той жа самы прынцып дзейнічае і ў адносінах з Богам. Каб дасягнуць насычанага і дабраславёнага жыцця з Богам, трэба пасеяць адпаведнае насенне. Добрая навіна заключаецца ў тым, што Бог забяспечыў нас гэтым добрым насеннем — гэта Яго Слова, Біблія. Шчодры пасеў Божага Слова прывядзе да багатага ўраджаю ў нашым жыцці.