Твая Лепшая Iнвестыцыя!Узор

Агляд Бібліі

Біблія змяшчае вечныя прынцыпы, дакладныя інструкцыі і актуальныя прыклады на тэму таго, як весці збалансаванае, напоўненае і дабраславёнае жыццё хрысціяніна. Насамрэч, Божае Слова ніколі не страціла і не страціць сваёй актуальнасці, нягледзячы на змены ў часах і сезонах, і дапамагае нам рэалізаваць Божы план у нашым жыцці.

«Усякае Пісанне боганатхнёнае і карыснае для навучання, для выкрывання, для выпраўлення, для выхавання ў праведнасці, каб чалавек Божы быў дасканалым, поўнасцю падрыхтаваны да кожнага добрага ўчынку» 2 да Цiмафея 3:16-17.

Біблію можна разглядаць як глыбока асабісты пісьмовы выраз Бога і ўсяго, што Ён азначае для людзей. Ніжэй прыведзены асноўныя пункты, якія гэта тлумачаць:

1. Біблія з'яўляецца матэрыяльнай праявай Божай любові. Яна апавядае пра рысы Яго характару і ўчынкі, Яго звароты да людзей і запаведзі, а таксама пра велізарную любоў да кожнага чалавека.

2. Біблія натхнёная Богам. Хоць 66 кніг Бiблii былі напісаны рознымі аўтарамі, усе яны пісалі пад натхненнем Бога праз дзеянне Святога Духа.

3. Біблія — гэта Божы аўтарытэт у нашым жыцці. Божае слова, запісанае ў Бібліі, мае такую ж сілу ў нашым жыцці, як і сам Бог, паколькі яно натхнёнае Ім.

Божае Слова — гэта найважнейшая аснова для нашага духоўнага росту і сталення ў Богу. Для таго, каб насенне Божага Слова прынесла плён у нашым жыцці, трэба яго чытаць, паглыбляцца ў яго і прымяняць яго ў паўсядзённым жыцці.