Популярни библейски стихове от MATEO 6

Споделяне

Ɣɛɛ nnɛ iso i mi anɔ si arɛtɛ nɖe sɔ Ɣaa si ɔɖe sigara i mi iso gu si mibara sibɔlɔlɔ ara iyɔ ɔto ɔ̃asu ara wagbe ɔɖuɖu ɔtã mi.

Ne ɔso midaamararã so i kɔrãkaɖe ga loisɛ̃ iso. Kɔrãkaɖe amɔrɛ̃ si ase ise ala nɔme are ɔɔfe isi.

Ne ɔso nto loɣere mi sɔ midaamararã so i mi ngbã, nnɛ miaɖe gu nnɛ mianɛ, ɣee mi sosina gu nnɛ miapia iso. Ɛɛbɛrɛ ngbã iifɔ kuɣa miɖo aɖera fiɛ kuturidziri iifɔ kuɣa kuɖo arapia?

Ɣɛɛ fɔ si ato akparama kayi ne, kɛlɛ fɔ iyo kame si asɛ̃ iyo apia so fiɛ aakpere fɔ Ɔse gɔ maisɛ manya ala anɔmi, iyɔ gɔ ɔ̃ ɔsɛ ɔnya ta awɛrɛra ne, ɔto ɔ̃atã-ɔ kuso.

Ne ɔso si mito mikparama kayi ne, miɣɛ sɔ, ‘Bo Ɔse gɔ i kato, tã marɔ fɔ iyere sɛɛ. Fɔ sigara iɖe si siba i bo ndɛ̃. Maabara fɔ kuɖɔɛ i kayiiso lɛ kumɛgɔ masɛ mabara i kato.

Tã bo nɔme ikpɛnɛ aɖera.

Su bo akpi tsɛ bo lɛ kumɛgɔ bosɛ bosu botsɛ mma loɣɛrɛ bo.

Daatã sɔ boabo i kalakanyɔ ame, ɣɛɛ ɖi bo bɔrɛgu i ikpi ame. Ala fɔ ɔkpɛ nɖe sigara iɖe gu ɔle gu ikpawaĩ ɔwi ɔɖuɖu ame.’

“Si misu maturi akpi mitsɛ ma ne, mi Ɔse gɔ i kato ana to ɔ̃asu mi are ɔtsɛ mi.

Minyɔ kato kurodzai gɔ loisɛ kukpɛ̃ fiɛ kuisɛ kusɔrɛ̃ ɔraɖui, kuna siwu ɣɛɛ mi Ɔse gɔ i kato sɛ ɔkararã kɔ̃! Miifɔ kuɣa miɖo kurodzai?

“Midaakɔla karana mitã so i kayi gagbe ame ala ngbe ne, makorokpɛ to maanina kã ɣee kapɛ matɔ, fiɛ mayukukpe ana to maawo kukui ɔbiɛ mabo iyo mayu kã. Ɣɛɛ ne, mikɔla karana misɛ so i kato. Ala mmɔ ne, makorokpɛ iisɛ manina ara, kaisɛ kapɛ matɔ fiɛ mayukukpe ana iisɛ mabo i mmɔ mayu ara. Alasɔ ngbegɔ i fɔ karana se ne, mmɔ i fɔ ɔtu ana aawe ne.

“Kuwɛ̃ iibawo makɔse inyɔ ɔsumu. Si iiɖe ngbɔ ne, ɔto ɔ̃aɖɔɛ ɔwɛ̃ ɔtsiri ɔwɛ̃. Ɣee ɔ̃awarɛ ɔwɛ̃ ɔta ɔya ɔwɛ̃ iso. Miibawo Ɣaa gu karana ɔsɔrɛ.

Ɣaa nsɛ ɔkɛrɛ sikua ngbɔ. Sikua dzɛ mpia nɔme kɔrãkaɖe maɔkpɛ̃ sɛ̃ mafere i ɔtɔ ame matsuedza. Si Ɣaa to ɔnyɔ sikua iso ngbɔ ne, ɔ̃ibabara ɔtã mi ma loɖo sikua? Be ɔso i mi kafɔkaɖe ɔfoforo ngbɔ?

Ne ɔso si abuai wɛrɛba ne, daatã nane fɔ ɔlaa gɔ lomatã-ɔ si ɔtsue nnɛ abara, iɖe iwɛrɛra, iyɔ mi Ɔse Ɣaa gɔ nsɛ ɔnya awɛrɛra ɔɖuɖu wa i maturi sɛ mabara to ɔ̃atã-ɔ kuso.

“Minyɔ so kukaakɔ sɔ miibabara mi kasumu kubarara i ɔgbami sɔ maturi aanya. Alasɔ si mibara ngbɔ ne, mi Ɔse Ɣaa gɔ i kato siina kukuso ɔ̃atã mi.

Yesu ɔledza iɣɛ sɔ, “Si mito minyi kanya ne, midaanyi katɔ̃ mila lɛ mma nsɛ mabara ara si mabo maturi anɔ awe. Ala masɛ manyi katɔ̃ mala sɔ maturi si matsue sɔ mato manyi kanya, fiɛ gbaã loto loɣere mi sɔ maɔfɔ ma kuso koko. Si mito minyi kanya ne, mifore anɔmi si mitara mi ati kukaakɔ miledza so. Ne loatã sɔ maturi iibatsue sɔ ato anyi kanya, ɣɛɛ fɔ Ɔse gɔ maisɛ manya, fiɛ ɔsɛ ɔnya ara wɛrɛa aatã-ɔ kuso.