Популярни библейски стихове от Luke 7

Споделяне

အင်(မ်)ဘော်ခန်းနောလ် ကေးနားဟောင်ဟိုင်ဝိုက် နီမုတော အပြစ်လှီ့ ခွင့်လွှတ်ခံလောဒ့်ခန်းနောလ် နီမုတောနား ပိုဝေနား အခစ်။ အပြစ်ဒုစရိုက်မက်စိုးယောင် ခွင့်လွှတ်ခံလောဒ့်တိနားစေး မက်စိုးယောင် အခစ်" တိရို အမိန့်။ အင်(မ်)ပါလ်နောလ် ကိုယ်တော်နား အင်(မ်)မုတောဝေါလ် "နာ(င်)အပြစ်ဒုစရိုက်လှီ့ ကိမ်ကိမ်ခွင့်ကလွှတ်ပါလ်" တိရို အဟောင်။

အင်(မ်)ဘော်နားခါ ကိုယ်တော်ယေရှုနား အင်(မ်)မုတောဝေါလ် "နာ(င်)ယုံကြည်ခေါမ်ကြောင့်ငေါလ် တုအောလ် နာ(င်) ဖုလော်ရှင်နား နာ(င်)အကယ်တင်ပါလ်။ နာ(င်) နာငြိမ်းချမ်းပါလ်" တိရီု အမိန့်။

အင်(မ်)ပါလ်နောလ် အင်(မ်)မုတော ကိုယ်တော်ကာဝေါလ် လူးထေ့နား တုလ်ဗာန် အကာပ်ဟိုဝေါလ် အမိတ်ခီ ကိုယ်တော်ခူအရွားခန်းနောလ် အခူ အလူဝေါလ် ဝှါးဟနောလ် အဟွတ်ပက်။ အင်(မ်)ပါလ်နောလ် ကိုယ်တော်ခူ နှာမ်ထေ့နား ရေမွှေး အလှုပ်။

အင်(မ်)အပြင် "အရှင်စငေါလ် ကေးကလူးဟိုင်ခါ ထိုက်တန်ဟီ "အရှင်နား အမိန့်ပက်ကုံးငေါလ် ကေးအစေခံ ရောဂါအခိလ်ဘွာလ်ဝိုက်။" ကေးလက်အောက်ကာလ် စစ်တပ်လှီ့ပူနူးအမယ်ထေ့နား အင်(မ်)လှီ့အောလ် ကေးနားဈာတ်တားတိရို အမိန့်ကပက်နားစေ့ အဈာတ်လောဒ့်။ လူးဝြားတိရို အမိန့်ပက်နားစေ့ အလူးလောဒ့်။ ကေးနား ကေစေခံလှီ့အောလ် နီစိုင်းတိရို ဟောင်နားစေ့ အင်(မ်)လှီ့နား အာမ်စိုင်းလောဒ့်" တိရို အလျှောက်ဆောက်။ အင်(မ်)ဘော်ဟောင်ခေါမ် ကိုယ်တော်ယေရှုနား အယှောက်ဟိုဝေါလ် စါစ်နိုးထေ့နား အနှုဝေါလ်ရုရ်းလူးတိလှီ့ ခေါင်ထုအောလ် "ကေးနား နာ(င်)မီးရိုး ဟောင်ဟိုင်ကလီခေါမ်စေ့ အစ္စရေးတခွင်ငေါလ် နီဟို့ယုံကြည်မှုလန်တိ မှူးဖူဟာမ်းဟီ" တိရိုအဟောင်။

အင်(မ်)ချိန်ငေါလ် ကိုယ်တော်ယေရှုနား ကွားတိလှီ့ကုသပက်ထေ့နား နတ်ဆီးပူးကပ်ခံလောဒ့်တိလှီ့စငေါလ်ကိ နတ်ဆီးလှီ့ နှင်ထုတ်ခေါမ်တင်ယ မိတ်မှူးယတိလှီ့ခါ မိတ်မှူးဘွာလ်ဟနောလ် အဓူပက်။ အင်(မ်)ပါလ်နောလ် ကိုယ်တော်နား ယောဟန်တိလူးခေါမ် အင်(မ်)ဟွဒ်ရိုး "နာ(င်)မီးနား နမုလောဒ့်ခေါမ်လှီ့ကိမ်ကိမ် ယောဟန်စငေါလ်ဈာတ်ထေ့နား ဟောင်ဘွာလ်ဘွတ်စူး။ မိတ်မှူးယတိလှီ့ တုအောလ်မိတ်အမှူးဘွာလ်ပါလ်၊ ကွတ်ခူသန်စွမ်းယတိလှီ့ခါ အာမ်ကောက်ကာလ်ခွတ်ဘွာလ်ပါလ်၊ အနာကြီးရောဂါမို့လှီ့ ရောဂါအာမ်ခိတ်ဘွာလ်ပါလ်၊ နှိုရောယတိလှီ့နားခါ အာမ်ယှောက်ဘွာလ်ပါလ်၊ ဘလ်တိလှီ့ အာမ်ဟာင်ဘွာလ်ပါလ်၊ စက်ကာလ်တိလှီ့နား ဆတင်းပွန် အာမ်ယှောက်လောဒ့်ပါလ်။