Популярни библейски стихове от Matthieu 6

Споделяне

Mèyè baayê wîr̂î na gëve mwâcir̂i i Bâô, mâ câwâ xi-e ka târi, nè yè bör̂i nââ yè-ve pâr̂â kââ-ré wânii.

Tö ökâré, koa yè tâ néxâi kââ né gaar̂a, câwâ i gaar̂a na dè tâ vi nénââ rö xi-e. Na pâr̂i nédaa na câwâ ka yaané xi-e.»

«Tö ökâré, koa yè tâ vi nénââ vè mör̂ö yè mör̂u xe-ve, ö kââ-ré gëve yè ara, mâ wâyö, mâ kar̂ö-ve bar̂ee, ö kââ-ré gëve yè cur̂i. Ö jië na da vi kwéjî na mör̂u rai êê ara, mâ kar̂ö rai jer̂e kwêêr̂ê?

Gè yè vi na gèi na ka pwaér̂ö, vi ru rö dö mwâ xi-i, mâ yâwîî mèö mwâ, mâ pwaér̂ö yè Pevaa xi-i tö ka tö yêr̂ê, wè nè yè vi na Pevaa xi-i, kâmö ka tö rhûû rö ka tö yêr̂ê, na ka urhii vèâ yè-i.»

Tö ökâré, pwaér̂ö ûr̂û-â na gëve: “Pevaa xé-vé rö rua nékö. Na e na ki ar̂ii na néé-i. Na e na ki kwéyë na mwâcir̂i xi-i. Na e na ki mâ waa rhî vè e xi-i rö-a bwêê jë cè ki ûr̂û nékö.

Nââ yè-vé mi xina êê ara ka pâr̂i-vé.

Cöö pâr̂â nô ka yaané xé-vé, waa ké cöö xé-vé pâr̂â nô ka yaané xé-r̂é, ré cér̂é waa yè-vé

Koa yè kâyâi-vé yè yeyèè, Aè na e na gèi öxar̂a-vé rai miir̂i. Wè gèi ré mwâcir̂i, mâ awir̂è mâ rhîrhér̂é kwéyë rua waavi. Amen.”»

«Gëve yè cöö virai nô ka yaané i pâr̂â kâmö, nè bör̂i vi na Pevaa xe-ve rö rua nékö na ka cöö bar̂ee pâr̂â nô ka yaané xe-ve

Tâ néxâi rö pâr̂â mür̂ü ka cêê rö rua, wè cér̂é da mar̂a mâ yiur̂u, mâ waa bwêêvè, wè na pè ara-r̂é na Pevaa xe-ve rö rua nékö. Ö jië, gëve da vi kwéjî rai-r̂é?

«Koa yè kâ vèâi vè ke-ve nékaré lèèwi rö-a bwêê jë, wè, na wii na ùr̂i mâ wêr̂ê-ê, wè na âùù, mâ na wii na kâmö pa pâr̂â mâ tia pâr̂â, na e na gëve kâ vèâi vè ke-ve nékaré lèèwi xè nékö wè na da ùr̂i, mâ na da ara na wêr̂ê-ê, mâ na yèri-a kâmö ré yè pâr̂â mâ tia pâr̂â. Ö kaa töö i nékaré lèèwi xi-i, wè tö pwéé-i.»

«Na yèri kâmö ka tâwai kâmö yar̂i i du ör̂ökau. Nè yè viö rai dèxâ mâ rhî vè e dèxâ; aè nè ua dèxâ, mâ pèr̂è dèxâ. Gëve da tâwai kâmö yar̂i i Bâô mâ Mamona.»

Nè pè umui nédeewi-ré na Bâô, na tö-i xina ré é, aè gaar̂a nè yè yer̂e ö yé, ö jië na da dö kââ yè-è na ki pè cur̂i-ve pâr̂â pa tâ néwèi vè yar̂i?

Gè yè vi na gèi na ka vi méar̂i, na e na ki da tâwai na néxar̂a â-i é dara kââ ka é waa i néxar̂a â-i é gaamëë, cè ki tö yêr̂ê na pâr̂â târi xi-i, wè Pevaa xi-i ré tö rhûû kââ ka tö yêr̂ê, nè yè bör̂i vi na ce na ka urhii vèa yè-i.»

«Waa tö rhûû na gëve cè ke-ve da pèri vèa târi xe-ve rö kaa tö wânii cè ki mâ rhûû; nè ûr̂û-ré, na bör̂i yèri pè urhii-ve rö pwar̂a Pevaa xe-ve rö rua nékö.

«Ökââ bar̂ee, gëve yè vi xè ré é na ka tö mêr̂ê, koa yè ûr̂û pâr̂â kâmö paxa vee, wè, cér̂é pè mêr̂ê-r̂é, wè cér̂é waa vè yaané pâr̂â némèè-r̂é, cè ki tö vèa yè pâr̂â kâmö na ké tö mêr̂ê xé-r̂é. Avâr̂i gö êr̂ê yè-ve na gènyâ, êr̂ê, na wê wii na pè urhii-r̂é. Gè yè vi xè ré é na ka tö mêr̂ê, rhèi gwâ-i, mâ gââ e némèè-i, cè ki da tö vèa yè pâr̂â kâmö, êr̂ê, gè tö mêr̂ê, na e rö yè Pevaa xi-i tö ka tö yêr̂ê; nè yè bör̂i vi na Pevaa xi-i, kâmö ka tö rhûû tö ka tö yêr̂ê, na ka urhii vèa yè-i.»