Sione 10
10
Ko e Talanoa ki he Tauhi-Sipi Leleí
1‟Ko e moʻoni̇́ ʻeni ‘oku ou talaatu kiate kimoutolú, ko ia ʻe ʻikai ke hū ki he lotoʻā sipi̇́ ʻi he matapaá kae kaka mai ia mei ha feituʻu kehé, ko e toko taha ko iā, ko e kaihaʻa mo kākā. 2Ko ia ʻoku hū he matapā ‘o e loto‘ā sipi̇́, ko e tauhi ia ʻo e fanga sipi̇́. 3‘Oku fakaava ʻe he leʻo matapaá ki he toko taha ko iā, pea ʻoku fakaongo ʻa e fanga sipi̇́ ki hono leʻó. ‘Okú naʻe ui mai ʻene fanga sipi̇ ʻaʻaná ʻaki honau taki taha hingoa, pea naʻe toki tataki atu kinautolu ki tuʻaʻā. 4Ka ‘osi leva ʻene fakahū kotoa atu kinautolu ki tuʻá, ʻokú ne mu‘omu‘a atu ‘iate kinautolu ka nau muimui atu, he ʻoku nau ‘ilo hono le‘ó. 5Ka ʻe ‘ikai te nau muimui ki ha taha kehe, ka te nau hola meiate ia, he ‘oku ‘ikai te nau maheni mo hono leʻó.”
6Naʻe fai ʻe Si̇̄sū ʻa e tala fakatātā ko ʻeni̇́ kiate kinautolu, ka na‘e ‘ikai ke mahino kiate kinautolu ʻa e meʻa naʻá ne tala kiate kinautolú. 7Ko ia, naʻá ne toe folofola kiate kinautolu: ‟Ko e mo‘oni̇́ ʻeni ‘oku ou tala kiate kimoutolú, Ko au ʻa e matapā ‘oku hū ai ʻa e fanga sipi̇́ ki he loto‘ā sipi̇́. 8Ko kinautolu kotoa pē na‘e muʻomu‘a mai ‘iate aú, ko e kau kaiha‘a kinautolu mo e kau kākā, pea na‘e ‘ikai ke fakaongo ʻa e fanga sipi̇́ ki honau le‘ó. 9Ko au ko e matapā, ka ai ha taha ʻe hū atu ʻiate au, ʻe fakamo‘ui ʻa e toko taha ko iā, pea te ne hū atu, mo hū mai ʻo kaikai ʻi ha ngaahi feitu‘u laumaʻuiʻui. 10Ko e kaihaʻá, ʻoku haʻu pē ia ke kaiha‘a, mo tāmate, mo faka‘auha. Ka naʻá ku ha‘u aú ke mou ma‘u ʻa e mo‘ui̇́, pea mou maʻu ia ‘o lahi ʻaupito.
11Ko au ko e tauhisipi lelei̇́. Pea ko e tauhisipi̇ lelei̇́, ʻokú ne tuku ʻene moʻui̇́ ke mole ko e fetongi ʻo e fanga sipi̇́. 12Kapau ko ha tauhisipi ngāue totongi, ‘oku ‘ikai hangē ia ko e tauhisipi ʻoku ʻaʻana tonu ʻa e fanga sipi̇́. He ka sio atu ia ‘oku ha‘u ha ulofi, ʻe hola leva ia kae li̇̄ ʻaki ʻa e fanga sipi̇́. Pea ʻoku ‘ohofi ʻa e fanga sipi̇́ ʻe he ulofi̇́ ‘o naʻe veteveteki. 13ʻOku hola ʻa e tauhisipi ngāue totongi̇́, he ‘oku ‘ikai ke ne ongoʻi ʻe ia ʻa e fanga sipi̇́.
14Ko au ʻa e tauhisipi lelei̇́, he ʻoku ou ʻilo ʻe aʻu ‘eku fanga sipi̇́, pea ‘oku ʻilo foki au ʻe he‘eku fanga sipi̇́. 15Hangē tofu pē ʻoku ʻilo au ʻe he Tamai̇́ pea mo ʻeku ʻilo ʻe au ʻa e Tamai̇́, pehē foki ʻeku tuku ʻeku moʻui̇́ ke mole ko e fetongi ʻo e fanga sipi̇́. 16Pea ʻoku ‘i ai mo ‘eku fanga sipi kehe, kuo te‘eki ke fakahū mai ki he loto‘ā ko eni̇́. Pea kuo pau ke u fakahū mai mo kinautolu foki, he te nau fakaongo mo kinautolu ki hoku le‘ó, pea ‘e taha pē ʻa e tākanga sipi̇́, pea taha pē mo e tauhisipi̇́.
17Ko e ʻuhinga ia ʻa e ‘ofa ʻa e Tamai̇́ kiate aú koeʻuhi̇̄ ko ‘eku fie tuku ‘eku mo‘ui̇́ ke mole ka u toe ma‘u mai ia. 18‘Oku ‘ikai ke toʻo ia ‘e ha taha meiate au, ka ko hoku loto pē ke u foaki ‘eku mo‘ui̇́. ‘Oku ou maʻu pē ʻa e mafai ke foaki ‘eku mo‘ui̇́, pea u toe ma‘u pē mo e mafai ke fakafoki mai ia. Ko e fatongia ia kuo tuku mai ‘e he‘eku Tamai̇́ kiate au.”
19Pea toe hoko ha fakafaʻafaʻahi ʻi he kau Siú koe‘uhi̇̄ ko e ngaahi lea ko ʻeni ‘a Sīsuú. 20He na‘e pehē ‘e hanau tokolahi: ‟ʻOkú naʻe puke fakatēvolo, pea ‘oku hē hono ʻatamai̇́. ‘Oua ‘e fai ha tui ki ai.” 21Kae pehē ‘e he ni‘ihi: ‟He ‘e lava fēfē ke lea pehē ha taha kuo puke fakatēvolo? ‘E lava koā ‘e ha taha pehē ke fakaʻā ʻa e mata ʻo ha taha kui?”
Ko e Fakasītu‘a‘i ‘o Si̇̄sū
22Pea naʻe hokosia ʻa e Kātoanga Fakamanatu ‘o hono Huufifoʻou ʻo e Temipalé ʻi Selusalema. Pea ko e faʻahitaʻu momokó ia. 23Pea fou atu ‘a Si̇̄sū ʻi he ʻaho ‘e taha he feituʻu ʻo e Temipalé na‘e ui ko e Fakafaletolo ‘o Solomoné; 24Ko ia, naʻe fakatahataha mai ha kau Siu kiate ia, ʻo nau ‘eke ange: ‟Talamai angé ke mahinó pē ko e Mi̇̄saiá koe pē ‘ikai. Me‘a ni̇́ te ke tuku ai pē ke mau veiveiua?” 25Pea pehēange ‘e Si̇̄sū: ‟Naʻá ku ‘osi talaatu pē kiate kimoutolu, ka ʻoku ‘ikai te mou fie tui kiate au. Ko e ngaahi ngāue ‘oku ou fai ʻi he huafa ʻo ʻeku Tamai̇́, ko ia ia ʻoku fakamo‘oni kiate aú. 26Ka ‘oku ‘ikai te mou tui mai kiate aú koeʻuhi̇̄ ‘oku ‘ikai ko ‘eku fanga sipi kimoutolu.
27Ko ‘eku fanga sipi̇́, ‘oku nau fanongo ki hoku le‘ó, pea ʻoku ou ‘ilo ‘e au kinautolu, he ʻoku nau muimui kiate au. 28Pea ʻoku ou ‘oange ma‘anautolu ʻa e mo‘ui ta‘engatá pea ʻe ʻikai ʻaupito te nau ʻauha ‘o ta‘engata, he ʻe ‘ikai lava ‘e ha taha ‘o hamusi kinautolu meiate au. 29Ko ‘eku Tamai̇́, ʻa ia naʻá ne foaki kotoa mai kinautolu kiate aú, ‘oku mafai lahi ange ia ‘i ha toe taha. Ko ia, ʻe ‘ikai lava ʻe ha taha ke hamusi kinautolu mei he nima ʻo e Tamai̇́. 30Ko e Tamai̇́ mo au, ‘okú ma taha pē.”
31Pea toe tufi maka mai ʻa e kakai̇́ ke tolongi ‘aki ‘a Si̇̄sū. 32Ka naʻe talaange ‘e Si̇̄sū kiate kinautolu: ‟Kuo u fakahāaʻi kiate kimoutolu ʻa e ngaahi ngāue lelei mei he Tamai̇́. Ko e hā ʻa e meʻa ‘oku ‘ai ai ke mou tolongi aú?”
33Pea tali kiate ia ʻe he kau Siú: ‟‘Oku ‘ikai ko ‘emau teu tolongi koé ko ha lelei naʻá ke fai. Ko ‘emau teu tolongi koé koe‘uhi̇̄ ko ho‘o lea fieʻotuá. He ko e tangata pē koe, ka kuó ke lau ko e ‘Otuá koe.”
34Pea folofola ‘a Si̇̄sū kiate kinautolu: ‟‘Ikai kuo tohi he Tohitapú, ʻOkú ou lau ko e ngaahi ‘otua kimoutolu? 35Kapau ‘oku ui ‘e he ‘Otuá ʻa e kakai naʻá ne tuku ki ai ʻa e folofolá, ko e ngaahi ‘otua, pea ʻoku ʻikai lava ʻe ha taha ke fakahalaʻi ʻa e Tohitapú. 36Fēfē leva ai ʻa e toko taha naʻe fakatāpui ʻe he Tamai̇́ pea naʻe toki fekau mai ki māmani̇́? Ko e hā ʻoku mou tukuakiʻi ai au, ʻoku ou leafieʻotuá, heʻeku pehē: Ko e ʻAlo au ʻo e ʻOtuá? 37Kapau ʻoku ‘ikai ko e ngāue ia ‘a ʻeku Tamai̇́ ʻoku ou fai̇́, pea ‘oua te mou tui mai kiate au. 38Ka ʻokapau ʻoku ou fai ʻa e ngaahi meʻa pē ko iā, neongo ʻoku ʻikai te mou tui mai kiate au, pea mou tui pē ā ki he ngaahi meʻa ʻoku ou fai̇́, koeʻuhi̇̄ te mou toki ‘ilo ai ‘oku nofoʻia au ʻe he Tamai̇́, pea ʻoku ou nofomaʻu ʻi he Tamai̇́.”
39Pea toe feinga ʻa e kakai ke ala fakamālohi kiate ia, ka naʻe ʻikai te nau lava ʻo puke ia. 40Pea toe ‘alu ia ki he kauvai ‘o e Vaitafe ko Soatani̇́, ki he feitu‘u na‘e fai papitaiso ai ‘a Sione kimu‘a atú, ʻo ne nofo ai. 41Pea holo mai ha fuʻu kakai tokolahi kiate ia, ʻo nau pehē: ‟Neongo na‘e ‘ikai ke fai ʻe Sione ha mana fakaofo, ka ko ʻene fakamatala kotoa pē ‘o kau ki he tangatá ni, ʻoku mo‘oni.” 42Pea na‘e tui ai kia Si̇̄sū ha tokolahi he kakai ʻo e feituʻu ko iā.
Избрани в момента:
Sione 10: TCNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tongan Contemporary New Testament © Bible Society of the South Pacific, 2011.