Mātiu 11
11
Ko Sione Papitaiso
(Luke 7:18-35)
1Pea hili hono fakahinohino ‘e Si̇̄sū ʻene toko hongofulu mā uá, naʻá ne hiki atu mei ai ‘o faiako mo malanga ‘i honau ngaahi kolo ofi mai̇́.
2Pea lolotonga ʻa e kei nofo pili̇̄sone ‘a Sione Papitaisó, na‘á ne fanongo talanoa ʻi he ngaahi me‘a ‘a Kalaisi kuo fai̇́, ko ia naʻá ne fekau ʻene kau akó ke nau ō kia Si̇̄sū; 3‘O fehu‘i ange kiate ia: ‟Ko koe koā ʻa e toko taha ‘oku mau tatali ki ai̇́, pē te mau toe ʻamanaki ki ha taha kehe?”
4Pea pehēange ‘e Si̇̄sū ki ai: ‟Mou foki ‘o tala kia Sione ʻa e me‘a kuo mou fanongo mo mamata ki ai̇́; 5‘A e ʻā ʻa e kui̇́: ʻa e lava ʻa e heké ‘o ‘alu: ʻa e fakama‘a ‘o e kau kiliá: ʻa e fanongo ʻa e kau tuli̇́: ʻa e fakamoʻui ʻo e kau maté, mo hono malangaʻaki ‘o e ongoongo lelei̇́ ki he kau masivá. 6Pea ʻoku monūʻia ʻa e kakai ‘oku ‘ikai te nau fehi‘a kiate aú koeʻuhi̇̄ ko ‘eku ngaahi me‘a ‘oku fai̇́.”
7Pea ʻi he foki atu ʻa e kau ako ‘a Sioné, na‘e lea ange ‘a Si̇̄sū ki he kakai̇́ ‘o kau kia Sione:
Ko e tangata hā na‘á mou ō ke mamata ki ai ʻi he toafá? Ko ha toko taha nai ‘oku hangē ha vaʻa tanetane kuo ngaofe ‘i he matangi̇́? 8Ko hai na‘á mou ō ke vakai̇́? Ko ha tangata teunga nāunauʻia? ‘Ikai! He ko e kakai ‘oku nau teunga pehēé, ‘oku nau nofo palasi kinautolu. 9Ka ko e hā koā ia na‘á mou ō ko hono vakai̇́? Ko ha palōfita? ʻio! Ko hono moʻoni̇́ ʻeni ʻoku ou tala kiate kimoutolú, ko e tangata na‘á mou mamata ki ai̇́, ‘oku tuʻunga mā‘olunga ange ia ‘i ha palōfita. 10He ko ʻeni ʻa e lau ʻa e Tohitapú kia Sioné: ‟Vakai, ʻe mu‘omu‘a ‘iate koe ‘eku talafekaú ke teuteu ho halá.” 11Ko hono mo‘oni̇́ ʻeni ‘oku ou tala kiate kimoutolú, ‘oku tuʻunga mā‘olunga ange ‘a Sione Papitaiso ‘i ha toe tangata kuo fanau‘i ‘i māmani. Ka neongo ia, ko ia ‘oku tuʻunga māʻulalo taha ‘i he Pule‘anga ‘o Hēvani̇́, ‘oku mā‘olunga ange ia ‘ia Sione.
12Talu mei he taimi ʻo Sione Papitaisó ‘o a‘u mai ki he ‘ahó ni mo hono tau‘i ʻo e Pule‘anga ‘o Hēvani̇́, ko e feinga ʻa ha kau tangata ke ma‘u fakamālohi ia. 13He na‘e kikite‘i ʻi he ngaahi tohi ʻa e kau palōfitá mo e Lao ‘a Mōsesé ʻa e me‘a kātoa ‘e hokó ‘o a‘u mai kia Sione. 14Pea kapau ‘oku mou tali ʻa e ngaahi kikite ko iá, ko ‘Ilaisiā ‘a Sione, ko e palōfita kuo fuoloa ho‘omou fakaʻamu ke hoko mai̇́.
15Ko kimoutolu ‘oku telingá, mou fanongoʻaki.
16Pea ʻe fakatatau ki he hā ʻa e kakai ʻo e toʻutangata ko ʻeni̇́? Ko kimoutolu kuo mou hangē ha longa‘i fānau ‘oku fakavā mo fekālanga‘i ‘i hala pule‘angá;
17‟Na‘á mau tā fasi tau‘olunga atu,
ka na‘e ‘ikai te mou fie fakateki mai!
Pea mau hiva putu atu,
kae ‘ikai te mou fie tēngihia!”
18He na‘e ha‘u ‘a Sione, ko e tangata ‘oku ‘ikai ke fa‘a kai pē fa‘a inu, pea mou lau, ‟‘Okú ne puke fakatēvolo.” 19Kae ha‘u ʻa e Foha ʻo e Tangatá ia ‘o kai mo inu mo kimoutolu, pea mou tala leva ‘e kimoutolu, ‟Ko e tangata fa‘a kai mo fa‘a konā, pea ko e kaungāme‘a ‘o e kau tānaki tukuhaú mo e kau angahalá!” Kaekehe, kuo pau ke fakatonuhia‘i ʻa e poto ‘o e ‘Otuá, ‘i heʻene ngaahi ngāue ‘oku fai̇́.
Ko e Ngaahi Kolo Ongongata‘a
(Luke 10:13-15)
20Ka na‘e ‘ikai ke fie tafoki ki he ‘Otuá ʻa e ngaahi kolo na‘e fai ai ‘e Si̇̄sū ʻene ngaahi mana lalahi̇́, pea mamahi ai ʻa e loto ‘o Si̇̄sūú ‘o ne valokiʻi kinautolu: 21‟Tokanga‘i koe Kolesini! Tokanga‘i koe Petesaita! He ka naʻe fai ‘i Taia mo Saitoni ʻa e ngaahi mana na‘e fai ‘iate kimouá, kuo fuoloa ‘ena ‘ai tauangaʻa mo fakaefuefu, ke fakahaa‘i ʻaki ‘ena tafoki̇́. 22Ko hono mo‘oni̇́ ʻeni ‘oku ou tala kiate kimoutolu, ka hoko mai ʻa e ‘Aho Fakamaaú, pea ‘e faka‘atu‘i ange ‘e he ‘Otuá ʻa e kakai ‘o Taia mo Saitoni̇́ ‘iate kimoua!
23Pea ko koe, ‘e Kāpaneume, ko ho‘o holi̇́ koā ke ‘ohake koe ki langi? Ka ko ʻeni ʻe li̇̄ hifo koe ki heli! He kapau na‘e fai ‘i Sōtoma ʻa e ngaahi mana na‘e fai ‘iate koé, na‘e tolonga mai ʻa e kolo ko ia ‘o a‘u ki he ‘ahó ni. 24Ko hono mo‘oni̇́ ʻeni ‘oku ou tala kiate kimoutolu, ka hoko mai ʻa e ‘Aho Fakamāaú, pea ‘e faka‘atu‘i ange ‘e he ‘Otuá ‘a Sōtoma ‘iate koe!”
Ha‘u Kiate Au ka Mou Nonga
(Luke 10:21,22)
25Pea toki fai ai ‘e Si̇̄sū ʻene lotu, ʻi he taimi ko iāa: ‟‘E Tamai, ko e ‘Eiki koe ‘o hēvani mo māmani. ‘Oku ou fakafeta‘i atu, koeʻuhi̇̄ he kuó ke fakahā ʻa e ngaahi me‘á ni ki he kainanga ‘o e fonuá, kae fufūu‘i mei he kau poto mo ‘ilo‘iló. 26ʻIo, ʻe Tamai, ko ho finangaló pē ia ke pehē.”
27Pea toe pehē ‘e Sīsū, ‟Kuo tuku mai ‘e he‘eku Tamai̇́ ʻa e me‘a kotoa pē. Pea ‘oku ‘ikai ha taha te ne ‘ilo ʻa e ʻAló, ka ko e Tamai̇́ pe. Pea ‘oku ‘ikai ha taha te ne ‘ilo ʻa e Tamai̇́, ka ko e ʻAló pē pea mo kinautolu kuo fili ‘e he ʻAló ke fakahā ange ia ki ai̇́.
28Mou omi kiate au ‘akimoutolu kotoa pē kuo ongosia mo mafasia ʻi he ngaahi kavenga mamafa ‘oku mou fuá, pea te mou ma‘u ha mālōlō meiate au. 29Mou fua ʻa e kavenga ‘oku ou loto ke mou fuá, pea mo ako ‘iate au, he ‘oku ou angamalū mo angafaka‘atu‘i. 30Pea ko e kavenga te u hilifaki atu kiate kimoutolú, he‘ikai te mou ongosia ai, he ko ‘eku kavengá ‘oku ma‘ama‘a.”
Избрани в момента:
Mātiu 11: TCNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tongan Contemporary New Testament © Bible Society of the South Pacific, 2011.