Ma‘ake 15
15
Ko hono Faka‘eke‘eke ‘o Si̇̄sū ‘e Pailato
(Mātiu 27:1-2,11-14; Luke 23:1-5; Sione 18:28-38)
1Pea ʻi he pongipongi haké, kuo fakataha mai ʻa e taula‘eiki lahi̇́ mo e kau mātu‘a ʻo e lotú, mo e kau Faiako Lao ʻa Mōsesé, pea mo e Fakamaauʻanga Lahi ʻa e kakai Siú, ‘o nau toki ha‘i ʻa Si̇̄sū, pea nau taki atu ia ʻo tuku kia Pailato.
2Pea fehu‘i ange ‘e Pailato kia Si̇̄sū, ‟Ko e Tuʻi koā koe ‘o e kakai Siú?” Pea naʻe tali kiate ia, ‟Ko ia pē ‘okú ke me‘a mai ʻaki̇́.”
3Pea toki talatalaakiʻi ‘e he kau taula‘eiki lahi̇́ ʻa Si̇̄sū he ngaahi me‘a lahi. 4Pea toe fehu‘i ange ‘e Pailato, ‟‘Oku ‘ikai koā ha‘o tali? Fanongo hake ki he ngaahi me‘a mamafa ‘oku nau tukuaki‘i ki ai koé!” 5Ka naʻe fakalongolongo pē ʻa Si̇̄sū ʻo ʻikai haʻane tali. Pea na‘e ʻohovale ʻaupito ai ʻa Pailato.
Ko e Tautea Mate ‘o Si̇̄sū
(Mātiu 27:15-26; Luke 23:13-25; Sione 18:39—19:16)
6Pea ko eni, ko e anga maheni ‘o Pailató, ʻi he Kātoanga Pāsova kotoa pē, ʻokú ne vete ange ha pōpula ‘e loto ki ai ʻa e kakai̇́. 7Pea na‘e ʻi ai ha tangata ko Palāpasa hono hingoá, naʻe lolotonga fakahū pili̇̄sone fakataha mo ha kau angatu‘u, he na‘á nau fai ha tāmate ʻi ha fu‘u moveuveu na‘e hoko. 8Pea omi ʻa e kakai̇́ ‘o nau kole kia Pailato ke ne tukuange mai ha taha, ‘o hangē ko ia na‘á ne angamaheni‘aki̇́.
9Pea ʻeke ange leva ‘e Pailato kiate kinautolu, ‟Ko homou lotó koā ke u tukuange atu ʻa e Tuʻi ‘o e kakai Siú?” 10He na‘e ‘ilo ‘e Pailato, ko hono tuku mai ‘o Si̇̄sū kiate ia ‘e he kau taula‘eiki lahi̇́, ko ʻenau meheka pē kiate ia.
11Ka kuo ʻosi faka‘ai‘ai ‘e he kau taula‘eiki lahi̇́ ʻa e kakai̇́, ke nau kole ke tukuange mai ʻa Palāpasa. 12Pea toe ʻeke ange ‘e Pailato ki he kakai̇́, ‟Ka ko e hā ʻa e me‘a te u fai ki he toko taha ‘oku mou ui ko e Tuʻi ‘o e kakai Siú?”
13Pea nau kalanga, ‟Tutuki ia ki ha kolosi!”
14Pea pehē atu ‘e Pailato kiate kinautolu, ‟He ko e hā ha‘ane kovi kuo fai?” Ka naʻe ʻā‘āsili pē ʻenau kalangá, ‟Tutuki ia ki ha kolosi!” 15Pea fakakaukau leva ʻa Pailató ke fai ki he loto ‘o e kakai̇́, ko ia, naʻá ne tukuange atu kiate kinautolu ʻa Palāpasa, ka naʻe tuku atu ʻa Si̇̄sū ke taaʻi ʻaki ʻa e loholoho faka-Lomá, peá ke nau toki tutuki ia ki ha kolosi.
Ko e Manukiʻi ‘e he Kau Sōtiá ʻa Si̇̄sū
(Mātiu 27:27-30; Sione 19:2-3)
16Pea taki atu ‘e he kau sōtiá ʻa Si̇̄sū ‘o fakahū ki he loto‘ā ‘o e palasi ‘o e kōvaná, pea nau fekau ʻa e kātoa ‘o e kau taú ke nau fakataha mai. 17Pea nau toki fakatui ʻia Si̇̄sū ha fu‘u kofu lanu fisiʻifekika, pea nau fi̇̄ hano kalauni talatala ‘o ‘ai ki hono ʻulú. 18Pea nau toki lea manuki kiate ia, ‟Ke lākoifie lelei ʻa e Tuʻi ‘o e kakai Siú!” 19Pea nau toutou taaʻi ʻaki hono ʻulú ha fuʻu vaʻakau, mo ʻanuhi ia, ʻo nau toki tūʻulutui mo punou manuki kiate ia.
20Pea hili ʻenau va‘inga ʻaki ʻa Sīsuú, naʻa nau hu‘i meiate ia ʻa e fuʻu teunga lanu fisiʻifekiká, ka nau taki atu leva ia ke tutuki ki he kolosi̇́.
Ko e kalusefai ʻo Si̇̄sū
(Mātiu 27:32-44; Luke 23:26-43; Sione 19:17-27)
21Pea na‘a nau fetaulaki mo ha tangata, naʻe haʻu he halá, ko ʻene foki mei ʻuta, ko Saimone mei Sailiné, ko e tamai ʻa ʻAlekisānita mo Lūfusi̇́. Pea nau fekau kiate ia ke ne fua ʻa e kolosi ‘o Sīsuú.
Ko hono Tutuki ‘o Si̇̄sū ki he Kolosí
(Mātiu 27:31-44; Luke 23:26-43; Sione 19:17-27)
22Na‘e ‘ave ‘e he kau sōtiá ʻa Si̇̄sū ki he feitu‘u ko Kolokota (ʻa ia, ko hono ‘uhingá, ko e Feituʻu ʻo e ʻUlupoko). 23Pea nau ‘oange ai kiate ia ha uaine kuo hū‘i ʻaki ha meʻa fakakona ke ne inu. Ka na‘e ʻikai te ne fieinu ia. 24Pea nau toki tutuki ʻa Si̇̄sū ki he kolosi̇́. Pea nau tālotalo ke vakaiʻi pē ko hai te ne ma‘u hono valá. 25Pea ko e hiva pongipongi̇́ ia naʻa nau kalusefai ai iá. 26Pea na‘e tohi ʻi ‘olunga ʻi he kolosi̇́, ʻa e ‘uhinga hono tauteá: ‟Ko e Tuʻi ‘o e Kakai Siú.”
27-28Pea na‘e tutuki fakataha mo Si̇̄sū ha ongo tangata fai hia, ko e toko taha mei hono toʻomataʻú, mo e toko taha mei hono to‘ohemá.
29Pea ko e kakai naʻe fou ange he feituʻu ko iā, naʻa nau manuki kia Si̇̄sū mo nau kalokalo honau ʻulú, pea nau toki pehēange kiate ia, ‟Uē! Ko koe koā na‘á ke lau ke holoki ʻa e Temipalé pea te ke toe langahake ia ʻi ha ʻaho ‘e tolu? 30Fakahaofi koe! Hifo mai mei he kolosi̇́!”
31Naʻe pehē pē foki mo e manuki ʻa e kau taula‘eiki lahi̇́, mo e kau faiako Lao ʻa Mōsesé, he naʻa nau pehē: ‟Na‘á ne fakamo‘ui ʻa e kakai kehé! Ka ‘oku ‘ikai te ne lava ke fakamo‘ui ‘e ia ia! 32Lau ko e Mi̇̄saiá koe ko e Tuʻi ‘Isileli̇́, hifo mai angē mei he kolosi̇́ koeʻuhi̇̄ ka mau sio ki ai, pea te mau toki tui atu kiate koe!” Pea kau foki mo e ongo tangata naʻe kaungā kalusefai mo iā, ʻi he laukovi kiate iá.
Ko e Pekia ʻa Si̇̄suú
(Mātiu 27:45-56; Luke 23:44-49; Sione 19:28-30)
33Pea ʻi heʻene a‘u ki he ho‘atā mālié, naʻe fakapoʻuli kātoa ʻa e fonuá, ‘o a‘u ki he tolu efiafi̇́. 34Pea ʻi heʻene aʻu ki he tolu efiafi̇́, naʻe kalanga le‘o lahi ʻa Si̇̄sū, ‟‘Iloi̇̄! ‘Iloi̇̄! Lama sapakatani̇̄?” ʻA ia ko hono ‘uhingá, ‟‘E hoku ‘Otua! ‘E hoku ‘Otua! Ko e hā kuó ke li‘aki ai aú?”
35Pea ʻi he fanongo ki ai ʻa e ni‘ihi na‘e tutuʻu ai, naʻa nau pehē: ‟Fanongo atu! Ko ʻeni kuó ne ui kia ‘Ilaisiā!” 36Pea lele leva ha taha mo ha konga vavae ‘o ne unu ki ha uaine mahi, pea naʻe toki hunuki ʻi ha mui‘i ʻakau, ‘o mono hake kia Si̇̄sū mo ne pehē: ‟Tau vakai angē pē ‘e ha‘u ʻa ‘Ilaisiā ‘o ‘ohifo ia mei he kolosi̇́!” 37Pea toe kaila leʻo lahi ʻa Si̇̄sū, ʻo ne toki pekia.
38Pea ʻi he taimi pē ko iā naʻe mahae ʻa e puipui ‘o e Temipalé, mei ‘olunga ‘o a‘u ki lalo.
39Pea ʻi he mamata ʻa e senituliō na‘e tuʻu he ve‘e kolosi̇́, ki he anga ‘o e pekia ʻa Sīsuú, naʻá ne pehē: ‟Tā ko e mo‘oni! Ko e tangatá ni, ko e ʻAlo ia ʻo e ʻOtuá!”
40Pea na‘e ʻi ai ha kau fefine na‘a nau sio atu ki ai mei he mama‘ó. Naʻe kau ai ʻa Mele mei Makitala, mo Mele ko e fa‘ē ʻa Sēmisi Si‘i̇ mo Siosifa, mo Sālomé. 41Ko e kau fefine kinautolu na‘á nau muimui kia Si̇̄sū ʻi Kāleli ke tokoni ki heʻene ngaahi fiemaʻú. Na‘e ai foki mo ha kau fefine tokolahi na‘e kaungā fononga mai mo ia ki Selusalema, naʻa nau tutuʻu ai.
Ko hono Telio ‘o Si̇̄sū
(Mātiu 27:57-61; Luke 23:50-56; Sione 19:38-42)
42Pea ko e ʻaho Tokonaki ia ʻo e kau Siú, ʻa e ʻaho kimuʻa he Sāpaté, ko ia ʻi heʻene efiafi hifó; 43Naʻe fakato‘oto‘a ʻa e tangata ko Siosifa mei ‘Alemateá ʻo ʻalu atu kia Pailato ‘o kole ange, ke ne tuku mai ʻa e sino ‘o Sīsuú. Ko e tangata faka‘apa‘apa‘ia ia, pea naʻá ne kau he Fakamaauʻanga Lahi ʻa e kakai Siú, pea kuó ne nofo ʻamanaki ki he hoko mai ʻa e Pule‘anga ‘o e ‘Otuá.
44Pea naʻe ʻohovale ʻa Pailato heʻene fanongo kuo ʻosi pekia iá, ko ia naʻá ne fekau ha ‘ōfisa ke ʻalu ‘o vakai pē kuo fuoloa ʻa e pekia ʻa Sīsuú. 45Pea ʻi heʻene fanongo ki he fakamatala naʻe haʻu mo e ‘ōfisá, naʻá ne talaange kia Siosifa, ke ne ‘ave ā ʻa e sino ‘o Sīsuú.
46Ko ia, na‘e fakatau ‘e Siosifa ha tupenu li̇̄neni mahuʻinga, pea naʻe toki ‘ohifo ʻa e sino ‘o Si̇̄suú mei he kolosi̇́ ‘o kofuʻaki ʻa e tupenu li̇̄není pea naʻe toki telio ia ki ha fonualoto naʻe ‘osi keli ʻi ha makatu‘u, pea naʻe tekaʻi mai ha fuʻu maka lahi ʻo tāpuniʻaki ʻa e matapā ʻo e fonualotó.
47Pea na‘e mamata ki ai ʻa Mele Makitaline mo Mele ko e fa‘ē ʻa Siosifá, ki he me‘a naʻe fai ʻe Siosifa, ‘o na ‘ilo ki he feitu‘u na‘e telio ai ʻa e sino ‘o Sīsuú.
Избрани в момента:
Ma‘ake 15: TCNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tongan Contemporary New Testament © Bible Society of the South Pacific, 2011.