Te Otinako 13
13
Katabuaia Naati Mm'aane Aika Karimoa
1Ao E taku te UEA nakon Moote, 2“Ko na katabuia karimoa ni kabane aika nati mm'aane b'a au b'ai b'a a na riki karimoa aika m'anen Iteraera ma aia man naba aika karimoa mm'aane b'a au b'ai.”
Te Toa are Te Kariki ae Aki Karikaki
3Ao E taku Moote nakoia aomata, “Kam na ururinga te bong aei, te bong are kam kiitana iai Aikubita, are te tabo are kam toronaki iai. Bon aio te bong are E kaotinakoingkami iai te UEA ni m'aakana. Bon akea te kariki ae karikaki ae na kanaki. #13.3,4 Abibi: ke Nitian, te moan nam'akaina n te karenta n Ebera, are e moa man nukan Maati nakon nukan Eberi. 4Kam kiitana Aikubita n te bong aei n te moan nam'akaina are arana Abibi. 5E berita ngkoa te UEA nakoia ami bakatibu b'a E na anganingkami abaia kaain Eta, kaain Amora, kaain Iwa, ao kaain Iebuti. 6Kam na kana te kariki ae aki karikaki i nanon itiua te bong, ao kam na karaoa ami Toa b'a neboan te UEA n te kaitiua ni bong. 7Kam na aki kana te kariki ae itinaki i nanon itiua te bong, e na bon akea te iti ke te kariki ae itinaki n taabo ni kabane i aon te aba. 8Ngkana e moanaki te botaki, ao kam na kab'arab'araa nakoia natimi mm'aane b'a kam karaoi baikai ni kabane i bukin te b'ai are E a tia ni karaoia ngkoa te UEA nako imi i Aikubita. 9E na riki te botaki aei b'a te b'ai ni kauring, kaanga te kanikina ae kabaeaki i aoni baimi, ke i aon toan ram'ami, e na bon kauring ngkami b'a kam na teimatoa n taetaekinna ma ni kamateb'aia ana tua te UEA, i bukina b'a E kaotinakoi ngkami te UEA mai Aikubita ni m'aakana ae korakora. 10Kam na bukamarua te botaki aei i aon taina ae e a tia ni koteaki ni katoa ririki.
Taiani Karimoa Mm'aane
11E na karokoi ngkami te UEA n te aba are Kanaan, n aron are E a tia ni berita iai nako imi, ma ami bakatibu. Ngkana E anganingkami, 12ao kam na anga ami man karimoa aika mm'aane b'a Ana b'ai te UEA. A na bane ami man aika karimoa mm'aane n riki b'a ana b'ai te UEA, 13ao kam na kabooi ni kaoki mai Rouna taian aati aika karimoa mm'aane ni kabane. Kam kona naba ni kamaiua te aati n onea mwiina n te tiibuteteei. Ngkana kam aki kani kabooa te aati ni kaokia, ao kam na otea roroana. Kam na kamaiuia karimoa mm'aane ni kabane. #13.13 aati: bon tii te aeka ni man aio ae “aki itiaki” ae riai ni kamaiuaki; karimoa ni man ni kabane “aika itiaki” n aroia (tiibu, kooti, ao kaao) a riai ni kareanaki. Taian aati a rangini kakawaki i bukina ngke bon ngaia oin baao ni m'am'ananga aika kabonganaki n taai nako. 14Ngkana a titirakiningkami natimi mm'aane n taai aika a na roko b'a tera te botaki aei, ao kam na kaangai, ‘E kamaiura te UEA ni m'aakana ae korakora, ni kaotinakoira mai Aikubita are te tabo are ti toronaki iai ngkoa. 15Ngke e matoatoa nanon uean Aikubita ma n rawa ni kanakoira, ao E tiringiia naati mm'aane aika karimoa te UEA n te aba are Aikubita. E tiringiia aomata ao maan. Ao bon aei bukina are ti kareani iai karimoa mm'aane ni kabane nakon te UEA, ma ti kabooi ni kaoki natira mm'aane. 16E na riki te botaki aei b'a te b'ai ni kauring, kaanga aron te b'ai ae kabaeaki i aon te bai, ke i aon toan te ram'a. E na boni kauringiira aron te UEA ni kaotinakoira mai Aikubita ni m'aakana ae korakora.
E Kairiia Ana Aomata Te UEA
17Ao n tokina ngke e a tia te uea #13.17 te uea: Noora te taeka ane n 1.11. ni kariaia nakoia aomata, E aki kairiia te UEA ri nanon abaia kaain Biritia,#13.17 abaia kaain Biritia: Te kawai ae te kabanea ni kaan mai Naire Terita nako Kanaan; bon m'akoron te kawai ae buubura are i maiaki are e nako Mekito ao i mwiina e a manga nako Metobotamia ni kawain Atia are e uarereke. e ngae ngke e rangi ni kaan te kawai iai. E a tia n taetae te Atua ni kaangai, “Ane a na manga iangoa okiran Aikubita ngkana a buakanaki.” 18Ma ngaia are, e a onea mwiina ni kairiia n te kawai ae ab'ab'aki are ribuki ri nanon te rereua ni kaineta Taari are Uraura.#13.18 Taari are Uraura: N Ebera Iam Tubu Taarin te Uteute teuana mai buakon taabo aika aom'aim'ai ke taian nei aika mam, i rarikin m'akoron te Naire Terita are mainiku. A reke taian koaua aikai man te boki aei Te Otinako 13.17—14.9, are karinani m'aitin taian kaawa ake a mena ni kawaia Iteraera i m'aain riaoan taari i rouia. N te rairai n Erene n taian koroboki ake karaoaki tao 200 te ririki i m'aain Iesu, e aranaki Taarin te Uteute b'a Taari ae Uraura.
A kiitana Aikubita Iteraera, ni katauraoia nakon te buaka.
19Ao e uotii riin Ioteb'a Moote n aron ana berita ngkoa Ioteb'a are e a tia karaoia nako ia Iteraera. E kaangai ngkoa ana taeka Ioteb'a, “Kam na uoti riiu mai ikai, ngkana E kamaiungkami te Atua.”
20Ao a kiitana Tukota Iteraera, ao a katei maeka i Etam i mataniwiin te rereua. 21 Ao E ri rimoaia te UEA n te ngaina n te boua te nang ni kaota kawaia, ao n te tairiki, E ri rimoaia n te boua te ai ni kaotaia, b'a aonga ni kona ni m'ananga n te ngaina ma te bong. 22E memena te boua te nang i moaia aomata n taai nako i nanon te ngaina, ao te boua te ai n te bong.
Избрани в момента:
Te Otinako 13: KNVB
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте