Tơlơi Tơbiă 11
11
Môis Laĭ Pơthâo Hlâo kơ Tơlơi Răm Ruă tal Pluh
1Yêhôwa pơhiăp hăng Môis: “Kâo či brơi kơ Pharaôn laih anŭn čar Êjip sa tơlơi răm ruă dơ̆ng. Tơdơi kơ anŭn, pơtao anŭn či brơi kơ ƀing gih tơbiă nao. Ƀu djơ̆ ñu kơnơ̆ng brơi ƀing gih tơbiă nao đôč ôh, samơ̆ ñu či puh pơđuaĭ ƀing gih mơ̆ng anai dơ̆ng mơ̆n. 2Hnŭn yơh pơtă bĕ kơ ană plei pla rĭm čô đah rơkơi wơ̆t đah kơmơi, brơi gơñu rơkâo bĕ mơ̆ng mơnuih jum dar gơñu gơnam ngă hăng prăk laih anŭn hăng mah.” 3Yêhôwa ngă brơi ană plei pla Israel hmâo tơlơi pap ƀơi anăp ƀing Êjip. Boh nik ƀơi anăp ding kơna Pharaôn, ƀơi anăp ană plei pla Êjip, Môis jing sa čô mơnuih yom biă mă.
4Môis laĭ: “Yêhôwa laĭ: ‘Tơ̆ng krah mlam kâo či găn djŏp čar Êjip. 5Abih bang ƀing ană kơčoa đah rơkơi amăng čar Êjip či djai, dơ̆ng mơ̆ng ană pơtao Pharaôn hlăk dŏ ƀơi gre pơtao ñu truh pơ ană kơčoa ding kơna đah kơmơi dŏ dar rơsŭng, laih anŭn wơ̆t kơ ană blŭng hlâo kơ hlô mơnơ̆ng gơñu dơ̆ng mơ̆n.’ 6Djŏp čar Êjip či hmâo dơnai tơlơi čŏk hia rơông rơang, aka hmâo djơ̆ ôh laih anŭn kŏn či hmâo lơi tơlơi truh kar hăng anŭn. 7Kơđai glaĭ, amăng ană plei pla Israel, wơ̆t kơ asâo ƀu či groh kơ mơnuih ƀôdah hlô mơnơ̆ng ôh, kiăng kơ ƀing gih thâo hyư̆m Yêhôwa hmâo pơkah pha ană plei pla Israel hăng ană plei pla Êjip. 8Hlăk anŭn, ding kơna ih či nao bưp kâo, bon kơkuh ƀơi anăp kâo laih anŭn laĭ: ‘Ih hăng abih bang ană plei pla tui ih tơbiă đuaĭ bĕ.’ Tơdơi kơ anŭn kâo či tơbiă nao.” Giơ̆ng pơhiăp, Môis tơbiă mơ̆ng Pharaôn amăng tơlơi hil biă mă.
9Yêhôwa pơhiăp hăng Môis: “Pharaôn ƀu hmư̆ ih ôh kiăng kơ Kâo thim lu tơlơi mơsêh mơyang amăng čar Êjip.” 10Môis hăng Arôn ngă lu tơlơi mơsêh mơyang anŭn ƀơi anăp Pharaôn; samơ̆ Yêhôwa ngă brơi pran jua Pharaôn khăng kơpĭl hĭ, hnŭn yơh Pharaôn ƀu brơi ôh ană plei pla Israel tơbiă đuaĭ mơ̆ng čar ñu.
Избрани в момента:
Tơlơi Tơbiă 11: JRA2016
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.