OWALỌ APỌSTELI LẸ TỌN 1
1
1TEOFIL, hógbèwinwlan tintan lọ wẹ yẹn basi gbọn onú he Jesu ṣẹ̀ wiwà bo sọ to mẹplọn lẹ lọn dali, 2kaka jẹ azán he gbè yè yí i daga, to godo he é gbon Gbigbọ Wiwe dali na asẹ hlan aposteli le, he e sinyan: 3mẹhe e do ede hia hlan ga to ogbè to oyaji etọn godo gbọn ohia nugbo susu dali, bo to awusohia hlan yé kaka azán kande, bo sọ tọ ohó onú he gbọn ahọludu Jiwheyẹwhe tọn dali lẹ tọn dọ: 4whenuena e to núdù po yé po, é dosénna ye dọ yé yì son Jelusalẹm blo, ṣigba yé ni nọtepọ́n opagbe Otọ́ tọn, ehe, é dọ, mì ko sè sọn onù ṣie mẹ. 5Na nugbo wẹ Johanu yí osìn do baptizi; ṣigba yè na yí Gbigbọ Wiwe do baptizi mì, e ma yín azán susu sọn dinvie gba.
6Enewutu whenuena yé pli, yé kanbiọ ẹ dọ, Oklunọ, hiẹ na gò aholudu jo hlan Islaeli to ojle he mẹ lo? 7E sọ dọ hlan yé, dọ, E ma tin na mìwlẹ nado yon owhenu kavi ojlẹ he Oto yi do huhlon ede tọn mẹ gba. 8Ṣigba mìwlẹ na mọ huhlọn yí whenuena Gbigbọ Wiwe wá mì ji: mìwlẹ nasọ yín kunnude to na mi to Jelusalẹm mẹ, to Jude lẹpo mẹ, po Samalia po, podo jẹ opodo aigba tọn 9Whenuena é dọ onu helẹ, le yé to pinpọ́n, yè zé e yì aga; aslọ sọ yí i son nukunmẹ ná yé. 10Le ye zínnukun do olọn me bo to pinpọ́n le e to yìyì, dayi e go, sunnusi awe alàvọ̀no site to yé de; 11he ga dọmọ, Mì dawe Galili tọn lẹ, etẹwutu wẹ mi site bo to nukun zin do olọn me? Jesu he lọ, he yè yi do olon mẹ sọn mì de, nasọ lẹgò wá dile mì mọ ẹn bo é jei Olọn do.
12Whenenu wẹ yé lẹgò sọn oso lọ he yè nọ ylọ Olivie ji yi Jelusalẹm, ehe den do Jelusalẹm sọ zọnlin gbọjẹzan dopo tọn: 13whenuena yé biọwhegbe, yé yì biọ abò aga tọn mẹ, ofi he Pitapo Jakobu po, Johanu po Andlé po, Eilipi po Tọmasi po, Batelemi po Matiu po, po Jakobu ovi Alfe ton po, po Simọni Zelote po, po Juda nọvisunnu Jakobu tọn po te. 14Ehelẹ po yi ayiha dopo do nọte to odẹ po ovẹ̀ po mẹ, po yọnnu dẹle po, po Malia onọ Jesu tọn po, po nọvisunnu etọn lẹ po.
15To azán nẹlẹ mẹ wẹ Pita fọ́n site to ṣẹnṣẹn mẹmẹsunnu lẹ tọn, (sọha agùndaho gbẹtọ lẹ tọn de he pli dopọ to fine, yì kantọ̀n,) bo dọmọ 16Mì mẹho, mẹmẹsunnu emì, Owé wiwe he ma sọgan nọ ma sè, ehe Gbigbọ Wiwe ko dọdai gbọn onù Davidi: tọn mẹ, gbọn Juda ton dali, he yín mẹdehiatọ hlan ye he wle Jesu le. 17Na yè hia ẹ dogo mí, é sọ tindo oten to devizon he me. 18Dawe he ko yí ale ylando tọn do hò aigba de; whenuena e jai sọahòndo, e là sọn ṣẹnṣẹn adọ etọn lepo sọ tón jegbonu. 19E sọ zùn yinyọnen hlan mehe tin to Jelusalẹm lẹpo: enẹwutu wẹ ye do nọ ylọ odanji lọ to ogbè yewlọsu tọn mẹ dọ, Akeldama, enẹ wẹ, Odanji ohùn tọn; 20Na yè wlan to Owé Psalm lẹ tọn mẹ dọ,
Aisintẹn ẹtọn ni jẹvó,
Yè sọ dike mẹdepope nò e mẹ blo;
podọ,
Yè ni gbọ mẹdevo ni yí ogán etọn.
21Enẹwutu é jẹ to dawe helẹ me he ko to zinzọn hẹ mí to ojlẹ lepo mẹ he Jesu Oklunọ ko to whegbèbiọ bo sọ tó gbonu je to mí me, 22hẹn sọn baptẹm Johanu ton whenu, kaka jẹ azán nẹ gbè he yè yi i daga sọn mí de, na yè ni dè omẹ dopo do basi kunnudetọ fọnsonku eton tọn hẹ mí. 23Ye sọ dè omẹ awe, Josefu he yè nọ ylo Balsabba, he yè sọ ylọ oyíngó eton do Justu, po Mattia po. 24Yé hodè, bo domo, Oklunọ, hiẹ mẹhe yọn ayiha gbẹto lepo tọn, do omẹ he hiẹ dè hia to omẹ awe helẹ mẹ, 25na ewo nidoyi adade to devizọn me, podọ to azọ́n apọsteli tọn he mẹ, ehe me Juda jai sọn gbọn ylando dali, na é nido yì otẹn etọn lọsu me 26Yé so devo yetọn lẹ: ovo wle Mattia: yè sọ hia ẹ dogọ́ apọsteli widopo he pò lẹ.
Избрани в момента:
OWALỌ APỌSTELI LẸ TỌN 1: BWL23
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Holy Bible in Gun-Alada © Bible Society of Benin and Bible Society of Nigeria, 1923.