JOHANU 21
21
1TO onú helẹ godo, Jesu sọ vò ede dohia hlan nuplọntọ lẹ to ohùtó Tibéliade tọn; le wẹ é do ede hia gbọn. 2Simoni Pita po Tọmasi po, mehe yè nọ ylọ Didimu, po Natanaẹli Kana Galili mẹ tọn po, po ovisunnu Zẹbedé tọn lẹ po, podọ awe devo sọn nuplọntọ etọn lẹ mẹ, tin to opó. 3Simoni Pita dọ hlan yé, dọ, Yẹn jei whevi hù gbé Ye sọ dọ hlan ẹn, dọ, Mí na yì hẹ we ga. Yé tọ́njẹgbonu yì bo biọ vàtlẹ lọ mẹ to afọdoponẹji; to ozán ne mẹ yé ma wlé nudepope. 4Ṣigba whenuena ai to hìnhọn, Jesu site to ohùtó: ṣigba nuplontọ le ma yọnen dọ Jesu we gba. 5Enewutu Jesu dọ hlan yé, do, Yọpọ emi, mì tindo núde nado dù? Yé sọ gblọnna en, dọ, Lala. 6E sọ dọ hlan yé dọ, Mì dlẹn odò do adusiwaji vàtlẹ lọ tọn, mì nasọ mọ. Enẹwutu yé dlẹn, yé ma sọgan dòn en na ogégé whevi tọn. 7Enewutu nuplontọ nẹ mehe Jesu yiwanna dọ hlan Pita, dọ, Oklunọ we. Whenuena Simoni Pita sè dọ Oklunọ wẹ, é sìn whehùtowu etọn do ogo, (na omẹ wẹ é te,) é so lọn je ohù mẹ. 8Nuplọntọ devo lẹ sọ zọn vátlẹ pevi de mẹ wá: (na yé ma den do age, ṣigba é sò awàgba fọde,) bo to odò lọ dòn po whevi lẹ po 9Mowẹ whenuena yé wá age, yé mọ miyọnkán to fìne, yè té whevi de do e ji, po akla de po 10Jesu sọ do hlan yé, dọ, Mì yí vude to whevi he mì hù dinvie le mẹ wá. 11Enewutu Simọni Pita heji yì aga bo dòn odò jẹ age, é gó na whevi gbògbo, kennẹ é whe sinanwe: le yé sù sò, odọ lọ ma tlẹn. 12Jesu sọ dọ hlan yé, dọ, Mì wá dùnú. Mẹdepope to nuplọntọ lẹ mẹ ma ha nado kanbio ẹ dọ, Mẹnu wẹ hiẹ? na ye yọnẹn dọ Oklunọ wẹ. 13Jesu sọ wá, bo yí akla bo yí na yé, mọkẹdẹ wẹ whevi ga. 14Ehe dinvie wẹ whlatòntọ bo Jesu do ede hia hlan nuplọntọ lẹ, to godo he é fọ́n sọn osiọ lẹ mẹ.
15Mọwẹ whenuena yé ko dùnu, Jesu dọ hlan Simọni Pita, dọ, Simọni, ovisunnu Jona tọn, hiẹ yiwanna mi hú ehelẹ? E sọ dọ hlan ẹn, dọ, Mọwẹ, Oklunọ; hiẹ yọnẹn dọ yẹn yiwanna we. E sọ dọ hlan ẹn, dọ, Yìn lẹngbọvu ṣie lẹ. 16E sọ vó dọ hlan ẹn whlaweto, do, Simọni, ovisunnu Jona tọn, hiẹ yiwanna mi? E sọ dọ hlan en, dọ, Mọwẹ, Oklunọ; hie yọnen dọ yẹn yiwanna we. E sọ dọ hlan en, dọ, Yìn lẹngbọ ṣie lẹ. 17E sọ dọ hlan ẹn whlatòntọ, dọ, Simọni, ovisunnu Jona tọn, hiẹ yiwanna mi? Pita gblehomẹ na e dọ hlan ẹn whlatòntọ, dọ, Hie yiwanna mi wutu? E sọ do hlan ẹn, dọ, Hiẹ yón onú popo, Okluno; hiẹ yonẹn dọ yẹn yiwanna we. Jesu dọ hlan ẹn, dọ, Yìn lẹngbọ ṣie lẹ. 18Nugbo, nugbo, wẹ yẹn dọ bian we, whenuena hiẹ tin afìanme, hiẹ nọ blagbajana dewe, bo nọ zinzọnlin yì ofi he hiẹ jlo: ṣigba whenuena hiẹ na poyọnhó, hiẹ na dlẹn alọ towe lẹ jegbonu, medevo na blagbajana we, bo sọ dòn we yì ofi he hiẹ ma jlo. 19E dọ ehe dinvie, do dohia okú he mẹ e na pagigona Jiwheyẹwhe gbọn. Podọ whenuena é ko dọ ehe, e dọ hlan ẹn, dọ, Hodo mi 20Pita lilégodo, mọ nuplọntọ lọ, mẹhe Jesu yiwanna, ja to godo; mẹhe dẹ hlangodo to akónnu etọn, to núdùdù tenu tọn kòn, bo domọ, Okluno, mẹnu wẹ ewọ he na dè we hia? 21Enẹwutu Pita mimọ ẹn dọ hlan Jesu, dọmọ, Oklunọ, etẹ wẹ dawe he na wà? 22Jesu dọ hlan en, dọ, Eyín yen jlo dọ ewọ ni nọte kaka yen na do wa, etẹ we enẹ yin hlan hie? hiẹ to hihodo mi. 23Enẹwutu ohó he gbapé mẹmẹsunnu lẹ ṣẹnṣẹn, dọ nuplọntọ ne ma na kú gba: gãnṣo Jesu mẹ dọ hlan ẹn, dọ, Ewọ ma na kú gba; ṣigba. Eyín yẹn jlo dọ ewọ ni nọte kaka yẹn na do wá, etẹ wẹ ene yín hlan hiẹ?
24Ehe wẹ nuplontọ lọ he dekunnu onú hele tọn, bo sọ wlanwe onú helẹ tọn mìwlẹ sọ yonen dọ nugbo wẹ okunnude etọn.
25Onú susu devo le tin ga he Jesu wà, ehe, eyín yè na wlanwe ye ome pó tọn dopodopo, yen lẹnpon dọ aihọn lọsu ma na hẹn owé he yè do wlan lẹ gba. Niṣẹ.
Избрани в момента:
JOHANU 21: BWL23
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Holy Bible in Gun-Alada © Bible Society of Benin and Bible Society of Nigeria, 1923.