Ageun 22
22
1 #
Bur 11:17-19; Yak 1:12-14. Kosodi kanen kokau kanun, kitem Edeke Aburaam, kotema atiar, “Aburaam.” Kotema atiar, “Eoŋ lo.” 2#2 Siit 3:1; Yok 3:16. Kotema atiar, “Koya kwape kwana ikokukon, ikonikoku iteluna yenimina, ŋes Isaak, kolot akwap nako Moria; koinak kaŋina araun ainakinet naicweio kotoma ediopet koronan lokalimokini.” 3#Bur 11:17-19. Konyou Aburaam tupuruc sek, kopetanak lupetan asigiriake, koyana iarei kotoma ikatumunakake, ka Isaak da ikekoku; kibet akito nuka ainakinet naicweio, konyou, kolot aibois naabala ŋes Edeke. 4Kapaaran kanakiwuniet kiteluo Aburaam akekonye, koany aibois. 5Kolimok Aburaam ikekatumunak ebe, “Kosala yesi ne nepepe kasigiria, kilosi eoŋ da ka itelepat laije; kamaata kabonutu neijaas.” 6#Yok 19:17; 1 Pet 2:24. Koyana Aburaam akito nuka ainakinet naicweio, kisibwok Isaak ikekoku; koyana akim ka ekileŋ kakaninike; koloto kesi luarei nepepe. 7Kotema Isaak papake Aburaam atiar, “Ipapa.” Kotema atiar, “Eoŋ lo, ikakoku.” Kotema atiar, “Akim ka akito enu; konye anibo imerekek yenikainakinet naicwcio?” 8#1 Pet 1:19. Kotema Aburaam atiar, “Kadumakini eoŋ Edeke imerekek yenikainakinet naicweio, ikakoku.” Koloto do kesi luarei nepepe.
9 #
Yak 2:21; Yok 10:17,18; Bur 11:17. Kodoloto aibois naalimokinit ŋes Edeke; kodukok Aburaam etem nen, kigan akito, koen ikekoku Isaak, kisiperik otem, kuju akito. 10#Isa 53:6-12. Korio Aburaam akekan, kolem ekileŋ aaria ikekoku. 11Kiworo emalaika loka EJAKAIT ebwoi kokuju, kobala ebe, “Aburaam, Aburaam.” Kotema atiar, “Eoŋ lo.” 12#1 Sam 15:22; Age 26:5; Rom 8:32; Yak 2:22. Kotema atiar, “Sirikidokok akan otelepat, kwabo sirikisubak idiobore: naarai ajeni kwana kwape iyonitor Edeke, naarai mam kimikit ikokukon, ikonikoku iteluna.” 13#1 Kor 5:7,8. Kitonyou Aburaam akekonyen, kosesen, ido koany, kojai emerekek kauken, ikamunit amoni amumwarake: kolot Aburaam koyana emerekek, koinak araun ainakinet naicweio aibois naka ikekoku. 14Komaik Aburaam aibois nin Yawe-yire: kwape inerare aitodol lolo ebe, “Komoru loka EJAKAIT edumunere.”
15Kiworo emalaika loka EJAKAIT Aburaam irwan nakiareit kokuju, 16#Bur 6:13-14; Sab 105:9; Luk 1:73. Kobala ebe, “Ebala EJAKAIT ebe, Esumun kanukan, naarai iswama kwaŋin, kwabo mam kimikit ikokukon, ikonikoku iteluna: 17#Bur 11:12; Age 15:5; Yer 33:22; Age 13:16; 24:60; Mik 1:9. Kotoma arereŋ kesirerenenenei jo, ka aiyat keyatanakinenei akoniwur kwape kaacer nukotoma akuj, ido kwape kasine naejai ariri naka aŋolol; irumi da aurikon erute loka lukasurupokec; 18#Asw 3:25; Age 12:3; 18:18; Gal 3:8,9,16,18; Age 22:3,10; 26:5. Ido toma aurikon isirerenere atekerin kere nuka akwapisinei; naarai irima ekaporoto.” 19Kosodi kobono Aburaam mama ajaas ikatumunakake, konyout kolot nepepe Beer-seba; kiboienenei Aburaam koBeer-seba.
20 #
Age 11:29. Kosodi kokau kanun kolimokinai Aburaam ebe, “Koany, Milika da abu kourik onacekon Nakor idwe; 21#Yob 1:1; 32:2. Us ekiyaike, ka Bus onaceke; ka Kemuel papa loka Aram; 22Ka Kesed, ka Kaso, ka Pilidas, ka Yidulap;’ ka Betuel.” 23#Age 24:15. Betue! kouri Rebeka; ŋullukanykauni kes luaurikini Milika Nakor, onaceke ka Aburaam. 24Abulesitike da ekekiror Reuma, ŋes da kouri Teba, ka Gakam, ka Takas, ka Maaka.
Избрани в момента:
Ageun 22: AOV1961
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Ateso Old Version Bible © United Bible Societies, 1961.