Ageun 23
23
1Kobut Sara ikar akwatat ka akaisaarei ka lukanykaarei; ŋul kes ikar luabu Sara kodau. 2#Yok 11:31,35. Kotwanik Sara Kiriat-aruba (ŋes Keburon) kakwap naka Kanaan; kobu Aburaam akuudian ka eibworo Sara. 3Konyou Aburaam kaneejai nakatwanike, kotema idwe luka Ket atiar, 4#Bur 11:9,13; Asw 7:16; Age 17:8; 1 Siit 29:15; Sab 39:12; 105:12; 2 Kor 5:6,7; 1 Pet 1:17; 2:11; Age 49:30. “Arai eoŋ epejonon ido ekaloton kama ijaas; koinakinai aibois nakidaanakina, koraun nakan kotoma akwapukus kedaik nakatwanika, kenyek aanyunun bobo.” 5Koboijokis idwe luka Ket Aburaam kotemasi atiar, 6#Age 13:2; 14:14. “Kopupokinai ejakaitikos; irai ijo ejakait lokapolon kama kijaa isio: kidaik nakatwanikon toma atesinakosi naiseuni ijo kere; emamei kasio yenikimiki aijaikin aketes, aidaikin nakatwanikon.” 7#Rom 13:7. Konyou Aburaam, kokukokin ituŋa luka akwap kaŋin, kes idwe luka Ket. 8Kinera kakes kobala ebe, “Arai ikotosi eoŋ aidaikin nakatwanika kenyek aanyunun bobo, kopupokinai, kiŋaiŋaikinai Epuron okoku loka Sokar, 9Kainak abua naka Makupela, naejai ŋes, naenesit kotoma omanikorike; ketwegel etiaike kere kokidiŋikus koraun akates cut.” 10#Age 34:20,24; Rus 4:4. Eboie Epuron kokidin kidwe luka Ket, Koboŋok Epuron Ekitit Aburaam, kopupete idwe luka Ket, kes kere luapotu kolomasi orute loka erc, kobala ebe, 11#2 Sam 24:20-24. “Mam, ejakaitika, kiirarai, kainak emanikor, ka abua da naejai toma kainak; kakonyen nuka idwe luka ikatuŋa kainak jo; kidaik nakatwanikon.” 12Kokukokin Aburaam kakonyen nuka ituŋa luka akwap kaŋin, 13#Pil 4:5-8. Kotema ŋesi Epuron kopupete ituŋa luka akwap atiar, “Konye arai ikoto, kenainait, kiirarai; atacakini etiai loka emanikor; kiyu kainak, edaikini eoŋ da nakatwanika nen.” 14Koboŋok Epuron Aburaam kolimok ebe, 15#Any 30:13; Esk 45:12. “Ekajakait, kiirarai; emanikor etiaike isekelin #23:15 Esekel ŋes apesa luka epuesa akwat aoŋon ŋes bo inyo kama ajai eoŋ ka jo? Aso kidaik nakatwanikon.” 16#Yer 32:9-12. Kiira Aburaam Epuron; kitem Aburaam epuesa loalimokinit ŋes Epuron kopupete idwe luka Ket, isekelin luka epuesa akwat aoŋon, luka epuesa loetwasamaenenete ikagwelanarak kapakio kanun.
17 #
Age 25:9; 49:30; Asw 7:16. Kwaŋin aponi kitebeai Aburaam emanikor loka Epuron, loajai toma Makupela, loitei Mamure, emanikor ka abua naajai toma, ka ikito kere luajaas toma omanikor, luerimorito eikoruke kere, 18Araun luke kakonyen nuka idwe luka Ket, kakonyen nuka nul kere luapotu kolomut korute loka ereke. 19#Age 35:29. Kokau kanun, kidaik Aburaam aberuke Sara toma abua nakotoma omanikor loka Makupela loitei Mamure (ŋes Keburon), toma akwap naka Kanaan. 20#Rus 4:7-10; Yer 32:10,11. Emanikor ka abua naajai toma kitebeai Aburaam kakonyen nuka idwe luka Ket araun luke cut, araun aibois nakidaanakina.
Избрани в момента:
Ageun 23: AOV1961
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Ateso Old Version Bible © United Bible Societies, 1961.