Popular Bible Verses from PAODAKHAIYU CHIKHA 8

Share

Ana ne Ramai MAPAO ye licholo, daisounou touyuo kinangi phoulou süyu khouko sü puhnou ne hi peie, alia südonou zhou teithe büa, dao neletao poupao hi puhnou vo soukhai touyu nasü lühthou peio.

Neletaoye pa pouzüa alia neletao puopao maitao-a sümoyu manna nou pa tou-a puhnou neletaosü tudeezü pei-e. Haihai neletao doupeire donou puhnou soue, süolouzü Emai hai tousho likhei nou hrilaimoe ana MAPAO mü hinou payu chipaokhe vanou hrilai.

Neletaoye douzü peire donou, neletao le hi daibue touyu süloure donou zhai zhuyu alia neletao hai puhvei chikha khesü zülaiho zülai mosa touyu zhure donou neletao Ramai MAPAO nou neletaoye rekou nou po raidai sapoa tayu sü licholo.

Ne lah netsü hinou haibüa cholou veie, ‘Akhouko alia abah vei khouchi nou Eye kinangi haitao peie.’

“Zhou teithe Enou neletao hi paopei buyu neletao Ramai MAPAO vei kharochi alia chikhakhe züloumoa puhye ngaiyu pamore donou neletao leikeilo.

Südonou neletao sülo, pfüpuo mainou nahmaiye tudeeyu büa ne Ramai MAPAO nou neletaosü tudeewe.

Neletao nou touthou pouphoua reikha louyu phaki, neletaoye teidei aveih peiyu vanou neletao Ramai MAPAO ye paosholo.

Ne Ramai MAPAO vei ludu hinou ta-a alia puhye pi-a puh vei kharochi khesü zülo.

Neletaoye tudeezü peire donou alia neletao zhai zhure donou neletao puopao nou sükhai moyu manna sü pa toure donou puhnou neletao hisü rekounou peie, süsü neletaoye pa akhai hi kou aveih souloure donoue.

Mosho, neletao nou tou thou pouphou reikhaki, neletao nou kivei soubu louki, alia neletao kikhaorü kapaki, alia sana raka poupayu phaki, ae neletao nou buyu veishi poupu kapu payuki, neletao khaophu soupalai alia mai qila soubuyu teidei hinou neletaoye sapa peiyu neletao Ramai MAPAO ye ngaishulai.

Daiolouzü ne Ramai MAPAO nou neletaoye sü veiyu teidei hi saloulai — reitou küyu, dzükhao buyu alia deikho ae deichi dzüla pa-a buyu teidei; ghehu alia shithou pabuyu, darkhabe alia doushibe hrübuyu, radoushi, Oliv theadzü alia laivoudzü ngaobuyu teidei; raokhao touzü laimo buyu alia hali chekhoyu teidei; chuh nou huh soulouyu alia deichi vanou shahu hepalouyu teidei.

“Zhou Enou neletao hi kharochi peikhai touyu taosü züloure donou leikeilo, sükulouzü neletao hrilai, mai poupalai alia neletao puopao hi MAPAO nou paopeikhai touyu teidei nasü neletao nou talou poloulai.

Po raidai hai shosho hisü ne sabanü banoure hamoe alia ne phi panou mamoe.

Dushoyu alia pishoyu radeiki, dzü hayu teidei, tu shishoyu nghou alia leakhao buyu teidei hisünou, neletaoye süthai po-a tala pei-e. Khoushoyu chuh hinou neletaoye sü dzü pei-e.