Popular Bible Verses from ܒܪܝܬܐ 35

Share

ܘܐ݇ܡܝܼܪܹܗ ܐܸܠܹܗ ܐܲܠܵܗܵܐ، ”ܐܵܢܵܐ ܝܘܸܢ ܐܹܝܠ ܫܲܕܲܝ. ܦܪܝܼ ܘܙܘܼܕ؛ ܥܲܡܵܐ ܘܟܸܢܫܵܐ ܕܥܲܡܡܹ̈ܐ ܒܸܬ ܦܵܠܛܝܼ ܡܸܢܘܼܟ݂، ܘܡܲܠܟܹ̈ܐ ܡ̣ܢ ܚܲܨܘܼܟ݂ ܒܸܬ ܦܵܠܛܝܼ. ܐܲܪܥܵܐ ܕܝܘܼܗ݇ܒܸܠ ܠܝܼ ܠܐܲܒ݂ܪܵܗܵܡ ܘܠܐܝܼܣܚܵܩ، ܐܸܠܘܼܟ݂ ܒܸܬ ܝܵܗ݇ܒܹܢܵܗ̇، ܘܠܙܲܪܥܘܼܟ݂ ܡ̣ܢ ܒܵܬ݇ܪ ܡܸܢܘܼܟ݂ ܒܸܬ ܝܵܗ݇ܒܹܢܵܗ̇ ܐܵܗܵܐ ܐܲܪܥܵܐ.“

ܘܩܵܝܡܲܚ ܘܐܵܣܩܲܚ ܠܒܹܝܬ ܐܹܝܠ، ܘܒܸܬ ܥܵܒ݂ܕܹܢ ܬܵܡܵܐ ܡܲܕܒܚܵܐ ܠܐܲܠܵܗܵܐ ܕܓ̰ܘܼܘܸܒ ܠܹܗ ܐܸܠܝܼ ܒܝܵܘܡܵܐ ܕܐܘܼܠܨܵܢܝܼ، ܘܕܗܘܹܐ ܠܹܗ ܥܲܡܝܼ ܒܐܘܼܪܚܵܐ ܕܐ݇ܙܝܼܠ ܠܝܼ.“

ܘܐ݇ܡܝܼܪܹܗ ܐܸܠܹܗ ܐܲܠܵܗܵܐ، ”ܫܸܡܘܼܟ݂ ܝܲܥܩܘܿܒ݂ ܝܼܠܹܗ؛ ܐ݇ܚܹܪ݇ܢܵܐ ܠܵܐ ܦܵܐܹܫ ܩܸܪܝܵܐ ܫܸܡܘܼܟ݂ ܝܲܥܩܘܿܒ݂، ܐܸܠܵܐ ܝܼܣܪܵܝܹܠ ܗܵܘܹܐ ܫܸܡܘܼܟ݂،“ ܘܩܪܹܐ ܠܹܗ ܫܸܡܹܗ ”ܝܼܣܪܵܝܹܠ.“

ܘܐ݇ܡܝܼܪܹܗ ܝܲܥܩܘܿܒ݂ ܠܒܢܲܝ̈ ܒܲܝܬܹܗ ܘܠܟܠܲܝܗܝ ܕܝܼܗ݇ܘܵܘ ܥܲܡܹܗ، ”ܪܲܦܸܝܡܘܼܢ ܐܲܠܵܗܹ̈ܐ ܢܘܼܟ݂ܪ̈ܵܝܹܐ ܕܝܼܢܵܐ ܓܵܘܵܘܟ݂ܘܿܢ، ܘܕܲܟܸܝܡܘܼܢ ܓܵܢܵܬܵܘ̈ܟ݂ܘܿܢ، ܘܫܲܚܠܸܦܘܼܢ ܓ̰ܘܼܠܵܘ̈ܟ݂ܘܿܢ؛

ܐ݇ܡܝܼܪܹܗ ܐܲܠܵܗܵܐ ܠܝܲܥܩܘܿܒ݂، ”ܩܘܼܡ ܐ݇ܣܘܿܩ ܠܒܹܝܬ ܐܹܝܠ، ܘܝ݇ܬܘܿܒ݂ ܬܵܡܵܐ، ܘܥܒ݂ܘܿܕ ܬܵܡܵܐ ܡܲܕܒܚܵܐ ܠܐܲܠܵܗܵܐ ܕܦܝܼܫ ܠܹܗ ܚܸܙܝܵܐ ܐܸܠܘܼܟ݂ ܐܝܼܡܲܢ ܕܥܪܝܼܩ ܠܘܼܟ݂ ܡ̣ܢ ܩܵܕ݇ܡ ܥܹܣܘܿ ܐܲܚܘܿܢܘܼܟ݂.“

ܗܘܹܐ ܠܵܗ̇ ܟܲܕ ܒܸܦܠܵܛܵܐ ܝܗ݇ܘܵܐ ܓܵܢܘܼܗ̇ (ܣܵܒܵܒ ܡܝܼܬ ܠܵܗ̇)، ܩܪܹܐ ܠܵܗ̇ ܫܸܡܹܗ، ”ܒܸܢ ܐܘܿܢܝܼ؛“ ܐܝܼܢܵܐ ܒܵܒܘܼܗܝ ܩܪܹܐ ܠܹܗ ܫܸܡܹܗ، ”ܒܸܢܝܵܡܹܝܢ.“