Popular Bible Verses from MATTHEW 18

Share

Háálá t'áá azlį́į'gi naaki éí doodaii' táa'da shízhi' yee ahíikaigo, ákwe'é biníi'gi honishłǫ́.

Áádóó ánáánihidish'ní, Nahasdzáán bikáa'gi nihitahgi nidinołt'éego ha'át'íida bee aha'di'nooht'ą́ągo yínóhkeedígíí, shiTaa' yá'ąąshdi hólóonii nihá yi'doolííł.

Nít'éé' áłchíní yázhí ła' hágo bizhdííniidgo, biníi'gi bidziisį', áko ájíní, T'áá aaníígóó ánihidishní, Doo łahgo át'éego dahinohnáágóó índa doo áłchínígi át'éego ída'doołyaagóó, yá'ąąshii bee bóhólníihgo bił haz'áanii ts'ídá doo biih dadoohkah da.

Éí bąą t'áá háiida díí áłchíní yázhígi át'éego a'ohgo ádaa nitsídzíkeesígíí, éí yá'ąąshii bee bóhólníihgo bił haz'áanii biyi'di aláahgo ayóó át'éii jílį́.

T'áá háiida áłchíní yázhí kót'éhígíí ła' shízhi' bee bich'į' k'éznídzinígíí, éí shí shich'į' k'éznídzin.

T'áá aaníí ánihidishní, Ha'át'íida nahasdzáán bikáa'gi bee a'di'noo'ánígíí, t'áá éí yá'ąąshdi bee a'deet'ą́ą doo, áádóó ha'át'íida nahasdzáán bikáa'gi doo bee a'di'noo'ánígíí, t'áá éí yá'ąąshdi ałdó' doo bee a'deet'ą́ą da dooleeł.

T'áá éí bik'ehgo t'ááłá'í nootínígo nihik'is nihich'į' bąąhági ádaat'į́įgo nihijéí tł'ááhdę́ę́' doo t'áá aaníí bá yóó'anídahidoh'aahgóó, shiTaa' yá'ąąshdi hólóonii ałdó' t'áá ákónihił'į́į doo.

T'áá háiida díí áłchínígi át'éego a'ohgo ádaa nitsídaakeesgo dashoodlánígíí ła'da bąąhági át'į́ ájiilaaígíí, t'áá hó tsé daashjéé' nitsaii hazéédéet'ą́ągo, tónteel bii' táłtł'ááh ho'dool'ééljí há yá'át'éeh doo nít'éé'.

Haash yit'éego baa nitsídaahkees? Diné ła' dibé neeznádiin bilį́į́', nít'éé' ła' yóó'ííyáago, da' doósh náhást'édiindóó ba'aan náhást'éígíí dah daask'idjį' yi'doo łnihgo yóó'ííyáhígíí haidínóotaał da?