Popular Bible Verses from MATTHEW 19

Share

Nidi Jesus honíł'į́įgo áháłní, Éí diné ts'ídá t'áadoo bee bá bohónéedzą́ą da, nidi Diyin God t'áá ałtsoní bee bá bohónéedzą́.

Áko éí áádóó doo t'áá ał'ąą da, nidi ats'íís t'ááłá'í jileeh. Éí bąą Diyin God ahiidiinilii éí diné doo ałts'áidoonił da.

Áko bich'į' hadzoodzíi'go ábijiní, Da' díísh t'ah doo dayínółta' da? Hodeeyáádą́ą́' diné áyiilaii éí biką'ii índa bi'áadii áyiilaago ádííniid, Éí bąą diné jílíinii éí hazhé'é índa hamá bits'ą́ą́' dashdidoogáałgo, hwe'asdzą́ą́ t'éiyá bił jiináa doo, áko nizhdilt'éhígíí ats'íís t'ááłá'í jidooleeł.

Nidi Jesus ázhdííniid, Bíni'dii áłchíní shaa hakááh, t'áadoo shich'į' nidanoh'iní, háálá ákódaat'éhígíí yá'ąąshii bee bóhólníihgo bił haz'áanii bíí' ádaat'é.

Nidi lą'í da'alą́ąjį'ígíí éí da'akéédę́ę' doo, índa da'akéédę́'ígíí da'alą́ąjį' doo.

Áko t'ááłá'í jinítínígo dahakin nít'ée'ii, doodaii' hak'isóó, doodaii' halahkéí, doodaii' hazhé'é, doodaii' hamá, [doodaii' hwe'asdzą́ą́,] doodaii' ha'áłchíní, doodaii' dahakéyahda shízhi' biniinaa bits'ą́ą́' dah dahizhdiikaii, éí hwee dahólǫ́ǫ́ nít'é'ígíí neeznádiindi ahą́ą́h nániiláago haa nídoolyééł, índa iiná doo ninít'i'ii hwee hodooleeł.

Jesus ábidííniid, Ts'ídá t'áá ákogi ánísht'ée doo nínízingo, nílááh nídídáahgo nee hólónígíí t'áá ałtso naa nahóniihgo, bee shóisíníłt'e'ígíí badahojoobá'íígíí bitaa díínih, áko yá'ąąshdi naalye'é ílíinii nee hólǫ́ǫ dooleeł, ákohgo índa dah diináahgo shikéé' yínááł.

Áko ábizhdííniid, Ha'át'íishą' biniyé ha'át'íida yá'át'éehii bínashídíłkid? T'áadoo yá'át'éhí da. Diyin God t'éiyá yá'át'éehii nilį́. Iiná biih deeshááł nínízingo, Diyin God yee has'áanii bik'eh honíł'į́.

Áádóó ánáánihidish'ní, Ghą́ą́'ask'idii tsah bighá'ált'ih góne' ch'ídoogáałgo doo bá bohónéedzą́ą da, nidi diné ajit'íinii Diyin God bee bóhólníihgo bił haz'áanii biishdoogáłígi agháago doo há bohónéedzą́ą da.

Áádóó ánihidishní, T'áá háiida hwe'asdzą́ą́ doo adiléégóó yóó'azhdíí'ą́ągo, áádóó náánáła' asdzání bá náá'dzísgehgo, éí azhdííláago át'é [índa t'áá háiida asdzání yóó'abi'doot'ánígíí bá'dzízyehii, éí ałdó' azhdíílá].

Áko Jesus éí hódahooł'aahii ábizhdííniid, T'áá aaníígóó ánihidishní, Diné at'íinii yá'ąąshii bee bóhólníihgo bił haz'áanii yiih doogáłígíí bá niłdzil.