Popular Bible Verses from ငဝ်ႈ 35

Share

ၽြႃးပဵၼ်ၸဝ်ႈ​သမ်ႉ​လၢတ်ႈ​တီႈ​မၼ်း​လႄႈ​ဝႃႈ၊ “ၵဝ်​ပဵၼ်​ ၽြႃးပဵၼ်ၸဝ်ႈ၊ၸဝ်ႈ​ဢၼၼ်ႇတႃႉ​တၼ်းၶူဝ်း၊ ဢေႃႈ။ ႁႂ်ႈ​လုၵ်ႈလၢင်း​မႂ်း​ၼမ်​ၵိုၼ်း​တႃႉ။ ၵူၼ်း​မဵဝ်း​ၸိူဝ်ႉၶိူဝ်း​ၼမ်ၼႃႇ​တၵ်း​ပေႃႇ​ဢွၵ်ႇ​မႃး​ၵႃႈၼႂ်း​မႂ်း​ဢေႃႈ။ ၶုၼ်ႁေႃၶမ်း​တင်းလၢႆ​တၵ်း​ပေႃႇ​ဢွၵ်ႇ​ပဵၼ်​မႃး​ၵႃႈၼႂ်း​ၸိူဝ်ႉၶိူဝ်း​မႂ်း​ဢေႃႈ။- ၵဝ်​တၵ်း​ဢဝ်​လိၼ်မိူင်း​ဢၼ်​ၵဝ်​ပၼ်​တီႈ​ ဢႃႇပြႃႇႁၢမ်ႇ၊ တင်း​ ဢိၸၢၵ်ႈ၊ ၼၼ်ႉ​ပၼ်​မႂ်း​လႄႈ၊ၵႃႈတီႈ​ၸိူဝ်ႉၶိူဝ်း​လုၵ်ႈလၢၼ်​မႂ်း​ၵေႃႈ​ၵဝ်​တၵ်း​သိုပ်ႇ​ပၼ်​ဢေႃႈ၊” ဝႃႈ​ၼင်ႇ​ၼႆ​သေယဝ်ႉ၊

ႁဝ်း​တၵ်း​ဢွၼ်ၵၼ်​ဢွၵ်ႇ​သေ​ၵႃႈတီႈ​ၼႆႉ​လႄႈ​ၵႂႃႇ​ၵႃႈတီႈ​ ပေႇသလႃႉ၊ ပုၼ်ႉ​ဢေႃႈ။ တီႈ​ၼၼ်ႈ​ၵဝ်​တၵ်း​လႆႈ​ႁဵတ်း​ၶဵင်ႇ​တၢင်းလူႇ​ပုၼ်ႈ​ၽြႃးပဵၼ်ၸဝ်ႈ​ဢၼ်​ဢိူဝ်​ၵဝ်​ၼႂ်း​ၶိင်ႇၵႃႇလႃႉ​ဢၼ်​ၵဝ်​လႆႈ​ၶၢမ်ႇ​တုၵ်ႉၶႃႉ​တၢင်း​ၽၢၼ်​လႄႈ​မီး​ယူႇ​လူၺ်ႈ​ၵၼ်​တင်း​ၵဝ်​ၼႂ်း​သဵၼ်ႈတၢင်း​ဢၼ်​ၵဝ်​ၵႂႃႇ​ၵူႈတီႈၵူႈလႅၼ်​ၼၼ်ႉ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၽြႃးပဵၼ်ၸဝ်ႈ​လၢတ်ႈ​တီႈ​မၼ်း​လႄႈ​ဝႃႈ၊ “ၸိုဝ်ႈ​မႂ်း​ႁွင်ႉ​ႁဵၵ်ႈ​ဝႃႈ၊ ယႃႇၵုပ်ႈ၊ ဢေႃႈ။ ၵူၺ်းၵႃႈ၊ဢဝ်​ၼႆႉ​ၵႂႃႇ​မိူဝ်းၼႃႈ​တေ​လႆႈ​ႁွင်ႉ​ႁဵၵ်ႈ​ဝႃႈ၊ ဢိသရေး၊ ဢေႃႈ၊” ဝႃႈ​ၼင်ႇ​ၼႆ​လႄႈ၊ၽြႃးပဵၼ်ၸဝ်ႈ​ႁွင်ႉ​ႁဵၵ်ႈ​ၸိုဝ်ႈ​မၼ်း​ဝႃႈ၊ ဢိသရေး၊ ဢေႃႈ။

ပိူဝ်ႈ​ၼႆ​လႄႈ​ ယႃႇၵုပ်ႈ၊ လၢတ်ႈ​တီႈ​ၵူၼ်းႁိူၼ်းၵူၼ်းယေး​မၼ်း​ဢိၵ်ႇတင်း​ၶဝ်​ၸိူဝ်း​ဢၼ်​ယူႇ​လူၺ်ႈ​ၵၼ်​တင်း​မၼ်း​ၵူႈ​ၵေႃႉ​ၼၼ်ႉ​လႄႈ​ဝႃႈ၊ “ပႄႇပႅတ်ႈ​ၽြႃး​ၵူၼ်း​တၢင်ႇၸိူဝ်ႉတၢင်ႇၶိူဝ်း​ဢၼ်​မီး​တီႈ​သူ​ၼၼ်ႉ​တႃႉ။ ႁႂ်ႈ​တူဝ်​သူ​မူတ်းၸၢင်ႇ​လႄႈ​ပုတ်ႈ​လၢႆႈ​ၶူဝ်းလဵင်း​ဢၼ်​မူတ်းသႂ်​တႃႉ။

လိုၼ်း​ၼၼ်ႉ၊ၽြႃးပဵၼ်ၸဝ်ႈ​လၢတ်ႈ​တီႈ​ ယႃႇၵုပ်ႈ၊ လႄႈ​ဝႃႈ၊ “လုၵ်ႉ​တႃႉ။ ၶိုၼ်ႈ​ၵႂႃႇ​ၵႃႈတီႈ​ ပေႇႀလႃႉ၊ လႄႈ​ယူႇသဝ်း​ၵႃႈတီႈ​ၼၼ်ႈ​တႃႉ။ ၵႃႈတီႈ​ၼၼ်ႈ​ႁဵတ်း​ၶဵင်ႇ​တၢင်းလူႇ​ပုၼ်ႈ​ၵဝ်​ၽြႃး​ဢၼ်​ပေႃႇမႃး​တီႈ​မႂ်း​မိူဝ်ႈ​ဢၼ်​မႂ်း​ဢွၵ်ႇ​ပၢႆႈ​ပီႈဢၢႆႈ​မႂ်း​ ဢေးသေႃး၊ ၼၼ်ႉ​တႃႉ၊” ဝႃႈ​ၼင်ႇ​ၼႆ​ဢေႃႈ။

ၵူၺ်းၵႃႈ၊မၼ်း​ၸမ်​တၵ်း​တၢႆ​လႄႈ​မိူဝ်ႈ​ဢၼ်​ၸႂ်ဝိၺိၺ်ႇ​မၼ်း​ၸမ်​တၵ်း​သဵင်ႈ​ယူႇ​ၼၼ်ႉ​မၼ်း​ပၼ်​ၸိုဝ်ႈ​ႁွင်ႉ​ႁဵၵ်ႈ​လုၵ်ႈၸၢႆး​မၼ်း​ဝႃႈ၊ ပိၼ်ႇဢူဝ်းၼိ၊ ဢေႃႈ။ ၼႂ်းဝႃႈၼၼ်​သေၵေႃႈ​ပေႃႈ​မၼ်း​ႁွင်ႉ​ႁဵၵ်ႈ​ၸိုဝ်ႈ​ဝႃႈ၊ ပိၼ်ႇယႃႇမိၼ်ႇ၊ ဢေႃႈ။