ငဝ်ႈ 35
35
ၽြႃးပဵၼ်ၸဝ်ႈ ပၼ်တၢင်းလီယႃႇၵုပ်ႈ
1လိုၼ်းၼၼ်ႉ၊ၽြႃးပဵၼ်ၸဝ်ႈလၢတ်ႈတီႈယႃႇၵုပ်ႈ၊လႄႈဝႃႈ၊ “လုၵ်ႉတႃႉ။ ၶိုၼ်ႈၵႂႃႇၵႃႈတီႈပေႇႀလႃႉ၊လႄႈယူႇသဝ်းၵႃႈတီႈၼၼ်ႈတႃႉ။ ၵႃႈတီႈၼၼ်ႈႁဵတ်းၶဵင်ႇတၢင်းလူႇပုၼ်ႈၵဝ်ၽြႃးဢၼ်ပေႃႇမႃးတီႈမႂ်းမိူဝ်ႈဢၼ်မႂ်းဢွၵ်ႇပၢႆႈပီႈဢၢႆႈမႂ်းဢေးသေႃး၊ၼၼ်ႉတႃႉ၊” ဝႃႈၼင်ႇၼႆဢေႃႈ။
2ပိူဝ်ႈၼႆလႄႈယႃႇၵုပ်ႈ၊လၢတ်ႈတီႈၵူၼ်းႁိူၼ်းၵူၼ်းယေးမၼ်းဢိၵ်ႇတင်းၶဝ်ၸိူဝ်းဢၼ်ယူႇလူၺ်ႈၵၼ်တင်းမၼ်းၵူႈၵေႃႉၼၼ်ႉလႄႈဝႃႈ၊ “ပႄႇပႅတ်ႈၽြႃးၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်မီးတီႈသူၼၼ်ႉတႃႉ။ ႁႂ်ႈတူဝ်သူမူတ်းၸၢင်ႇလႄႈပုတ်ႈလၢႆႈၶူဝ်းလဵင်းဢၼ်မူတ်းသႂ်တႃႉ။- 3ႁဝ်းတၵ်းဢွၼ်ၵၼ်ဢွၵ်ႇသေၵႃႈတီႈၼႆႉလႄႈၵႂႃႇၵႃႈတီႈပေႇသလႃႉ၊ပုၼ်ႉဢေႃႈ။ တီႈၼၼ်ႈၵဝ်တၵ်းလႆႈႁဵတ်းၶဵင်ႇတၢင်းလူႇပုၼ်ႈၽြႃးပဵၼ်ၸဝ်ႈဢၼ်ဢိူဝ်ၵဝ်ၼႂ်းၶိင်ႇၵႃႇလႃႉဢၼ်ၵဝ်လႆႈၶၢမ်ႇတုၵ်ႉၶႃႉတၢင်းၽၢၼ်လႄႈမီးယူႇလူၺ်ႈၵၼ်တင်းၵဝ်ၼႂ်းသဵၼ်ႈတၢင်းဢၼ်ၵဝ်ၵႂႃႇၵူႈတီႈၵူႈလႅၼ်ၼၼ်ႉဢေႃႈ၊” ဝႃႈၼင်ႇၼႆဢေႃႈ။- 4ၶဝ်ၵေႃႈဢွၼ်ၵၼ်ဢဝ်ၽြႃးၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်မီးၵႃႈတီႈၶဝ်တင်းမူတ်းဢိၵ်ႇတင်းၶိူင်ႈပေႇႁူဢၼ်ႁွႆႈယူႇၸိူဝ်းၼၼ်ႉပၼ်တီႈယႃႇၵုပ်ႈ၊လႄႈမၼ်းဢဝ်ၽင်တႂ်ႈတူၼ်ႈမႆႉၼိမ်ႁိမ်းဝဵင်းသေးၶိမ်ႇ၊ၼၼ်ႉသေဢေႃႈ။
5မိူဝ်ႈဢၼ်ယႃႇၵုပ်ႈ၊တင်းလုၵ်ႈၸၢႆးမၼ်းတင်းလၢႆၶၢႆႉတီႈၵႂႃႇၼၼ်ႉၵူၼ်းဢၼ်ယူႇၼႂ်းဝဵင်းႁိမ်းႁွမ်းၸိူဝ်းၼၼ်ႉၵူဝ်ႁႄထႃႇဝရႃႉၽြႃး၊လႄႈဢမ်ႇႁတ်းလိုပ်ႈလမ်းၸွမ်းၶဝ်။- 6ယႃႇၵုပ်ႈ၊ဢွၼ်ၵူၼ်းမၼ်းတင်းမူတ်းၵႂႃႇၸူးဝဵင်းလုၸႃႉ၊ဢၼ်ဝႃႈ၊ပေႇသလႃႉ၊ၵႃႈၼႂ်းမိူင်းၶႃႇၼၼ်ႇ၊ပုၼ်ႉဢေႃႈ။- 7တီႈၼၼ်ႈမၼ်းတႄႇႁဵတ်းၶဵင်ႇတၢင်းလူႇသေယဝ်ႉ၊ႁွင်ႉႁဵၵ်ႈၸိုဝ်ႈဢေးလႃႉပေႇသလႃႉ၊#35:7 “ဢေးလႃႉ၊” ၼႂ်းၵႂၢမ်းႁေႇပြႄးပွင်ႇဝႃႈ၊ၽြႃးပဵၼ်ၸဝ်ႈ တီႈဝႃႈၼႆ၊ၵွပ်ႈပိူဝ်ႈၽြႃးပဵၼ်ၸဝ်ႈပေႃႇမႃးတီႈမၼ်းမိူဝ်ႈဢၼ်မၼ်းဢွၵ်ႇပၢႆႈပီႈဢၢႆႈမၼ်းၼၼ်ႉဢေႃႈ။- 8တေႇပေႃးရႃႇ၊ဢၼ်ပဵၼ်ၼၢႆးဢၼ်လူဢၼ်ထိင်းရေႇပႅၵ်ႉၵႃႉ၊ၼၼ်ႉတၢႆလႄႈသၢင်းၵျူဝ်ႇဝႆႉတႂ်ႈတူၼ်ႈမႆႉၼိမ်ၽၢႆႇတၢင်းၸၢၼ်းပေႇႀလႃႉ၊သေဢေႃႈ။ တူၼ်ႈၼၼ်ႉၶဝ်ႁွင်ႉႁဵၵ်ႈၸိုဝ်ႈဝႃႈ၊ဢႃႇလုၼ်ႇပႃႇၵုတ်ႉ၊ (ဢၼ်ပွင်ႇဝႃႈမႆႉၼိမ်ႁႆႈ) ဢေႃႈ။
9မိူဝ်ႈဢၼ်ယႃႇၵုပ်ႈ၊ပွၵ်ႈသေမိူင်းမေႇသူဝ်ႇပူဝ်ႇတေးမီးယႃး၊ၶိုၼ်းမႃးယဝ်ႉၼၼ်ႉ၊ၽြႃးပဵၼ်ၸဝ်ႈသမ်ႉပေႃႇမႃးတီႈမၼ်းလႄႈပၼ်တၢင်းလီတီႈမၼ်းထႅင်ႈဢေႃႈ။- 10ၽြႃးပဵၼ်ၸဝ်ႈလၢတ်ႈတီႈမၼ်းလႄႈဝႃႈ၊ “ၸိုဝ်ႈမႂ်းႁွင်ႉႁဵၵ်ႈဝႃႈ၊ယႃႇၵုပ်ႈ၊ဢေႃႈ။ ၵူၺ်းၵႃႈ၊ဢဝ်ၼႆႉၵႂႃႇမိူဝ်းၼႃႈတေလႆႈႁွင်ႉႁဵၵ်ႈဝႃႈ၊ဢိသရေး၊ဢေႃႈ၊” ဝႃႈၼင်ႇၼႆလႄႈ၊ၽြႃးပဵၼ်ၸဝ်ႈႁွင်ႉႁဵၵ်ႈၸိုဝ်ႈမၼ်းဝႃႈ၊ဢိသရေး၊ဢေႃႈ။- 11ၽြႃးပဵၼ်ၸဝ်ႈသမ်ႉလၢတ်ႈတီႈမၼ်းလႄႈဝႃႈ၊ “ၵဝ်ပဵၼ်ၽြႃးပဵၼ်ၸဝ်ႈ၊ၸဝ်ႈဢၼၼ်ႇတႃႉတၼ်းၶူဝ်း၊ဢေႃႈ။ ႁႂ်ႈလုၵ်ႈလၢင်းမႂ်းၼမ်ၵိုၼ်းတႃႉ။ ၵူၼ်းမဵဝ်းၸိူဝ်ႉၶိူဝ်းၼမ်ၼႃႇတၵ်းပေႃႇဢွၵ်ႇမႃးၵႃႈၼႂ်းမႂ်းဢေႃႈ။ ၶုၼ်ႁေႃၶမ်းတင်းလၢႆတၵ်းပေႃႇဢွၵ်ႇပဵၼ်မႃးၵႃႈၼႂ်းၸိူဝ်ႉၶိူဝ်းမႂ်းဢေႃႈ။- 12ၵဝ်တၵ်းဢဝ်လိၼ်မိူင်းဢၼ်ၵဝ်ပၼ်တီႈဢႃႇပြႃႇႁၢမ်ႇ၊တင်းဢိၸၢၵ်ႈ၊ၼၼ်ႉပၼ်မႂ်းလႄႈ၊ၵႃႈတီႈၸိူဝ်ႉၶိူဝ်းလုၵ်ႈလၢၼ်မႂ်းၵေႃႈၵဝ်တၵ်းသိုပ်ႇပၼ်ဢေႃႈ၊” ဝႃႈၼင်ႇၼႆသေယဝ်ႉ၊- 13ၽြႃးပဵၼ်ၸဝ်ႈလုၵ်ႉသေၵႃႈတီႈဢၼ်လၢတ်ႈတေႃႇၵၼ်တင်းမၼ်းၼၼ်ႉသေလႄႈ၊ၶိုၼ်ႈၵႂႃႇၵႃႈၼိူဝ်သေဢေႃႈ။- 14ၵႃႈတီႈၼၼ်ႈ၊မၼ်းပူၵ်းတင်ႈမၢၵ်ႇႁိၼ်တီႈမၢတ်ႈတွင်းပုၼ်ႈဢၼ်ၶုၵ်းၸႂ်လႆႈသေယဝ်ႉ၊ဢဝ်တၢင်းလူႇဢၼ်ဢဝ်ၼမ်ႉမၢၵ်ႇၸပိတ်ႉတင်းၼမ်ႉမၼ်းသွၼ်းလေႃႇၵႃႈၼိူဝ်မၢၵ်ႇႁိၼ်ၼၼ်ႉဢေႃႈ။- 15တီႈဢၼ်ၽြႃးပဵၼ်ၸဝ်ႈလၢတ်ႈတေႃႇယႃႇၵုပ်ႈ၊ၼၼ်ႉမၼ်းႁွင်ႉႁဵၵ်ႈၸိုဝ်ႈဝႃႈ၊ပေႇသလႃႉ၊ဢေႃႈ။
တၢင်းတၢႆရႃႇၶေႇလႃႉ
16ဝၢႆးၼၼ်ႉ၊ယႃႇၵုပ်ႈ၊ဢွၼ်ၵူၼ်းႁိူၼ်းၵူၼ်းယေးမၼ်းဢွၵ်ႇသေပေႇသလႃႉ၊ၵႂႃႇၸွမ်းတၢင်းလႄႈ၊ၸမ်တၵ်းႁွတ်ႈထိုင်ဝဵင်းဢေႇၽရတ်ႉ၊လူဝ်ႇထႅင်ႈဢိတ်းၼိုင်ႈၼၼ်ႉၸိုင်၊ရႃႇၶေႇလႃႉ၊ႁွတ်ႈထိုင်ၶိင်ႇဢၼ်တၵ်းၵိူတ်ႇလုၵ်ႈလႄႈလႆႈၶၢမ်ႇဝူၺ်ႇတၼႃႇယၢပ်ႇၼႃႇလူင်လၢင်ဢေႃႈ။- 17ယၢမ်းမိူဝ်ႈဢၼ်မၼ်းလႆႈၶၢမ်ႇဝူၺ်ႇတၼႃႇယၢပ်ႇၼႃႇလူင်လၢင်ယူႇၼၼ်ႉ၊မႄႈၵဵပ်းလၢတ်ႈလႄႈဝႃႈ၊ “ရႃႇၶေႇလႃႉ၊႟။ ယႃႇပေမႆႈၸႂ်၊ၼႆႉၵေႃႈပဵၼ်လုၵ်ႈၸၢႆးဢွၼ်ႇဢိူဝ်း၊” ဝႃႈၼင်ႇၼႆဢေႃႈ။- 18ၵူၺ်းၵႃႈ၊မၼ်းၸမ်တၵ်းတၢႆလႄႈမိူဝ်ႈဢၼ်ၸႂ်ဝိၺိၺ်ႇမၼ်းၸမ်တၵ်းသဵင်ႈယူႇၼၼ်ႉမၼ်းပၼ်ၸိုဝ်ႈႁွင်ႉႁဵၵ်ႈလုၵ်ႈၸၢႆးမၼ်းဝႃႈ၊ပိၼ်ႇဢူဝ်းၼိ၊#35:18 “ပိၼ်ႇဢူဝ်းၼိ” - ပွင်ႇဝႃႈ၊ “လုၵ်ႈၸၢႆးဢၼ်ႁႂ်ႈၵဝ်မႆႈၸႂ်” ဢေႃႈ။ ၼႂ်းဝႃႈၼၼ်သေၵေႃႈပေႃႈမၼ်းႁွင်ႉႁဵၵ်ႈၸိုဝ်ႈဝႃႈ၊ပိၼ်ႇယႃႇမိၼ်ႇ၊#35:18 “ပိၼ်ႇယႃႇမိၼ်ႇ” - ပွင်ႇဝႃႈ၊ “လုၵ်ႈၸၢႆးဢၼ်တေလႆႈလီလႆႈပဵၼ်” ဢေႃႈ။
19 ရႃႇၶေႇလႃႉ၊တၢႆလႄႈလႆႈၶၢမ်ႇတၢင်းဢၼ်သၢင်းၵျူဝ်ႇတီႈႁိမ်းသဵၼ်ႈတၢင်းဢၼ်ၵႂႃႇၸူးဝဵင်းဢေႇၽရတ်ႉ၊ဢၼ်မိူဝ်ႈလဵဝ်ႁွင်ႉဝႃႈ၊ပႅတ်ႉလႁႅမ်ႇ၊ၼၼ်ႉဢေႃႈ။- 20တီႈၼၼ်ႈၵေႃႈယႃႇၵုပ်ႈ၊ပူၵ်းတင်ႈမၢၵ်ႇႁိၼ်တီႈမၢတ်ႈတွင်းဝႆႉလႄႈပဵၼ်သဝ်သၢင်းၶႅင်းရႃႇၶေႇလႃႉ၊ဝႆႉတေႃႇႁၢၼ်ႉမိူဝ်ႈလဵဝ်ဢေႃႈ။- 21ဢိသရေး၊သိုပ်ႇၶၢဝ်းတၢင်းမၼ်းၵႂႃႇလႄႈတႄႇပၢင်သုမ်ႉပၢင်သွင်းၵႃႈတီႈၽၢႆႇပုၼ်ႉသဝ်လၢင်းဢီးတႃႇ၊ဢေႃႈ။
ၸရၢင်းလုၵ်ႈၸၢႆးဢိသရေးတင်းလၢႆ
(တူၺ်း၊ 1 ရႃႇၶျုၵ်ႈ 2:1-2)
22ယၢမ်းမိူဝ်ႈဢၼ်ယႃႇၵုပ်ႈ၊ယင်းယူႇၵႃႈတီႈမိူင်းၼၼ်ႉယူႇၼၼ်ႉၸိုင်၊ရုပိၼ်ႇ၊ၶဝ်ႈၼွၼ်းလူၺ်ႈပိလႁႃႇ၊မေးၼွႆႉပေႃႈမၼ်းၼၼ်ႉဢေႃႈ။ ယႃႇၵုပ်ႈ၊လႆႈငိၼ်းၶၢဝ်ႇလွင်ႈတၢင်းၼၼ်ႉ#35:22 ၼႂ်းၵျၢမ်းမူႇၵဝ်ႇဢၼ်ၼိုင်ႈဝႃႈ၊ “လႆႈငိၼ်းၶၢဝ်ႇလႄႈၸႂ်မႆႈၶႂ်ႈၸႃႉဢေႃႈ” ဢေႃႈ။- 23ယႃႇၵုပ်ႈ၊မီးလုၵ်ႈၸၢႆးသိပ်းသွင်ၵေႃႉဢေႃႈ။ လုၵ်ႈၸၢႆးလေးဢႃႇ၊ပဵၼ်ရုပိၼ်ႇ၊လုၵ်ႈတူၼ်ႈယႃႇၵုပ်ႈ၊တင်းသိမုၼ်ႇ၊လေႇဝိ၊ယုတႃႉ၊ဢိသၶႃႇ၊ၸေႇပုလုၼ်ႇ၊ဢေႃႈ။- 24လုၵ်ႈၸၢႆးရႃႇၶေႇလႃႉ၊ပဵၼ်ယူဝ်းသႅပ်ႈ၊တင်းပိၼ်ႇယႃႇမိၼ်ႇ၊ဢေႃႈ။- 25လုၵ်ႈၸၢႆးပိလႁႃႇ၊ၶႃႈမႄႈယိင်းရႃႇၶေႇလႃႉ၊ပဵၼ်တၢၼ်ႇ၊တင်းၼပ်ႉထလိ၊ဢေႃႈ။- 26လုၵ်ႈၸၢႆးၸိလပႃႉ၊ၶႃႈမႄႈယိင်းလေးဢႃႇ၊ၼၼ်ႉပဵၼ်ၵၢတ်ႉ၊တင်းဢႃႇသျႃႇ၊ဢေႃႈ။ လုၵ်ႈၸၢႆးၸိူဝ်းၼၼ်ႉၵိူတ်ႇလဵင်ႉၵႃႈတီႈမိူင်းမေႇသူဝ်ႇပူဝ်ႇတေးမီးယႃး၊ဢေႃႈ။
တၢင်းတၢႆဢိၸၢၵ်ႈ
27 ယႃႇၵုပ်ႈ၊ၵႂႃႇၸူးတီႈပေႃႈမၼ်းဢိၸၢၵ်ႈ၊ၵႃႈတီႈမမ်ႇရေႇ၊ဝဵင်းၵိရယႃႉသႃႇပႃႉ၊ဢၼ်ပဵၼ်ဝဵင်းႁေႇပရုၼ်ႇ၊တီႈဢၼ်ဢႃႇပြႃႇႁၢမ်ႇ၊တင်းဢိၸၢၵ်ႈ၊သွၼ်ႈပိုင်ႈယူႇသဝ်းၼၼ်ႉဢေႃႈ။- 28ဢသၢၵ်ႈဢိၸၢၵ်ႈ၊လႆႈပၢၵ်ႇပၢႆပႅတ်ႇသိပ်းပီသေယဝ်ႉ၊- 29တၢႆၵႂႃႇၼႂ်းၸူဝ်ႈဢသၢၵ်ႈဢၼ်ၵႄႇထူၼ်ႈထဝ်ႈၼႃႇၼၼ်ႉသေယဝ်ႉ၊ၸင်ႇလႆႈၶၢမ်ႇသိမ်းဢဝ်ၵႂႃႇၸူးၶိုၼ်းတီႈမဵဝ်းပူႇမွၼ်ႇမၼ်းဢေႃႈ။ လုၵ်ႈၸၢႆးမၼ်းဢေးသေႃး၊တင်းယႃႇၵုပ်ႈ၊ၵေႃႈဢဝ်မၼ်းသၢင်းၵျူဝ်ႇဢေႃႈ။
Currently Selected:
ငဝ်ႈ 35: SHNCL
Highlight
Share
Copy
Want to have your highlights saved across all your devices? Sign up or sign in
