Popular Bible Verses from Maku 8

Share

E'i jẽ Jesu ijupe kõ: – Ãmẽ ava mõ ojireko katu ipe mãnõa wyi remẽ, kãramõ omãnõ jẽtà ajamã'ẽ, e'i. Ajamã'ẽ ava mõ eayvu rupi nereityi 'ete mã'ẽ omãnõ remẽ, i'ãg nomãnõ'ãi. Ãmõ, eayvu e'eay noityi 'ete mã'ẽ omãnõ remẽ, i'ãg nomãnõ'ãi. Janejare'e omoigookatà awyje opyri toiko karuaru, e'i Jesu.

Kee e'i jẽ Jesu ijupe kõ: – Ava mõ oma'e kõ moatya rè ywesõ oja'a remẽ, noja'a'ãi Janejare'e rè ipi. Kãramõ omãnõ remẽ, noeraa'ãi oma'e kõ oupi. Agyvotè ootà jimomorijaua rena kyty.

Ãmẽ ajaire Jesu aty wasu kõ omuu mijẽ imo'e kõ. Wemimo'ekwerà kõ ve omuu. Kee e'i ijupe kõ: – Pepota awyje erupi peiko remẽ, eayvu rupi tapeiko ipi. Kee tapejẽ: “Jesu remimotarà ywesõ ikasiay wete eremimotarà wyi”, tapejẽ. Kee e'i sõ jane kõ pejẽ remẽ: “Nereityi Jesu remẽ, orojukatà”, e'i sõ pejẽ remẽ, kee tapejẽ ãmẽ ijupe kõ: “Ejuka jẽsi ajawyi pekupa”, tapejẽ. “Ajamã'ẽ naity'ãi Jesu ejuka pekupa remẽ”, tapejẽ, e'i Jesu ijupe kõ.

Manyvo noereko'ãi oẽa rã moepy ãmẽ, a'e pe wyi tojisyry, e'i. – Kãramõ ajo tarà mijẽ. Ãmẽ sõsi Janejare'e Remimuurerà ajimojane mã'ẽ rõmõ tè ajikuwatà ajo ky'y. Papa kasia renya pupe tẽ tesõ ajotà. Papa remĩgwai yvapewarà kõ revejẽ ajotà ky'y. [Ãmẽ sõsi poromoe'yiarà rõmõ tesõ ajotà ky'y.] Ajare kee a'e pejẽ. Mirà kõ mõ ike yvy pè nivoi mãe kõ rovake ojinõsĩ ewyi remẽ, nikatu'ãi ijupe kõ kãramõ ajo mijẽ remẽ. Ãmõ, eayvukwerà wyi ojinõsĩ kupa remẽ, nikatu'ãi ijupe kõ. Apijarerà kõ pè, “Ekoty rewarà kõ ãwĩ”, na'e'ãi, a'e pejẽ, e'i.

Ãmẽ Jesu e'i ijupe kõ: – Pejẽ pa'e? Ava pejẽ põ ãmẽ ije? e'i ijupe kõ. Ãmẽ Peturu e'i ijupe: – Ije ãmẽ, “Janejare'e Remimuurerà tè ene, Orerõvijã ywete rõmõ”, a'e ene! e'i.