Maku 8
8
Jesu omojimi'u 4.000 rõmõ tesõ jane kõ remẽwarà
(Mateusi 15.32-39)
1Ãmõ 'ary pè aty wasu kõ uu mijẽ Jesu pyri, [tekoe'ãma pè ekoi remẽ. Ajawyi opyta rã'ĩ a'e pè kupa.] Ajawyi emi'õvãpa tesi kupa ky'y. Ãmẽ Jesu e'i wemimo'ekwerà kõ pè:
2– Aporijauesa tesõ aty wasu kõ, e'i. Moapy 'arà rõmõ tesõ ekoi ereve iko kupa. Age'e naikoi 'ete emi'õ rã kõ ky'y! e'i. 3Nikasi age'e kupa ky'y. Ke'ĩrõwã pakatu ena kõ! Ajawyi napotai imojimi'u e'ã kõ ve amojivy kõ imono. Ikasi e'ã kõ tè ojivy oo kupa remẽ, nipikasi'ãi ãmẽ kupa. Novãe'ãi pee rupi okasi e'ã reve oo kupa remẽ, e'i.
4Ãmẽ emimo'ekwerà kõ e'i ijupe:
– Ajamã'ẽ ja'umã'ẽ pyya mõ naikoi ike rupi. Nuvei tena kõ. Mape kuwa põkõ aty wasu kõ pota jaesa emi'õ rã ajawyi? e'i tite kupa.
5Ajawyi Jesu e'i ijupe kõ:
– Mapejõ rõmõ põ pereko meju? e'i.
– 7 rõmõgà tè, e'i kupa.
6Ãmẽ Jesu e'i mijẽ aty wasu pè:
– Yvy pè peapy pekwa! e'i ijupe kõ.
Wapy ãmẽ okwa kupa. Ajaire Jesu opyy meju. Janejare'e pè oporegeta rã'ĩ imoete.
– Papa, nekatuay wete. Aã neme'ẽ oreupe toro'u. I'ete, e'i ijupe.
Ajaire openo peno meju ime'ẽ wemimo'ekwerà kõ pè tomosãi erokwa jane kõ pè to'u kupa. 7Pe'ĩpe'ĩ pira jimiirerà uve teve. Ajawyi a'e rè teve Jesu Uu pè oporegeta imoete mijẽ. A'e omono mijẽ wemimo'ekwerà kõ pè tomosãi kupa. Omosãi ãmẽ kupa, ijayvu rupi. A'e kejõgà ipe. 8Ajamã'ẽ oy katu tè aty wasu kõ pè. Ikasi katu kupa remẽ, opyta jẽ emi'õ kurerà kõ. A'e Jesu remimo'ekwerà kõ omoaty rykyry kõ pupe. 7 rõmõ tesõ omoãnẽ rykyry kõ kupa.
9Ãwĩvo Jesu ja'umã'ẽ omoypa 'ete aty wasu kõ rè. 4.000 rõmõ tesõ omojimi'u mãe kõ tè.
Ãmẽ a'evo paire, Jesu omoisyry aty wasu kõ imono ky'y.
10Ajaire Jesu yarà pupe opo oo, wemimo'ekwerà kõ reve. Taumanuta taa kyty oo kupa.
“Mãrãnà jikuwa e'ã emojisa orerovake”, e'i tite kupa remẽwarà
(Mateusi 12.38-42; 16.1-4; Rukasi 11.29-32)
11Ajaire Pariseu kõ mõ uu mijẽ Jesu kyty. A'e kõ opota Jesu rã'ã mijã. Opota manyvo jẽ Jesu wereko kupa. Kee e'i tite kupa rewarà mõ a'evo ekoi kupa: “Janejare'e Remimuurerà rõwã ipõ Jesu!” e'i tite oupe ikuwa e'ã kupa rewarà mõ. Ajawyi kee e'i Jesu pè kupa:
– Jesu! Mãrãnà jikuwa e'ã emojisaoka age'e toromã'ẽ ee, nekasia mojikuwaparà rõmõ! “Aje Janejare'e kasia rupi a'evo ekoi”, oro'età ãmẽ oromãjã nere, e'i rã'ãga Jesu pè kupa.#Ruk. 11.16
12Ajamã'ẽ Jesu ikane'õ tesõ aepo renu ky'y. Ajawyi mewe rõwã tesõ oji'ãgekyi javo ijupe kõ.
– Ãnĩ! Namojisaoka'ãi! Amojisaoka sõ remẽ, “aje” napejẽ jẽ'ãi eayvukasia pè! e'i. Aje ywete ekasia namojisaoka'ãi peupe! e'i.
13Aepo e'i paire ojisyry oo iwyi kõ wemimo'ekwerà kõ reve. Yarà rupi oo kupa. Pãranã ovae kyty ootà kupa.
“Tapejireko katu Pariseu kõ rekoa wyi”, e'i Jesu mã'ẽ
(Mateusi 16.5-12)
14Ãmẽ sikaepo Jesu remimo'ekwerà kõ noja'ai amãtejẽ wemi'õ rã rè. Meju rè. Pe'ĩgà kõrijõ tè uve yarà pupe. 15Ãmẽ ojipota iko kupa remẽ, Jesu kee e'i poromosã'ãgaa rupi javo ijupe kõ.
– Kee a'età pejẽ! e'i. Tapejireko katu ikõ Pariseu kõ remi'õ moje'a je'a vo mã'ẽ wyi nẽ!#8.15 Fermento Ãmõ, kovenatu Eroti remi'õ moje'a je'a vo mã'ẽ wyi tapejireko katu teve!#8.15 Kee jaa tè aepo Jesu e'i mã'ẽ. Ipojy tè Pariseu kõ rekoa. Ivo katuay rã'ãga kupa ipi. Ajawyi “‘Eruparà kõ rõmõ taiko’, tapejẽ ywe'e tite e'ã ijupe kõ”, jaa tè Jesu e'i mã'ẽ. Ruk. 12.1 e'i poromosã'ãgaa rupi.
16Aepo e'i Jesu ijupe kõ paire, oporegeta ojiupe kupa.
– Manyvo jaa põ aepo e'i mã'ẽ? Meju wyi janerearai rewarà mõ sipõ aepo e'i? e'i tite ojiupe kupa.
17Ajamã'ẽ Jesu okuwapa sikaepo aepo e'i ojiupe kupa remẽ. Ajawyi kee e'i ijupe kõ:
– Aepo pejẽ sõ! Napetekokuwaive sipõ eayvukasia rè peiko? “Aje” pejẽ kuwasi eayvukasia pè mijã! 18-19Penea ipe. Ajamã'ẽ napemã'ẽi eayvukasia rè! Peapyakwa ipe teve! Ajamã'ẽ napeenui eayvu!#Jer. 5.21; Mak. 4.12 Napeja'ai wete si aty wasu kõ aapoi maekwerà rè? 5 rõmõgà teipe itõkõ meju mijã. A'e ve itõkõ oyte aty wasu kõ o'u. 5.000 rõmõ tesõ itõkõ kwaima'e kõ aapoi! Ajaire itõkõ ikurerà pemoaty. Mapejõ rykyry rõmõ põkõ pemoaty? e'i Jesu ijupe kõ.
– 12 rõmõ, e'i kupa.
20Ajawyi Jesu e'i jẽ ijupe kõ:
– Ajaire ãmõ 'ary pè itõkõ 7 rõmõ meju mã'ẽ amoypa mijẽ! 4.000 rõmõ tesõ itõkõ kwaima'ekwerà kõ aapoi! Mapejõ rykyry rõmõ põkõ pemoaty meju kurerà ãmẽ? e'i Jesu.
– 7 rõmõ! e'i kupa.
21– Ajawyi sitõ a'e! Napeja'ai si aekwerà rè! a'e pejẽ. Napetekokuwaive tè sipõ! e'i ijupe kõ.
Jesu omokatu naeapyoi mã'ẽ remẽwarà
22Ãmõ 'ary pè Jesu naeapyoi mã'ẽ rè omã'ẽ, Petesaita taa pè ovãe kupa remẽ, wemimo'ekwerà kõ reve. Jane kõ mõ weru ijupe. Kee e'i ijupe kupa:
– Epyy imokatu taeapyo ky'y! e'i kupa.
23Ãmẽ Jesu opopyy eraa tena kupe kyty. A'e pè omokatu. Kee wereko imokatu. Otõmõ rã'ĩ opo pupe. Wenykwerà ea rè ojowy. Opo oinõ ajaire ijapyte 'aryvo. Ãmẽ e'i ijupe:
– Moma'e rè põkõ nemã'ẽ? e'i ijupe.
24– Jane kõ rè amã'ẽ, e'i. Namã'ẽ ywe'eive ee kõ ajamã'ẽ! e'i. Yvyra wata mã'ẽ vo sõ tite jane kõ rè amã'ẽ remẽ, e'i.
25Ãmẽ Jesu ojipy mijẽ ea rè. Ãmẽ sõsi eapyo katuay ky'y. E'i ãmẽ Jesu pè:
– Haa! Age'e si ereapyo katuay ky'y! e'i.
26Ãmẽ “hoõ” e'i ãmẽ Jesu ijupe.
– Oterẽ jẽ ejivy eo neretã gyty ajawyi! e'i. Terejivy e'ã rã'ĩ neo taa kyty, e'i.
“Janejare'e Remimuurerà tè ene”, e'i Peturu Jesu pè remẽwarà
(Mateusi 16.13-20; Rukasi 9.18-21)
27Ãmẽ ajaire Jesu oo wemimo'ekwerà kõ reve tena miti kõ mõ gyty. Sesapiripu tena pyriwarà kõ gyty oo. [Yy Jotão ovae kyty a'e tui.] Ãmẽ pee rupi oo iko kupa remẽ, kee e'i Jesu ijupe kõ:
– Ava e'i põ jane kõ ije? e'i.
28Ãmẽ e'i emimo'ekwerà kõ ijupe:
– Kee e'i kupa. Ãmõ kõ kee e'i neupewarà mõ: “Juwão poromojãmorĩ maekwerà tè rõwã põkõ opoera mijẽ?” e'i kupa. Ãmõ kõ, “Ãnĩ maevo, tãmõ Eriasi tè rõwã põkõ owyjy mijẽ uu?” e'i teve kupa. Ãmõ kõ, “Janejare'e ayvu mojenuarà amyry karamoewarà tè rõwã põkõ opoera mijẽ uu?” e'i teve neupewarà mõ kupa, e'i Jesu pè kupa.#Mak. 6.14-15; Ruk. 9.7-8
29Ãmẽ Jesu e'i ijupe kõ:
– Pejẽ pa'e? Ava pejẽ põ ãmẽ ije? e'i ijupe kõ.
Ãmẽ Peturu e'i ijupe:
– Ije ãmẽ, “Janejare'e Remimuurerà tè ene, Orerõvijã ywete rõmõ”, a'e ene! e'i.#Juw. 6.68-69
30Ãmẽ Jesu oryvay aepo renu.
– I'ete aepo ere ije, e'i. Ajamã'ẽ aepo tapemome'u e'ã rã'ĩ ãmõ kõ pè erokwa, e'i Jesu.
“Ejukatà kupa”, e'i Jesu mã'ẽ
(Mateusi 16.21-28; Rukasi 9.22-27)
31Ãmẽ ajaire Jesu omome'u ypy amãtejẽ wenonewarà rã wemimo'ekwerà kõ pè. Kee e'i ijupe kõ:
– Ije, Janejare'e Remimuurerà ajimojane mã'ẽ rõmõ, ajo. Ajawyi ajimomorijau 'atà tè penovake. Jõvijãgwerà kõ noenuta'ãi eayvu. Janejare'e pè oporegeta mãe kõ rõvijã kõ ve noenuta'ãi. Tãmõ Moisesi remikusiwarerà rè poromo'e mãe kõ teve noenuta'ãi. A'e kõ ojikõ'õ aità ere. Ejukaokatà teve kupa. Ajamã'ẽ moapy 'arà remẽ apoera tarà mijẽ. A'evoa rõmõ teãmã ajo, e'i Jesu wemimo'ekwerà kõ pè.
32A'evo omome'u ypy amãtejẽ ijupe kõ tokuwa katu kupa. Aje Jesu aepo e'i. Ajamã'ẽ Peturu “aje” ne'i aepo jaa renu. Weraa rã'ĩ Jesu ovae kyty, kee javo ipe:
– Aepo ere sõ, jõvijã! e'i tite.
33Ãmẽ Jesu ojirova omã'ẽ wemimo'ekwerà kõ rè. Oporegeta kasi Peturu pè, kee javo:
– Manyvore paepo ere sõ ije! e'i. Ãjãgai rõvijã Satanasi tè aepo nemo'eoka ywe'e tite upa! e'i. Janejare'e ayvu rupi rõwã nejipy'amogeta aepo ere remẽ! Jane kõ ayvu rupi tè nejipy'amogeta tite neiko ãmẽ! e'i ijupe.
34Ãmẽ ajaire Jesu aty wasu kõ omuu mijẽ imo'e kõ. Wemimo'ekwerà kõ ve omuu. Kee e'i ijupe kõ:
– Pepota awyje erupi peiko remẽ, eayvu rupi tapeiko ipi. Kee tapejẽ: “Jesu remimotarà ywesõ ikasiay wete eremimotarà wyi”, tapejẽ. Kee e'i sõ jane kõ pejẽ remẽ: “Nereityi Jesu remẽ, orojukatà”, e'i sõ pejẽ remẽ, kee tapejẽ ãmẽ ijupe kõ: “Ejuka jẽsi ajawyi pekupa”, tapejẽ. “Ajamã'ẽ naity'ãi Jesu ejuka pekupa remẽ”, tapejẽ, e'i Jesu ijupe kõ.#Mat. 10.38; Ruk. 14.27
35E'i jẽ Jesu ijupe kõ:
– Ãmẽ ava mõ ojireko katu ipe mãnõa wyi remẽ, kãramõ omãnõ jẽtà ajamã'ẽ, e'i. Ajamã'ẽ ava mõ eayvu rupi nereityi 'ete mã'ẽ omãnõ remẽ, i'ãg nomãnõ'ãi. Ãmõ, eayvu e'eay noityi 'ete mã'ẽ omãnõ remẽ, i'ãg nomãnõ'ãi. Janejare'e omoigookatà awyje opyri toiko karuaru, e'i Jesu.#Mat. 10.39; Ruk. 17.33; Juw. 12.25
36Kee e'i jẽ Jesu ijupe kõ:
– Ava mõ oma'e kõ moatya rè ywesõ oja'a remẽ, noja'a'ãi Janejare'e rè ipi. Kãramõ omãnõ remẽ, noeraa'ãi oma'e kõ oupi. Agyvotè ootà jimomorijaua rena kyty. 37Manyvo noereko'ãi oẽa rã moepy ãmẽ, a'e pe wyi tojisyry, e'i.
38– Kãramõ ajo tarà mijẽ. Ãmẽ sõsi Janejare'e Remimuurerà ajimojane mã'ẽ rõmõ tè ajikuwatà ajo ky'y. Papa kasia renya pupe tẽ tesõ ajotà. Papa remĩgwai yvapewarà kõ revejẽ ajotà ky'y. [Ãmẽ sõsi poromoe'yiarà rõmõ tesõ ajotà ky'y.] Ajare kee a'e pejẽ. Mirà kõ mõ ike yvy pè nivoi mãe kõ rovake ojinõsĩ ewyi remẽ, nikatu'ãi ijupe kõ kãramõ ajo mijẽ remẽ. Ãmõ, eayvukwerà wyi ojinõsĩ kupa remẽ, nikatu'ãi ijupe kõ. Apijarerà kõ pè, “Ekoty rewarà kõ ãwĩ”, na'e'ãi, a'e pejẽ, e'i.
Currently Selected:
Maku 8: oymNT
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
