Popular Bible Verses from Maku 9

Share

Ãmẽ Jesu e'i ijupe: – Manyvore põ, “Nekuwa remẽ”, ere sõ ije! e'i. “Aje” ere jẽsi Janejare'e kasia pè. Janerako'i ee remẽ, nuvei iwasu mã'ẽ ijupe! e'i Jesu ijupe.

Ameve tuu e'i Jesu pè: – “Aje” a'e. Ajamã'ẽ epãtavõ rejupa, age'e ywesõ “aje ywete” ta'e ãmẽ! e'i.

[Ajaire Jesu ojisyry oo ky'y, wemimo'ekwerà kõ reve.] Ãmõ tetã wyry pè oike kupa. Ãmẽ Jesu rõmõ'ĩte ekoi remẽ, emimo'ekwerà kõ uu javo ijupe. – Manyvore põkõ noromoẽokai sire'e sõ ãjãg ja'yry pe wyi imoisyry? e'i kupa. Ajawyi Jesu e'i ijupe kõ: – “Aje ywete” pejẽ Janejare'e kasia pè remẽ tè kuwa pemoisyry kuwa ãwĩ rapijarà iwyi! [Ãmõ, napejimi'ui rã'ĩ peporegeta ijupe remẽ teve kuwa,] e'i ijupe kõ.

Kee a'e teve pejẽ. Ãwitõ sautu eekatu ja'umã'ẽ pupe jainõ ipi remẽ. Ãwĩvo ve jane kõ pè ikatuay wete tijaiko ipi. Ajamã'ẽ sautu nomoeei sõ janeremi'õ ky'y remẽ, manyvoa rã rõmõ rõwã kuwa sautu ãmẽ. Ãwĩvotà pejẽ, peayvu yvu peiko remẽ, nowari peiko remẽ. Ajawyi sautu vo 'ejẽ tapeiko, a'e pejẽ, e'i Jesu ijupe kõ.

– Erauvay pekupa remẽ, ja'yry kõ ve peauvaytà. Penory katutà ee kõ pemãjã. Ja'yry rauparà kõ pè “erauparà kõ” a'e ipi, e'i ijupe kõ. Ava mõ erau remẽ, a'e Emuuarerà wau tary ve, e'i ijupe kõ.

Kee jaa rè tapeja'a teve. Ma'e remẽ ava mõ kee e'ità peupewarà mõ: “Kiristu remiauvay tè ãwĩ. Ajawyi i'ywa remẽ, yy ame'ẽtà ijupe to'u”, e'ità. Ome'ẽ peupe remẽ, eupe omẽ'ẽ maevo sõ tite. Ajawyi oryvaytà Papa ee epyme'ẽ. Aje ywete aepo a'e pejẽ, e'i Jesu wemimo'ekwerà kõ pè.

E'i jẽ Jesu ijupe kõ: – Ja'yry kõ erauvay ipi. Ajawyi akãte'ã ee kõ ipi. Ava mõ sõ omojaiwe kõ eraa weko ai rupi remẽ, ojimomorijau 'atà tè Janejare'e po pè. Ikatu sa'u kuwa na'evoive remẽ ojimomarama amãtejẽ ovote omãnõ, e'i. Ikatu sa'u kuwa a'evo mã'ẽ takuru mitirõwã mã'ẽ wãpasĩ amãtejẽ okuruka rè ero'a pãranã pupe, ja'yry kõ nomojaiweive remeve, e'i.

Ãwĩvo ve ma'e remẽ penea pupe nivoi peikotà. A'evo sõ peiko remẽ, ikatu sa'u kuwa pejeakwaro amãtejẽ remẽ, Janejare'e rekoa tapejavy ywe'e tite e'ã. Ãmẽ tè peo jẽtà kupa penea wajõ tè Janejare'e rena pè peiko karuaru. Napeo'ãi kuwa penea jeovai revejẽ jimomorijau wasua rena kyty. Ayay kõ'ẽ kõ'ẽtà a'e kyty oo mãe kõ pè. A'evo ve tata poroapy karuaru. Ãmõ, a'evo ve pisu porosu'u karuaru, e'i Jesu.