Popular Bible Verses from JOHAN 15

Share

“Ngi ahata spiqraü chong. Namshiq ka i kü i ko thun. Juwa i dü na chamshat maq sitlaq, kriiti raq atsi ango, pahea mitsi ngo. Ngi ahü miika, namshiq raq jamlai phan jaqsham min lot man.

Namshiq ka i dü na chamshat miili siwan lili ronglaq. Kiimaq ngi riimin namshiq ka, i dü na tiichamshat miili mitiisi kang. Akü ako riika, achong na chamshat riihü miika, apaiq asiilii miika tsingo lot mak. Akü ka spiqraü chong na chamshat maq siwan lili raü jiitiq, atsi ango ka midong man wanlot. Ikiikhiisii hali, namshiq kiimin i dü na chamshat maq siman riihan jiila, tsingo wanlot man mirhan.”

Shatmaq, namshiq ka i dü na chamshat maq siwan lili riihan jiila, kiimaq i bomtsi ka namtsan mong na cham wan raü la, namshiq raq i We jaq wa jamlai phan wa mijaü han, kriika namshiq ma mikuq.

Namshiq raq i puk na nyap wan miitu, ngi ka ritwan man dea. Shatmaq, ngi raq namshiq ka tsea tsiiq wan kang. Lata, namshiq ka shong wan kang. Arka namshiq rilung jaqsham na, pattup thenkimak chang phan, atsi ango pahea mitsi ngo laq nguta, ngi raq namshiq ka shong wan kang. Krai mren, i mang na namshiq raq ajaü jaü kra, i We raq namshiq ma mikuq.

Maiq weshi raq, akongtibi ma lungwii raüta, apaiq miisaq kuqtlaq, kriithaq na lungwii tsii ajong ka ahü she.

Apaiq raq i tsung na, atsi ahühüti i kü i ko thun kriika, angei riibaiqtlo. Kiimaq, atsi asisiti i kü i ko thun kriika, aheawiq maq tiisii chhintsii wantlo. Raüta, atsi ango ka apapa she tiitsi ngo wan miitu, ashun thun kriika, aton riibaiqtlo.

Riita ngi raq namshiq ma aming kuq tiikang bomtsi ka ara: Ngi raq namshiq jamkho lungwii tiikang, kiikhiisii, namshiq liipan niimin, riilung riiwii si ronglaq.

Namshiq ka apapa tsingo wan lili riihan jiitiq, i We khushü ka mijong wan. Krai mren, namshiq ka, awongsii i jaqshisetiim miishe mija wan han.

“Ngi ahata chiisan spiqraü chong. Kiimaq i We kata spiqro chhintsiiti we.

Juwa i dü na chamshat maq simak, kriiti ka, spiqraü chong wa akü ako ka adaq riibaiq tlaq, ikha, adaq mirbaiq. Raüta, ashin mirki. Kiimaq kriithun ka, adam na riichom phong raüta, wacha mong niishe michaq baiq.

“Ngi raq namshiq ma ara bomtsi chongkuq tiipha arka, ngi ka jamkho chochi tiikang, kiikhiisii, namshiq tsan mong niimin, chochi raq aliim ale she mima wan laq nguta chong kuq tiikang.

Ngi ka i We wokhong na, apaiq aming lang lata sitiikang. Krai mren, apaiq mangchan wokhong na sitiikang. Ikiikhiisii hali, namshiq min ngi aming kra lang lanta, i mangchan wokhong na sihanla, namshiq ka i wokhong na misi han.”

Riita ija, ngi raq namshiq ma akhek aming ashi kuq tiikang arka ara: Namshiq liipan na riilung riiwii si ronglaq.

Namshiq ka phiijawa rii sitlan ngu raü ka, tsangshiq raq namshiq ka tsangshiq kongtisii nguta milungwii. Shatmaq, namshiq ka mangjong hiq wa, ngi rii she nguta, ngi raq tsea tsiiq wan kang. Namshiq ka mangjong hiq rii riimak she. Arkha miitiina, ümchaü mangjong maiqse raq namshiq ngeng tlaq.