Popular Bible Verses from JOHAN 16

Share

Ngi raq namshiq ma ara bomtsi chongkuq tiipha arka, namshiq ka ngi rai pumshi hanshi maq silanta, hansang maq misi laq nguta ngo maq chongkuq tiikang. Mangjong maiqse raq namshiq ka mitiichamchao wan. Shatmaq, srea nola ma ja ronglaq! Ngi raq mangjong hiq ka tang kang she!”

Shatmaq, ümtiikiishe wa, Asii Wenyi ka saüki jiiq, kra akhing niishetiq apaiq raq, namshiq ma Shiikeawe tingting rilung bomtsi thun kra mitiichhi kuq wan. Apaiq riishetiq namshiq ma teng man tlaq bomtsi thun liichum kra arang chong maq thu raütiishe mitru chongkuq wan. Apaiq riika, apaiq tsiitsii maq chong kuq mak. Apaiq raq jamlai wa ani maq tai tlaq, kriili namshiq ma michong kuq. Kiimaq, rawiichii akhing na jamlai phan saüho chang wa sitlaq, kriithun bomchong kra namshiq ma michongkuq.

Ümchaü niitaq, namshiq raq i mang na jamlai phan min jaü man shaqli. Jaürong laq, namshiq raq milap han. Krai mren, namshiq chochi kiimin, alüm alei she mima wan.

Shatmaq, ngi raq ara bomtsi chongtiikang arka tengteng: Ngi arwa wawan tiikang arka, namshiq ma ahea tingkhu wawan tiikang. Ara jamkhano chongtiikang ngukla, ngi ka wawan mang ngu raü jiika, Khrumketi we ka namshiq phana saüki mak miraq. Shatmaq, ngi wawan ha jiika, ngi raq apaiq ka namshiq phaniishe mitiikiha. Kiimaq, apaiq she saüki raüla, apaiq raq mangjong maiqse ka ngarai maiqsetiim dea, kiimaq tsangshiq raq kechu rilung lamphan ka sap mak dea, kiimaq tsangshiq raq Shiikeawe tri kappe kiimin sap mak dea, ashut dea sitlo ngutiishe, tsangshiq tiishut wan hakhi she mikuq.

Ara chongtiikang akha, namshiq miimin akhing she saü wato. Namshiq ma ümchaü ka tsanbi hosi akhing saüwato. Shatmaq, ngi ka namshiq rai mirhum nong kang. Kiimaq, namshiq ka khoqriiq shishiiq miili she misi wan han. Kra namshiq tsan mong wa chochi tsii kriika, jurmin khot-ho lot mak she miraq. “Ümtiikiiwa kra akhing she saü wan jiiq, namshiq raq i jaq wa jamlai min jaü wan man she mirhan. Ara chongtiikang arka tengteng: Awe jaq wa namshiq raq, i mang na jamlai phan wa mijaü han, kriika mikuq.

Ngi raq namshiq ma chongtiikang arka tengteng: Namshiq ka maaho maanyi she mirhan. Shatmaq, mangjong maiqse ka chojong chise miraq. Namshiq ka tsanbi taqtaq mirhan. Shatmaq, namshiq tsanbi hosi ka chojong chise na mitiiwiiq wan.