Popular Bible Verses from San Mateo 27

Share

Iwá̱n íkua̱ꞌya Jesús tzajtziꞌ iga inochi itájpal, kijtoj: —Elí, Elí, ¿lama sabactani? —yej kijto̱jneki: TinoDio̱s, tinoDio̱s, ¿te iga tine̱kájteja?

Íkua̱ꞌya tzótzol yej iga tajkotzaktoya weyitio̱pan, tajkotzaya̱niꞌ, pe̱waꞌ ajko iwá̱n tzaya̱ntiwa̱laj este tani. Mojo̱li̱n ta̱jli iwá̱n este xa̱xama̱niꞌ temej. Iwá̱n a̱nimajxapomej tajtapowikej; iwá̱n miaꞌ yej miktokej, yej kicre̱dojkej Dios, ojojpa‑isakej.

Jesús sej tzájtziꞌpa iga tajtoj, iwá̱n míguiꞌya.

Ije̱fej solda̱dojmej iwá̱n yej íwa̱n kicuida̱rojtoyaj Jesús, kua̱ꞌ kitakej mo̱li̱n ta̱jli iwá̱n nochi yej mochij, poxsan majmawikej iwá̱n kijtojkej: —Mataj melá̱ꞌ iní̱n ta̱gaꞌ iPiltzi̱n Dios.

Kua̱ꞌ asiꞌ tajkodía, no̱ya̱n ipan ta̱jli tako̱mitiáꞌ, ijkó̱n tako̱mititoya este las tres tio̱takpan.

Pilato kitajtan la gente: —¿Te̱ ankinekij manikchi̱wili Jesús yej kito̱ka̱wiáj el Cristo? Inochimej kijtojkej: —¡Xikmikti ipan cruz! Pilato kijtoj: —¿Ix te̱ kichij yej aye̱kti? Eꞌ ma̱jya tzajtzikej iga kijtojkej: —¡Xikmikti ipan cruz!