Popular Bible Verses from San Mateo 27

Share

Ra mii hora kan ndiee ka vi nindaꞌyu Jesús kachi ra saa: ―Elí, Elí, ¿lama sabactani? ―kachi ra. Ra suꞌva ke kachi tuꞌun yoꞌo: “Tata yu Ndioxi, Tata yu Ndioxi, ¿nichuun ndakoo ndaꞌa kun yuꞌu?”, ^kachi ña.

Ra tikoto yii ña ndasi nuu yii ini veꞌe ñuꞌu kaꞌnu kan, ra iin nindata sava ña, kiꞌin ña yuꞌu ña chi ni̱nù ra iin saa ndia chi ni̱nu̱, ña saña taꞌan ña, ra nduu ña uvi ñaꞌñu va. Saa ra ndiee ni nditaan, ra ninduva kava naꞌnu; ra ndanuña kuaꞌa ni yavi nuu ñuꞌu na ndii, ra kuaꞌa ni na yii, na xindikun Ndioxi, ndatiaku.

Saa ra ndiee ka vi nindaꞌyu tuku Jesús, ndia saa ra kuaꞌan va tachi ra ña ndixiꞌi ra.

Ra ra soldado ra kuchee kan xiꞌin ndia itaꞌan xiꞌin ra, ña ndiaa ndia Jesús, ra te xini ndia ña ndiee ni nditaan, ra xini tu ndia takundiꞌi ña kuu kan va, saa ra tiaa ni ndiyuꞌvi ndia, ra ndikaꞌan ndia kachi ndia saa: ―Ña ndixa ke seꞌe Ndioxi kuvi ndixa va ra yoꞌo ―kachi ndia.

Ra kuꞌva ka uxi uvi kaꞌñu ke, xaꞌa kuñaa nuu iinii saa ña yuuvi yoꞌo, ra iin saa ndia ka uni xikuaa.

Ra saa ndikaꞌan ra Pilato xiꞌin na kachi ra saa: ―¿Ra ni ke sa yu xiꞌin Jesús, ra kaꞌan ndo xaa sakaku ndoꞌo tu? ―kachi ra xiꞌin na. Ra saa iin siso siso ndakuiin na kachi na saa: ―¡Na kutakaa ra ndaꞌa cruz! ―kachi na. Ra saa ndikaꞌan tuku ra gobernador kan xiꞌin na kachi ra saa: ―¿Ndia ña kuu kuachi xa ra tuvi ndo? ―kachi ra xiꞌin na. Ndi su yuvi kan ra na ndiee ka ndaꞌyu va kuvi na, kachi na saa: ―Na kutakaa ra ndaꞌa cruz ―kachi tuku va na.