Popular Bible Verses from LUKE 1

Share

Pathian thupawt himhim thil hitheilou a omkei hi” a chi hi.

Mari in, “Ngai in, Toupa sikhanu ka hi, na thu bangzel in ka tung ah tung hen” a chi hi. Huan angel in a paisanta hi.

Huan angel in a dawng a, a kiang ah, “Kha Siangthou na tung ah a hongtung ding a, Tungnungpen thilhihtheihna in a hon liahkhum ding, huaiziak in misiangthou hong piangding leng, siangthou Pathian Tapa, chih in a om ding a chi hi.

A gingtanu leng a hampha hi, a kiang a Toupa thugen tangtung ding a hih ziak in” a chi hi.

Ngai in, na gai dia, tapa na nei dia, a min Jesu na sa ding hi. Amah mi lian a honghi ding a, Tungnungpen Tapa a chi ding uh. Toupa Pathian in a pu David mangtutphah a pedia, Jakob suante tung ah tangtawn in a vai a hawm dia, a gam in bei ni a neikei ding hi” a chi hi.

Angel in a kiang ah, “Mari, lau ken; Pathian apan deihsakna na tang hi.