Popular Bible Verses from ROM 2

Share

Hatuka o miring hia ang om atho ngai tak nangin hangai rui na ril tik le, hanuk reta nang um hantin na tho le hatik han nangin nei masat ha Pathian ruiril ata zok thei in mo? Hanle a phung ei thum, ei diar, aphuk a sot neinun ha nei elsel mo? Pathian phung thum han malung thulna tiang ei na ruai, hava ha remak che mo?

Hasik han, o miring nangin rui nei ril ha, neini ni ni ro ansangna lampui don mak che, asik chu hong ruia mo nangin mi tei rui nei ril? Hava ruia naninga asiat anlo keng na ni asik chu na rui ril tak ha nangin hava anga om nei tho.

Asik chu Pathian kom maienala om mak.

Asik chu Dan ariat ngai hi amani hi Pathian kom adik tina ni mak, tenchu Dan azi ngai ha amani hake adika antel.

Aman mi tin ha asin tho anga han mara pe inti.

Tenchu aneng hatuka atak tak tel lui le anzik luina a zot ngai ha amani chunga taksit malung alum antak le lunghangna tong inti.

Tenchu nei ankhir le anthul thei lui malung anga nangin na rang achan taksit nei man ting hava taksit le Pathian ruiril anzik nikhua hong anlang inti.