Popular Bible Verses from ROM 3

Share

Asik chu mi doran asia atho sua zei hatuka Pathian anpak om lai mak. Amanin man abuia a lungkhama Krista Isua mazok na lehan dika nei antel.

Pathian pek dikna ha Isua Krista iama, a iam ngai doran, amani ngai dora chunga achuk. Asik chu ei tei na ngal om mak.

Amani ngai ei iam u na lehan a om asial u ngai ei andual theina ranga Pathianin ama thisen ha lenna dali anga ei hong dar ama dikna ei anlangna ranga ei mansuk. Man lai han aphuk ei anchualna le ei siat u ngai riat lui anga ei om. Atun ahun taka ama dikna a manlang aman ei dik theina ranga hatuka Isuana a iam tak chu amam dika antel.

Hantin han Dan sin atho le nukanei dora, ama makunga adika antel thei no ni. Asik chu Dana hanke asia riatna ei anpiang.

Hava ha hintin lekhabuna anziak a om: “Adik tute om mak angkhat ngal om mak, Ariat tute om mak Pathian anrok tute om mak. Alom u na iam dik lui apan zita amani ha alom u na amang salui ei ni u sin asa tho tute om mak angkhat ngal om mak.

Asik chu koinin nei masat hiva hi Dan sin noka iamna le miring dikna na ei antel.

Hava chu ma ro! Hanek ten Pathian ha atak atia anpom rase miring reng hi milak ei ni ha ni rase. Hintin hin, anziak a om, “Nang na chongin adik na manchang thei hatuka na ruiril tika nei ratna rang.”