Popular Bible Verses from HEBRAITE 11

Share

Huleh ginna chu sil kinepnate heetchetna, sil muhlouhte um ngei a heetna ahi. Ajiahchu hi thu ah upate’n paahtaat a loh uhi.

Hizongleh ginna louin chu amah kipaahsah gual ahi sih hi; ajiahchu Pathian kawma hung inchu amah a um chih leh, amah guntuhtah a hawltute kawma kipaahman petu ahi chih a gintaat diing ahi.

Ginna jalin khovelte chu Pathian thu a suhtuah khawm ahi chih i he a, huchi'n sil kimute zong sil kilangte a siam ahi sih hi.

Ginna in Abraham chu, a nung chianga gou a hung tan diing mun a chiah diing a kouh a, a um laiin a thumang a; huleh a chiahna lam diing zong he lou in a chiahdoh hi. Ginna in gam chiamah mi gam a taam bangin ana taam zing a, thuchiam kibang a a gouluahpih diingte Isaak leh Jakob toh puaninn a teeng khawmin

Ginna in Noah chu sil muh nailouhte thu Pathian hilh a na um in, a lau a, a innkuanpihte hutdamna diingin kuang a bawl a; hukhuin khovel siamlouh a tangsahta a, ginna jiaha um dihtatna gouluahtu ahung hita hi.

Ginna in Enok chu sihna mulou diingin laahmang in a um a; huleh Pathian in a laahmang jiahin muh in a umta sih; laahmang a, a um ma in Pathian a kipaahsah hi chih heetsahna a nei hi.

Ginna in Abel in Kaina sangin kithoihna hoihzaw Pathian kawmah a laan a, hukhu jiahin midihtat ahi chih heetsahna a loh a, Pathian in a silpiah thu ah a heetpih a; hukhu jiahin sita hinapi in thu a soi nalai hi.

Ginna in Sara in zong naupaai theihna a nei a; a chiamtu chu muanhuai a, a seh jiahin a teeh nungin ta a nei hi.

Ajiahchu ama’n innbul kiptah nei, Pathian sah leh bawl khopi chu a ngaah ahi.

Ginna in, Mosi in ahung pichin nungin, Pharaoh tanu tapa chiha um diing a ut sih a. Tomchakhat sung sual nopna mun sangin, Pathian mite toh bawl gentheihna thuaah a teel zota hi; Khrist kimuhsitna chu Aigupta gam goute sanga hauhsatna loupizaw a ngaiin; ajiahchu a kipaahman muh diing lam chu a en zing hi. Ginna in ama’n kumpipa lungthahna lau louin Aigupta gam a nusia a; muhtheih louhpa chu muhtheih banga sepin a thu ah mualsuaah hi.

Ginna in Abraham in, ze-et a, a um in, Isaak a laan a; thuchiamte tangpa’n a tapa neihsun a laan hi.

Ginna in nohchizuahnu Rahab zong ginglou mite toh a mangthaikhawm sih hi, ama’n enkhetute hamuangtah a ana zintun jiahin.

Ginna in amahun leigaw tunga pai bangin Tuipi san a kaan va; Aigupta mite’n hubangin bawl a tum va, tui ah a tumta uhi.

Ginna in Jeriko kulhbaang chu ni sagih a velh nungun a chimta hi.

Ginna jalin chiahkaan kuut leh sisan thehna a bawl hi, ta masa sulumtu in amahuh a khoihkhaah louhna diingin.

Ginna in Joseph in a sih diing kuanin Israel tate pawtkhiah diing thu a soi a; huleh a guhte tungtaang ah thu a pia hi.

Ginna in Jakob in a sih kuanin, Joseph tate geel a vangpiah a; a chiangphut dawn a kinga in Pathian a bia hi.

Ginna in Isaak in sil hung tung diingte thu ah Jakob leh Esau a vangpiah hi.