Popular Bible Verses from HEBRAITE 12

Share

Huchihjiahin eiuh zong heetpihtu meipi nasatah uum kiimvel a i um uh he in, ahung gihsah photmah leh, sual eimaha belh zing chu i koihkhe diing va, i ma a kitaidemna um ah kuhkaltahin i tai diing uh, I ginna siamtu leh subukimtu Jesu lam en in; ama’n chu a ma a um kipaahna jiahin zumnate zong poisa lou in, kros a gimna a thuaah a, Pathian laltouphah jiatlam ah a va touta hi.

Sawina chu a kithuah laiin kipaahhuai a bang sih a, hasiat a huai zaw hi; himahleh a nung chiangin chu huchia soihzoi a umte diingin dihtatna gah hamuan umtah a suah veu hi.

Mi zousiah toh kituaahna leh siangthouna delh un, hu siangthouna lou inchu kuama’n Lalpa a mu sih diing hi.

Bang jiahin ahiai i chih leh na lungsim va na tawl va na chauh louhna diingun, amah tunga misualte nialkalhna thuaahzoupa chu ngaihtuah un.

Huchi'n gam suhliing guallouh i tan jiahun, jahtah leh, Pathian laudan siam kawma pomtaahtaha Pathian nna i toh theihna diingun hehpihna i nei diing uhi

Sawina na thuaah uleh Pathian in a tate bawl a hung bawl ahi; bang jiahin ahiai i chih leh pa sawi louh ta kua a um ngei ei?

Ajiahchu i Pathian u’chu kaahtum haat mei ahi.

Bang jiahin ahiai i chih leh amahun ni tomtakhat diinga hoih a sah bang jel va ahung sawi uh ahi a, hizongleh ama’n chu eite phattuamna diing a, sianthouna i tan theihna diingin ahung sawi hi.

Sual dou in sisan pawt khopin na pang nai sih uhi.