HEBRAITE 12
12
Jesu ginna a etton diing pen
1Huchihjiahin eiuh zong heetpihtu meipi nasatah uum kiimvel a i um uh he in, ahung gihsah photmah leh, sual eimaha belh zing chu i koihkhe diing va, i ma a kitaidemna um ah kuhkaltahin i tai diing uh, 2I ginna siamtu leh subukimtu Jesu lam en in; ama’n chu a ma a um kipaahna jiahin zumnate zong poisa lou in, kros a gimna a thuaah a, Pathian laltouphah jiatlam ah a va touta hi. 3Bang jiahin ahiai i chih leh na lungsim va na tawl va na chauh louhna diingun, amah tunga misualte nialkalhna thuaahzoupa chu ngaihtuah un. 4Sual dou in sisan pawt khopin na pang nai sih uhi. 5Huleh hasotna thu, tate hilh banga na kawmva kisoi chu na mangngilhta uhi, Ka ta, Lalpa sawina ngaineep sinla, a taihilha na um in zong lungke sin; 6Ajiahchu Lalpa’n a lungsiatte a sawi a, huleh ta a deih photmah chu a jep veu hi. 7Sawina na thuaah uleh Pathian in a tate bawl a hung bawl ahi; bang jiahin ahiai i chih leh pa sawi louh ta kua a um ngei ei? 8Hizongleh ta zousiah tan ngei sawina na thuaah louh unchu, jauta na hi va, ta tah na hi sih uhi. 9Hubanah zong eihaw hung sawitu tahsa a pate i nei va, huleh amahuh chu i zahtaat uhi; hu sanga hagaute Pa thuthu a i um zawh sem va, i hin diing uh hilou ahiai mah? 10Bang jiahin ahiai i chih leh amahun ni tomtakhat diinga hoih a sah bang jel va ahung sawi uh ahi a, hizongleh ama’n chu eite phattuamna diing a, sianthouna i tan theihna diingin ahung sawi hi. 11Sawina chu a kithuah laiin kipaahhuai a bang sih a, hasiat a huai zaw hi; himahleh a nung chiangin chu huchia soihzoi a umte diingin dihtatna gah hamuan umtah a suah veu hi. 12Huchihjiahin khut kaikhete leh khup zoite chu phong tang un; 13Huleh na keengte uh diingin lampi tang siam un, huchilou inchu keengbaite lampi apat a peetmangkha diinguh; hizongleh hute chu sudam zaw un. 14Mi zousiah toh kituaahna leh siangthouna delh un, hu siangthouna lou inchu kuama’n Lalpa a mu sih diing hi. 15Pilvaangtahin en un, huchilou inchu mi khattou Pathian hehpihna ching zou lou na umkha diing va; khaatna zung bang aha hung selnou in, hukhu in mi tampite suhbuah in a umkha diing uhi. 16Khatvei neeh mana a ta upa hihna zuahpa Esau bang a kingaihhaat aha, Pathian jahlou mi aha a umkha diing hi. 17Bang jiahin ahiai i chih leh a nunglamin vangpiahna gou chu luah tum in mit hi luang pum in phatuamngaitahin hawl mahleh kisiihna mun a muh louh jiahin deih louh in a umta chih na he uhi, 18Ajiahchu nanguh chu taang khoihkhaah theih leh mei a kaang, vomna leh mialna leh huihpi nunna mun, 19Huleh pengkuul ging leh thusoi gingte umna a hung na hi sih uh; hu awging jate haw in chu a kawmva hu thu a kisoi kiit nawn louhna diingin a ngen uhi. 20(Bang jiahin ahiai i chih leh sa nasanin zong hu taang chu a suhkhaah leh suang a sehlup aha, ahih louh leh tei a sutlup diing ahi chih thupiah chu amahun a thuaahzouta sih uhi. 21Huleh hu a silmuh uchu a lauhuai mahmah a, Mosi’n, Ka lau naah mahmah a, ka kithing top hi, a chi hi). 22Hizongleh nang u’chu, Zion taang leh Pathian hing khopi, vaan Jerusalem, simseeng louh angel honpi leh, 23Khawmpi lian leh vaan a min kigialta piang masa kouhtuam kawm a leh, mi zousiah vaihawmtu Pathian kawm leh, midihtat suhbukim a umte hagau kawmah bang, 24Huleh thuhun thah palai Jesu kawm a leh, Abel a sanga sil hoihzaw soi sisan theh kawm a hung na hi zaw uhi. 25Thusoitu chu na deih louh khaah diing uh pilvaang un. Ajiahchu leitung a thusoitu a deih louh va bawn suaahtalou ahih uleh, vaan a kipana thu hung petu i kiheisan inchu i suaahta moh sem diing uhi; 26Hulaiin a aw in lei a suliing a; hizongleh tuin chu khatvei lei chauh hilou in, vaan zong ka suliing kiit diing, chi'n thu a chiamta hi. 27Huleh hi thu, khatvei ka suliing kiit diing chih in, sil kiliingloute a um zing theihna diingin, sil kiliingte chu silsiam bang a suanmangin a um diing chih a hesah hi. 28Huchi'n gam suhliing guallouh i tan jiahun, jahtah leh, Pathian laudan siam kawma pomtaahtaha Pathian nna i toh theihna diingun hehpihna i nei diing uhi; 29Ajiahchu i Pathian u’chu kaahtum haat mei ahi.
Currently Selected:
HEBRAITE 12: SIMTBSI
Highlight
Share
Compare
Copy
Want to have your highlights saved across all your devices? Sign up or sign in
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.