Popular Bible Verses from HEBRAITE 13

Share

Na umdan u’chu sumngaihnatna tellou hi heh; na sil neih tungvah lungkim un; ajiahchu ama’n, Bangma chihin ka hung nuse sih diing a, tai zong ka hung taisan sih diing hi, a chi hi.

Jesu Khrist chu jan ni toh, tuni toh, huleh kumtuang in a ngeimah ahi.

Huchi'n haangsantahin, Lalpa chu ahung panpihtu ahi a, ka lau sih diing hi, mihingin bang ahung loh diai? i chi ngam uhi.

Hizongleh sil hoih bawl leh silphal chu mangngilh sih un, ajiahchu huchibang kithoihnate ah Pathian a kipaah mahmah hi.

Hujiahin amah vangin paahtawina kithoihna chu Pathian kawmah tawplou in i laan diing uhi, huchu a mina i kipaahna phuandohna muuh gahte ahi.

Mi zousiah lahah kiteenna chu zahbawl in um henla, huleh lupna zong suhbuah louh in um heh; himahleh tohuuhte leh aangkawmte chu Pathian in vai a hawmsah diing hi.

Mikhualte hoihbawl diing mangngilh sih un; ajiahchu huchibang bawl in mi khenkhatte’n he loupi in angelte ana zintun uhi.

Tuin hamuanna Pathian, i Lalpa uh Jesu Khrist misi laha kipana kaithoupa, kumtuang thuhunna sisan jala Belaampu loupitah in, Jesu Khrist jala a mitmuh a, a deihzawng photmah bawl diingin sil hoih chinteng ah nanguh hung subukim hen; amah kawmah loupina kumtuang kumtuang in umta hen. Amen.