Popular Bible Verses from Luk 10

Share

Anai nê, Kâo hmâo pha brơi laih kơ ƀing gih tơlơi dưi kiăng kơ juă hĭ ala, aguăt, laih anŭn abih tơlơi dưi kơtang pô ayăt gah yŭ tơkai ƀing gih; ƀu hmâo sa tơlơi hơgĕt dưi ngă sat kơ ƀing gih ôh.

Khua Yang laĭ kơ gơ̆: “Ơ HʼMart, HʼMart, ih ƀlơ̆ng bơngơ̆t laih anŭn rŭng răng yua kơ lu bruă; samơ̆ kơnơ̆ng hmâo sa mơta bruă kiăng đôč. HʼMari hmâo ruah mă laih gah hiam anŭn, jing tơlơi arăng ƀu či dưi sua mă mơ̆ng ñu ôh.”

Ñu laĭ glaĭ: “Ih khŏm khăp kơ Khua Yang Ơi Adai ih hăng abih pran jua, hăng abih bơngăt, hăng abih tơlơi kơtang, laih anŭn hăng abih tơlơi pơmĭn laih anŭn khăp kơ pô jum dar ih kar hăng kơ ih pô.”

Yêsu laĭ kơ gơñu: “Lu biă mă pơdai tơsă, samơ̆ mơnuih hơpuă ƀiă đôč. Tui anŭn, rơkâo bĕ kơ Khua pô hmua pơkiaŏ nao ƀing mă bruă nao hơpuă pơdai Ñu.

Hlơi amăng klâo čô anŭn tui hăng ih pơmĭn jing pô jum dar kơ pô bưp hăng ƀing mơnuih klĕ dŏp anŭn?” Nai tơlơi juăt laĭ glaĭ: “Pô hmâo bơrơđah laih tơlơi pap drap kơ pô bưp ƀing klĕ dŏp yơh.” Yêsu laĭ kơ ñu: “Nao bĕ laih anŭn ngă kar hăng anŭn.”

Nao bĕ, anai nê Kâo pơkiaŏ nao ƀing gih kar hăng ană triu tŏng krah khul asâo tan.