Popular Bible Verses from Luk 9

Share

Laih anŭn Yêsu laĭ kơ abih bang gơñu: “Tơdah hlơi pô kiăng đuaĭ tui Kâo, brơi ñu khŏm hơngah hĭ ñu pô, rĭm hrơi glăm kơyâo bơrơkal ñu pô hăng đuaĭ tui Kâo.

Yua kơ hlơi kiăng pơklaih tơlơi hơdip ñu, ñu či rơngiă, samơ̆ hlơi pô rơngiă tơlơi hơdip ñu yua kơ Kâo ñu či hmâo glaĭ tơlơi hơdip ñu.

Yêsu laĭ kơ ñu: “Hlơi pô djă wăng čuar samơ̆ ăt dŏ lăng glaĭ pơ klon ƀu năng lăp kơ Dêh Čar Pơtao Ơi Adai ôh.”

Hơgĕt tơlơi tŭ yua kơ sa čô mơnuih tơdah ñu hmâo abih lŏn tơnah samơ̆ ñu pô răm rai laih anŭn rơngiă hĭ?

Yua kơ hlơi pô mlâo kơ Kâo laih anŭn kơ boh pơhiăp Kâo, Ană Mơnuih či mlâo kơ pô anŭn hlăk hrơi Ñu rai dơ̆ng amăng tơlơi guh kơang Ñu, tơlơi guh kơang ama Ñu, laih anŭn tơlơi guh kơang ƀing ling jang rơgoh hiam Ñu.

Yêsu laĭ glaĭ: “Pơja hmâo amăng, čĭm amăng adai hmâo hruh, samơ̆ Ană Mơnuih ƀu hmâo anih đăl akŏ ôh.”

laih anŭn laĭ kơ gơñu: “Hlơi pô jum čơđai anĕt anai yua kơ anăn Kâo kar hăng jum Kâo mơ̆n; laih anŭn hlơi pô jum Kâo kar hăng jum Pô hmâo pơkiaŏ rai Kâo laih. Yua kơ hlơi pô jing anĕt hloh kơ abih bang amăng ƀing gih, pô anŭn yơh jing prŏng hloh.”