Popular Bible Verses from Марк 5

Share

Дугъу дишагьлийиз кӀуру: – Йиз риш, уву яв хъугъвали сагъ гъапӀунву. Архаин духьну гъарах, ва сагъвалиъ хьидива.

Дураригъди сар дишагьлира гъяйи. ЙицӀикьюд йисандин арайиъ дугъан ифи хътабтӀурадайи. Фукьан хъюгънийишра, гьич сар духтрихьанра думу сагъ апӀуз гъабхьундайи. Дугъу чаз айи-адруб вари харж гъапӀнушра, дугъаз кюмек гъабхьундайи, хъа гьял айибтӀан пис гъабхьнийи.

Гьадму сяаьт дугъан ифи хътабтӀуру, ва дугъаз чан вари жан сагъ хьувал гьисс шулу.

Шуран хил дибисну, Дугъу дугъаз кӀуру: – Талифа, куми! (яна «Риш, увуз кӀураза, гъудужв!»)

Исайи му гафар кӀурамиди, мистан аьхюр вуйи Ягьирин хулʼан адмийир дуфну кӀуру: – Яв риш гъакӀну. Мялим инжик мапӀан! Хъа Исайи дурарин гафариз фикир тутрувди, мистан аьхюриз кӀуру: – ГучӀ мапӀан, анжагъ хъугъну гъуз!

Исайи: «УдубчӀв гьаму адмийиан, чиркин рюгь!» – гъапиган, диди гьаци гъапнийи. Хъа Исайи дугъхьан гьерхру: – Ччвур фуж вуяв? – Йиз ччвур кьушум вуйиз, гьаз гъапиш учу гизаф жинар вуча, – жаваб туву дугъу.