Popular Bible Verses from sēnt mātyo 28

Share

itohtēk isa māka, kiskinohamākok kahkiyaw kā tahtoskānēsicik ayisiyiniwak, ē pāptwāsiwiēkok o wiyowinihk ana wēyotāwihk, mina wēkosisihk, mina kā kanātisit ahcāhk; kita kiskinohamawāyēkok kita totahkik kahkiyaw anihi kā isi kakēskimitakok; cist māka, kakikē ki ka wicēwitināwāw, piyis kita poni askiwahk. āmēn.

cisas māka ki pē itohtēw ē ki ayamiat, omisi ē itwēt, kahkiyaw kaskihēwisiwin ni miyikawin kihci kisikohk mina ota askihk.

ana māka okisiko ki naskwēwasimēw omisi ē ki itat iskwēwak, ēkāwiya sēkisik; cikēmā ni kiskēyihtēn ē nanatonawāyēk cisas, kā ki cistaskwatiht. namawiya ota ayāw; cikēmā ki waniskāw, mwēhci kā ki itwēt. āstamitik, pē wāpahtamok ita kā tipēyihcikēt kā ki pimisihk.

ēkwa māka cisas omisi ki itēw, ēkāwiya sēkisik; natawi wihtamakok niciwāmak, kita itohtēcik kalalihk, ēkotē māka kē wāpamicik.

ispi māka kā māwaciitocik asici kā nikānēyitākosicik, mina kā oyasowēcik, mistahi soniyāwa ki miyēwak simākanisa, omisi ē itacik, itwēk, o kiskinohamawākana ki pē nipa itohtēyiwa, ē ki kimotiyit wiyaw mēkwāc ē nipayāhk. kispin māka oma pēhtahki oyasowēwikimāw, ni ka sakocimanan, ēkosi namawiya ki ka astāsināwāw. ki otinēwak māka soniyāwa, ē ki totahkik māka kā ki isi kiskinohamācik; oma māka itwēwin misiwē atocikatēw ita ē ayācik cowak piyis anohc kā kisikāk.