sēnt mātyo 28

1ē poni ayamihēkisikak, mēkwāc ē pētapahk anima nistam ē kisikāk ēwako ē ispayik, ki pē takosin mēri maktilin, mina kotak mēri, kita wāpahtahkik yikwahaskān. 2cist māka ki kihci kihkwan; cikēmā o kisikoma kā tipēyihcikēt kihci kisikohk ki pē ohci yasiyiwa, iskwatēmihk māka ē ki ohci asē tihtipinat asiniya, ēkosi māka ē ki tēhtapit. 3o tisinakosiwin māka tāpiskoc ē wastēpayik, mina ot ayowinisa tāpiskoc kona ki isi wapiskayiwa; 4kā ispici sēkisicik māka aniki otasawapiwak, ki nanamipayiwak, mina tāpiskoc ē nipicik ayisiyiniwak ki isinākosiwak. 5ana māka okisiko ki naskwēwasimēw omisi ē ki itat iskwēwak, ēkāwiya sēkisik; cikēmā ni kiskēyihtēn ē nanatonawāyēk cisas, kā ki cistaskwatiht. 6namawiya ota ayāw; cikēmā ki waniskāw, mwēhci kā ki itwēt. āstamitik, pē wāpahtamok ita kā tipēyihcikēt kā ki pimisihk. 7itohtēk māka kiyipa, wihtamakok o kiskinohamawākana sāsay nipowinihk ē ki ohci waniskāt; cist māka, ki nitawi pēikowāw kalalihk; ēkotē māka kē wāpamāyēk; cist, ki ki wihtamātināwāw. 8ēkosi māka kiyipa yikwahaskānihk ki ati ohci sipwētēwak, kostaciwinihk, mina kihci miyawatamowinihk, mina ē ki pimipatacik kita wihtamawacik o kiskinohamawākaniyiwa.

9mēkwāc māka ē ati itohtēcik kita wihtamawacik o kiskinohamawākaniyiwa, cist, cisas ki nakiskawēw, omisi ē itwēt, kit atamiskātināwāw. ki pē itohtēwak māka ē ki sakisitēnācik, ēkosi ē ki ocihcihkwanapistawācik. 10ēkwa māka cisas omisi ki itēw, ēkāwiya sēkisik; natawi wihtamakok niciwāmak, kita itohtēcik kalalihk, ēkotē māka kē wāpamicik.

11ispi māka kā ati sipwētēcik, cist, atit otasawapiwak ki takosinwak otēnāhk, ē ki wāpahtaācik māka kihci ayamihēwiyiniwa kahkiyaw kā ki ayikiniyik. 12ispi māka kā māwaciitocik asici kā nikānēyitākosicik, mina kā oyasowēcik, mistahi soniyāwa ki miyēwak simākanisa, 13omisi ē itacik, itwēk, o kiskinohamawākana ki pē nipa itohtēyiwa, ē ki kimotiyit wiyaw mēkwāc ē nipayāhk. 14kispin māka oma pēhtahki oyasowēwikimāw, ni ka sakocimanan, ēkosi namawiya ki ka astāsināwāw. 15ki otinēwak māka soniyāwa, ē ki totahkik māka kā ki isi kiskinohamācik; oma māka itwēwin misiwē atocikatēw ita ē ayācik cowak piyis anohc kā kisikāk.

16 # mātyo 26:32; mārk 14:28 ēkospi māka aniki mitātaht pēyakosap ki itohtēwak kalalihk, anitē wacihk anima cisas kā ki wihtamawat. 17ispi māka wayapamacik, ki ocihcihkwanapistawēwak; māka atit ki wawanēyitamwak. 18cisas māka ki pē itohtēw ē ki ayamiat, omisi ē itwēt, kahkiyaw kaskihēwisiwin ni miyikawin kihci kisikohk mina ota askihk. 19#isihcikēwiniwāwa 1:8itohtēk isa māka, kiskinohamākok kahkiyaw kā tahtoskānēsicik ayisiyiniwak, ē pāptwāsiwiēkok o wiyowinihk ana wēyotāwihk, mina wēkosisihk, mina kā kanātisit ahcāhk; 20kita kiskinohamawāyēkok kita totahkik kahkiyaw anihi kā isi kakēskimitakok; cist māka, kakikē ki ka wicēwitināwāw, piyis kita poni askiwahk. āmēn.

Currently Selected:

sēnt mātyo 28: KKMR

Highlight

Copy