sēnt mārk 1

1ē mācipayiyik o miwācimowin cisas Christ, okosisa kisēmanito. 2#mālakay 3:1mwēhci kā itasinahikēt āsāya okiskiwēhikēw,

cist ki nikānitisaamātin nit itwēiwēm ana kē nikāni kwayācitamāsk ki mēskanaw;

3 # aysāya 40:3 matwē tēpwēw pēyak pikwataskihk, wawēyitāwāhk o mēskanaw kā tipēyihcikēt, kwayaskwamotāwāhk o mēskanawa;

4cān ki pē itohtēw ē pāptaisiwikēt pikwataskihk mina ē kakēskimiwēt pāptaisiwikēwin kita ponēyicikātēki maci itiwina. 5ēkota māka ki pē ohci wayawiyiwa ē pē nātikot kahkiyaw cotiya askihk, mina kahkiyaw cērosalamihk kā ayācik; ki pāptaisiwiikwak māka cārtan sipihk, ē wāwitakik o macitiwiniwāwa. 6#2 kihci okimāwak 1:8cān māka ki wiyātam opiskwāwikanēwipisiskiw opiwaya, mina pakēkinowi pakwatēhon ki pakwatēho, mina ki mowēw kwāskotisisa mina pikwaci amo sisipāskwat. 7ki kakēskimiwēw māka, ē itwēt, pēyak pē takosin ē askowit awasimē ē kistēyitākosit ispi niya, o maskisinēyāpiya namawiya ni tēpakēyitākosin kita nawakiyān kita āpikonamwak. 8niya wiya nipi ki ki ohci pāptaisiwihitināwāw; māka wiya kā kanātisiyit ahcāhkwa ki ka ohci pāptaisiwiikowāw.

9ki ayikin māka ēkospi ē kakisikāk, cisas ki pē ototēw nāsarētihk kālali askihk, ēkosi ki pāptaisiwiik cāna cārtanihk. 10sēmāk māka nipihk ē pē ohci kapāt, ki wāpahtam kisikwa ē tawipayiki, ēkosi ahcāhkwa omimihk ē isinākosiyit ē pē yasitotākot; 11#cēnisis 22:2; nikamona 2:7; aysāya 42:1; mātyo 3:17; 12:18; mārk 9:7; lok 3:22kisikohk māka ki pē ohcipayiw itwēwin, kiya kā sākihitān nikosis nāspic kā nahiyawēiyan.

12sēmāk māka ahcāhkwa ki isiwiyik pakwataskihk. 13ēkotē māka ki ayāw pikwataskihk nēmitanaw kisikāwa, ē kakwēcihikot sētana: ē wicēwāt pikwaci pisiskiwa; okisikowa māka ki pamiik.

14ispi māka kā kipaoht cān, cisas ki pē takosin kālalihk, ē kakēskimiwēt kisēmanito o miwācimowin, 15#mātyo 3:2omisi māka ē itwēt, sāsay tipipayiw, mina kisēmanito ot otēnawiwin kisiwāk ayāyiw, kwēskātisik mina tāpwētamok miwācimowin.

16ē pimāsakāmēt māka kālali sākahikanihk ki wāpamēw saimana mina antaroa ociwāmiyiwa saimana, ē pakitawāyit sākahikanihk: cikēmā ki onocikinosēwēwiwak. 17cisas māka ki itēw, pē pimitisahok, ki ka isiitināwāw māka kita nocikinosēwātēkwāw ayisiyiniwak. 18sēmāk māka ki nakatēwak ot ayapiwāwa ēkosi ē ki pimitisawācik. 19ē ati yahki sipwētēt māka ki wāpamēw cēmisa okosisa sēpiti, mina cāna ociwāmiyiwa, osihk ē ayāyit ē misayapēyit. 20sēmāk māka ki natomēw; ki nakatēwak māka otāwiwāwa sēpitiwa osihk asici atoskēyākana, ē ki pimitisawācik māka.

21ki itohtēwak māka kēparnēamihk, sēmāk māka ē ayamihēkisikāyik ki pihtokēw ayamihēwikamikohk ē ki kiskinohamākēt. 22#mātyo 7:28,29ki māmaskātamwēwak māka o kiskinohamākēwiniyiw; cikēmā ki isi kiskinohamākēw tāpiskoc awiyak ē ayāt tipēyihcikēwin, namawiya tāpisko masinahikēwiyiniwak. 23ēkota māka ot ayamihēwikamikowāk ayāw pēyak ayisiyiniw ē ayāwāt ēkā ē pēkisiyit ahcāhkwa; ki tēpwēw māka, 24omisi ē itwēt, kēkway niyanān kēnawāpamikoyāhk kiya ohci, kiya cisas nāsarētihk kohciyan? ki pē itohtān ci kita nisiwanāciiyāhk? ki kiskēyimitin awēna kiya, o kanātisima kisēmanito. 25cisas māka ki kitahamawēw, omisi ē itāt, ēkā kito, mina pēci wayawi ēkota ohci. 26ana māka ēkā kā pēkisit ahcāhk ē wisakipitāt, mina ē mistahi tēpwēt, ki pē wayawiw. 27kahkiyaw māka ki māmaskātamwak, ēkosi ēwako ohci ki kakwēcitowak, ē itwēcik, kēkway oma? kēko oski kiskinohamākēwin oma? cikēmā tāpiskoc ē tipēyimāt isi oyasowātēw ēkā ē pēkisiyit ahcāhkwa ēkosi nanaihtāk. 28ot ācimikowin māka misiwē ki pētākwaniyiw kālali askihk wāsakām.

29sēmāk māka ispi ayamihēwikamikohk kā pē ohci wayawicik, ki pihtokēwak o wāskāhikaniyihk saimana mina āntarowa asici cēmis mina cān. 30saiman māka wiwa okāwiyiwa ki pimisiniyiwa ē kisisowāspinēyit; sēmāk māka ki acimostawēwak: 31ki pē itohtēw māka, ē ki sakicicēnāt, mina ki opinēw; sēmāk māka kisisowin ki nakatikoyiwa, ēkosi ki pamiikwak.

32ispi māka ēti otākosik, sāsay ē ki pahkisimok, ki pētamawēwak kahkiyaw kā ākosiyit mina kā wiyawiskākoyit maci ahcāhkwa. 33kahkiyaw māka otēnāhk kā ayācik ki māwaciitowak iskwātēmihk 34ki iyinikahēw māka mihcēt kā ākosiyit nanātohk ē itāspinēyit, mina mihcēt maci ahcāhkwa ki wayawiwēpinēw, namawiya māka ki iyinamawēw maci ahcāhkwa kita ayamiyit cikēmā ki kiskēyimik.

35ispi māka kiyēkisēpāyāk, ē mwayē mosciwak wapaniyik ki waniskāw mina ki wayawiw, ē ki itohtēt ita ē nisikatowēyitākwaniyik, ēkota ē ayamihāt. 36saiman māka mina aniki kā wicēwācik ki pimitisawēwak. 37ispi māka kā miskawācik omisi ki itēwak, kahkiyaw ayisiyiniwak ki nanātonākwak. 38omisi māka ki itēw, māhti itotētāk kotak otēnāhk, ēkota mina kita kakēskimiwēyān; cikēmā ēwako ohci kā pē itohtēyān. 39#mātyo 4:23; 9:35ēkosi māka ki kakēskimiwēw ot ayamihēwikamikoyihk misiwē kālalihk, mina ē ki wayawiwēpināt maci ahcāhkwa.

40ēkota māka ki pē nātik omacāspinēa, ē kākisimototākot, mina ē ocihcihkwanapistākot, omisi ē itikot, kispin itēyitamani ki ka ki pēkihin. 41cisas māka, ē kitimākinawāt, ki sowiniskēyiw, mina ē ki sāmināt, omisi ē itāt, nit itēyitēn, ki ka wi pēkiikawin. 42sēmāk māka macāspinēwin ki nakatik ēkosi ki pēkiāw. 43ki ayākwāmimēw māka sēmāk mina ki sipwētisawēw; 44#lipitikas 14:1-32omisi ē itāt, mēyākwām ēkāwiya nāntaw isi awiyak ayisiyiniw, māka sipwēhtē, natawi wāpatiyisostaw ayamihēwiyiniw, mina ki pēkiikowin ohci pakitināso anihi kēkwaya mosis kā ki itasowēt, kita ohci kiskēyitamoacik. 45māka ki wayawiw, ēkosi ē ki sipwēātotahk, mina misiwē ē ki kiskēyitamoiwēt anima kā ki ikihk, ēwako māka ohci cisas namawiya mosis ki pihtokēw otēnāhk, māka nikotwāw pikwataskamikāhk ki ayāw; ki pē nātāw māka misiwē itē ohci.

Currently Selected:

sēnt mārk 1: KKMR

Highlight

Copy