sēnt mārk 2
2
1ispi māka mina ē pihtokēt kēparnēamihk, mwēstas iyikohk ē kakisikāk, ki pēhtākwan wāskāhikanihk ē ayāt. 2mihcēt māka ki māwaciitowak, ēkosi piyis namawiya tawāw, nama, namawāc apocika iskwātēmihk, ēkosi ki wāwitamawēw itwēwin. 3ki pē itohtēwak māka ē pēsiwācik nāpēwa ē nipowāspinēyit nēo ē pimiwiyikot. 4ēkā māka kisiwāk ē ki pē nātācik ē isi osāmēyatiwiht, ki tawinamwak apakwān ita ē ayāyit: ispi māka kā pikonakik ki pakitinamwak nipēwin ita onipoāspinēwa ē pimisiniyit. 5cisas māka ē wāpahtamwāt o tāpwētamowiniyiw ki itēw onipoāspinēwa, nikosē, ki ponēyitamākawin ki maciitiwina. 6māka ātiht masinahikēwiyiniwak ēkota ki apiwak ēkosi ē ayitēyitakit otēiwāhk, 7tānēki awa ayisiyiniw kā papāstāmot? awēna kē ki ponēyitamākēt maciitiwina piko kisēmanito? 8sēmāk māka ispi cisas kēskēyitahk ot ahcāhkohk oma ē ayitēyitamiyik, omisi ki itēw, tānēki oma kā ayitēyitamēk ki tēiwāhk? 9tānānima wiyētahk kita itiht kā akosit nipowāspinēwin, ki maciitiwina ki ponēyitamākawin; ahpo kita itiht waniskā otina ki nipēwin mina pimohtē? 10māka kita kiskēyitamēk iyiniwikosisān ē ayāt kaskihēwisiwin ota askihk kita ponēyitamākēt maciitiwina (omisi itēw kā ākosiyit nipowāspinēwin,) 11waniskā, kit itin, otina ki nipēwin ki wāskāhikanihk isi kiwē. 12sēmāk māka ki waniskāw, ki otinam o nipēwin, mina ki ati sipwētēw kahkiyaw ē kanawāpamikot; ēwako māka ohci kahkiyaw ki māmaskātamwak, mina ē ki kistakimācik kisēmanitowa omisi ē itwēcik, namawikāc omisi noh isi wāpatēnān.
13mina māka sisonē sākahikanihk ki ati itohtēw; kahkiyaw māka ē māmawēyatiyit ayisiyiniwa ki pē otihtik, ēkosi ki kiskinohamāwēw. 14ē ati papimotēt māka ki wāpamēw lipāya okosisa ālpias ē apiyit ita ē otinimiht tipahikēwi soniyāwa, omisi māka ki itēw, pimitisahon. ki pasikoyiwa māka ē ki pimitisahokot. 15ki ayikin māka ēkwā cisas ē apit ē micisot o wāskāhikaniyihk, mihcēt paplikana mina omacātisiwa ki witapimik cisas asici o kiskinohamawākana; cikēmā ki mihcētiyiwa ēkosi ki pimitisahok. 16ispi māka masinahikēwiyiniwak mina parasiyak, wiyāpamācik ē wici micisomāyit paplikana mina omacātisiwa, omisi ki itēwak o kiskinohamawākaniyiwa, tānēki kā wici micisomāt mina kā wici minikwēmāt paplikana mina omacātisiwa? 17ispi māka cisas piyēhtahk, ki itēw, aniki kā miyo ayācik namawiya natawēyimēwak maskikiwiyiniwa, piko aniki kā ākosicik: namawiya ni pē itohtān kita natomakik okwayaskitātisiwak, māka omacātisiwak.
18cān māka o kiskinohamawākana mina pārasiyak ki iyiwanisiisowak; ēkosi ki pē natawi itēwak, tānēki cān o kiskinohamawākana mina pārasiyak o kiskinohamawākaniwāwa kā iyiwanisiisoyit, māka kiya ki kiskinohamawākanak namawiya iyiwanisiisowak? 19cisas māka omisi ki itēw, kita iyiwanisiisowak ci wēkosisikāwiniwicik wikihtowikamikohk mēkwāc ē wici ayāmikocik owikihtowa? iyikohk wiya ē wici ayāmikocik owikihtowa namawiya kita iyiwanisiisowak. 20māka kisikāwa kita otihcipayiwa ita kē maskamihcik owikihtowa, ēkwa māka kē iyiwanisiisocik ēwako kisikāk. 21mina namawiya awiyak misaikākēw oskāyi kayāsi miskotākāhk; kākayē wiya anima oskāyi kā misaikākāniwahk otēkipayiw, oskāyi kayāsāyi ohci, ēkosi awasimē yāyikipayiw. 22mina nama awiyak asiwatāw oski somināpo kayāsi wikwāhk: kākayē wiya anima oski somināpo poskoskamomakan anihi wikwaya, ēkosi somināpo sikipayiw mina wikwaya nisiwanātanwa; māka oski somināpo kita asiwatāniwan oski wikwāhk.
23 #
tiyotaranami 23:25
ki ayikin māka ē ki ati pimohtēt ē ayamihēkisikāk mēkwa pakwēsikani kistikānihk; ēkosi o kiskinohamawākana ē ati pimohtēyit ki māci māmanipitēyia pakwēsikanikāna. 24pārasiyak māka ki itēwak, cist, tānēki kā itotahkik ē ayamihēkisikāyik anima ē itastēk oyasowēwin ēkā kita totamihk? 25omisi māka ki itēw, namawikāc ci koh ayamitānāwāw tēpit kā ki totahk, ē kwitamāt mina ē notēkatēt, wiya mina anihi kā ki wicēkot? 26#lipitikas 24:9#1 sāmyoil 21:1-6kā ki isi pihtokēt o wāskāhikaniyihk kisēmanitowa mēkwāc apāyatar ē kihci ayamihēwiyiniwit, ē ki mowāt māka anihi kiskinawācicikani pakwēsikana, kā itastēk oyasowēwin ēkā awiyak kita mowāt piko ayamihēwiyiniwak, mina ē ki miyāt anihi kā wicēwikot? 27ki itēw māka, ayamihēkisikāw ki ositamawāw ayisiyiniw, namawiya māka ayisiyiniw ayamihēkisikāw ohci: 28ēkosi iyiniwikosisān tipēyitam mina ayamihēkisikāw.
Currently Selected:
sēnt mārk 2: KKMR
Highlight
Share
Copy
Want to have your highlights saved across all your devices? Sign up or sign in
This Bible text is a transliteration of a corrected edition of the 1908 Western Cree Bible; it is in the public domain.
