Popular Bible Verses from sēnt mātyo 27

Share

nānitaw māka kēkat mitātaht ē ispayik tipaipisimwān, cisas ki mistahi tēpwēw, omisi ē itwēt, ilay, ilay, lāma sēpāktanay? ēkwanima ē itwanik, ni kisēmanitom, ni kisēmanitom, tānēki kā ki nakasiyan?

cist māka, ākoēkaikan kihci ayamihēwikamikohk ki tātopayiw ē nisotāpayik ispimihk ohci piyis tapasis; mina māka aski ki kihkwan, mina ē kakistapiskāk ki tataskipayiw; yikwahaskāna māka ki papaskitēpayiwa; mihcēt māka aniki okanātisiwak wiyawiwāwa kā nipācik, ki waniskāwak

cisas, māka mina ispi kā mistahi tēpwēt, ki pakitinēw ot ahcāhkwa.

ispi māka kihci simākanisiwikimāw, mina anihi kā wicēkot, ē kanawāpamācik cisasa, wiyapatahkik ē nanamaskamikipayik, mina anima kā ki ayihkiniyik, nāspic ki sēkisiwak, omisi ē itwēcik, tāpwē isa awa ki kisēmanitowi kosisaniwiw.

ispi māka nikotwasik ē ispayik tipahipisimwān ki wanitipiskaw misiwē askihk piyis ē otihcipayik kēkat mitataht ē ispayik tipahipisimwān.

pailat māka omisi itēw, tānisi māka wiya kē totawak cisas, Christ kā isiyihkāsot? kahkiyaw māka omisi itēwak, kiyām kita cistaskwataw. oyasowēwikimāw omisi ki itēw, tānēki, kēkway kā maci totahk? māka āhci piko sohki awasimē ki tēpwēwak, omisi ē itwēcik, kiyām kita cistaskwataw.