Popular Bible Verses from San Marcos 13

Share

Mit nu'pʉjʉn is̈-angáj mijchat ni'c is̈cupʉjcap ʉ̱, po jeme imajmo'ámpay hasta icʉs̈pʉ'nwa'n nu'pʉjʉn jeme jatámpay, ayé nisalva̱jtʉ̱́j.

’Nicuidá̱tcʉjʉ, tsʉ̱́nga prepara̱tic mit orá̱tca, ni'c ingajawigap jutim icojawa'n ayé tiempu.

Po cuandu is̈munʉs̈cáj pa autoridajat icʉ'jugujmat, campensa̱tca ti inyʉmgámpay, po inyʉmgáj lo que Dios is̈moygámpay en ayé hora, ni'c caje' mijchatu micotscáj, po is̈ajcotscáj Espíritu Santu.

Cʉs̈áj tsajp mit na̱s̈, po tanáj pa siempre lo que tʉnyʉmpay.

’Nepʉn igajawip ti s̈ʉjw ne ti hora icʉs̈pʉ'nwa'n nu'pʉjʉn, ne ángejlat tsajpni'cway igajawigapey, ne Dios iway. Solo tʉnte̱t Dios ijawip.

’Mit inmaraugáj ni'c itp tsuguin mit is̈nʉmgajáj ni'c itámnaj más tsuguin, po campʉ̱tcawit, ni'c itp ti ijatwa'n wename, po canije' tiempu pa icʉs̈pʉ'nwa'n nu'pʉjʉn.

We'ney mijchat, pi tsʉ̱nga prepara̱tic, ni'c ingajawigap jutim imi'nwa'n tʉcna' ijayc, te icutsu'iwa'n, o te pu̱jtsu'm, o te i-ʉwa'n ca̱yuna' jopoytsu'mnaj, o te jopoyít. Magami'n jaran, is̈cupa̱tigáj mima̱gap. Mit lo que tʉnʉmgʉs̈apay mijchat, tʉnyʉmgʉs̈apey nu'pʉjʉjnat: Tsʉ̱́nga prepara̱tic.

Ni'c jayajwat en tu'c na̱s̈ imutsuguinwatcáj jayajwat jatu'c na̱s̈atway, mit tsuguinwatcáj rejyat. Mit nas̈áj us̈ mʉgʉcway jʉmgapa'tu, mit itáj yu' mit pʉ̱tna̱s̈. Mit ijatwa'n wename, ayé ni'c chu̱chipnaj iguitunas̈ca jayajwat.

Antes icʉs̈pʉ'nwa'n nu'pʉjʉn, itp ti nas̈nʉmdacyo'jyʉ'cwa'n Jesucristu i-oyway noticia pa nu'pʉjʉn jayajwat.

Ni'c mingáj mayo'c we̱tpajyat mit i-ataynʉmgáj ni'c je'jat Cristu, mit iwe̱jta̱jcáj mayo'c jayajwat.

’Nicuidá̱tcʉjʉ mijchat ni'c is̈yajcáj icʉ'jugujmat judíujat ijefejat, mit is̈raunipʉ'ngáj mam i-adora̱tca judíujat, mit je'jat is̈munʉs̈cáj pa mam itsʉ̱nga gobernadojrat mit mam reyna'jat ni'c ʉ̱ is̈wangap, mit we'n oyáj is̈nʉ́mgaja lo que incupʉjcapay.

Ni'c mingáj we̱tpajyat, inʉmgáj ni'c je'jat Cristu, mit inʉmgámpey ni'c Dios igui-ajyu'tcau, mit iwatcáj majatway milagrujat mit is̈acnigu-epigʉjʉ̱́j, mit te oyap iwe̱jta̱jcájate hasta jeme Dios icupiugʉs̈way.

’Po en ayé s̈ʉjwat, icʉs̈wa'n ayé pʉ̱tna̱s̈, s̈ʉwáy cuchitimiyáj, mit po'wáy cajata'cs̈áj. Mit ma̱tswájat ca'ugáj tsajpni'c, mit nu'pʉjʉn cosa ijtʉpay poder tsajpni'c s̈is̈cada'gáj.