Popular Bible Verses from San Marcos 14

Share

Inʉjmau: —Padre, mi̱ oyap is̈wat nu'pʉjʉn cosa. Majyiyac pa tʉgatunas̈ ayʉ̱́j prueba tʉs̈mijnapay, po tʉnwamp tʉs̈watwa'n lo que mi̱ inwampay.

Tsʉ̱́nga nijutuc mit orá̱tca pi is̈catenta̱tcac. Iyacs̈ta'cway nawamp nas̈watwa'n oy, po nacuerpu nas̈camajyip.

Iyacs̈ta'cway tʉnʉmgʉs̈ap ni'c jʉmgapa'tu mam iguinʉmdacyo'ygawa'n ayé oyway noticia en nu'pʉjʉn mundu, i-ampiugáj lo que iwatway ayʉ̱́j to's̈ay, pa we'n inijawigáj je'.

Inʉmgʉs̈au: —Tu'no'cp tʉnjo̱jt hasta tʉs̈jawi oyap tʉ-o'c. Tánga yam mit tsʉ̱́nga prepara̱tic.

Mit mam icayga-ate, Jesús ipʉc ma̱s̈anʉ̱n mit ibendiciona̱t, i-emgada̱c mit imoygʉs̈ je'jat, inʉmgʉs̈au: —Pʉctsóuga, ayʉ̱́j as̈am tʉncuerpu.

Iguipʉjc tu'c vasu, iguinʉ́jmaj Dios ni'ctiyu̱s̈, imoygʉs̈ je'jat, mit itu-u̱jcau nu'pʉjʉn. Mit inʉmgʉs̈au: —Ayʉ̱́j as̈am tʉnyipin pa ma it tu'c nam acuerdu, mit tʉnyipin pujʉ'gáj pa mayo'c jayajwat ma tsʉ̱nga perdona̱tic.

Mit Jesús inʉmgʉs̈au: —En ayʉ̱́j tsu' is̈cuyaguigáj nu'pʉjʉn mijchat, ni'c ja'yic itsʉ̱na Dios ilibruni'c: “Tʉnago'gáj aquepmucpayna' mit nu'pʉjʉn borregujat cunʉs̈icada̱jcáj.”

Ca's̈ʉ'jca mit janga. E'pca, nigutomijyʉp jeme tʉs̈to'ctʉgʉyámpay.

Jesús inʉjmau: —Iyacs̈ta'cway tʉnʉjmap ni'c jinapay tsu' antes i-ʉwa'n mechc viaje ca̱yuna', tu̱gup viaje is̈nʉmwa'n ni'c ʉ̱ is̈ca-is̈cap.